Marc Montes, Infantil I deth Club d'Esquí Val d'Aran (CEVA), qu'artenhec era tresau posicion en Supèr Gigant, era pròva reina des Campionats d'Espanha celebrats en Sierra Nevada pendent es dies 9 enquiar 11 d'abriu.

 

En Sierra Nevada se disputèc era fasa finau dera Copa d'Espanha, a on èren en jòc es títols de Campions der estat. Se disputèren es tres disciplines damb ues condicions limitades de nhèu, per açò se debanèren en ua zòna alternativa dera estacion.

 

Deth CEVA destaquèc Marc Montes, qu'artenhèc era tresau posicion deth Supèr Gigant, ua pròva exigenta de velocitat a on era concorréncia siguec fòrça grana entre toti es participants. En Slalom Gigant Marc Montes artenhec ua meritòria quatau posicion en prumèr set maugrat que damb bèth problèma ena segona manja çò que le hèc acabar ena ueitau posicion.

 

Eth sòn companh d'equipa Samuel Bannett se placèc ena setau posicion dera prumèra manja deth slalom.

 

Iñigo Larriu que siguèc proclamat diuendres 13 d'abriu campion d'Espanha de Slalom Gigant en tot imposar-se ath rèste des sòns companhs ena pròva de Sierra Nevada. Damb ues condicions de nhèu dura-primauèra se desvolopèc era pròva de Slalom Gigant a on es mielhors corredors dera temporada tornèren a demostrar eth sòn bon estat de forma. Iñigo Larriu (CEVA) que guanhèc eth prumèr set damb autoritat en tot imposar-se a Ferriol Llibre que retalhèc distàncies ena segona manja.


CEVA / Ferriòl Macip