CAPÇALERA: CONGRÉS AMIC
CAPÇALERA2: FAI-TE SOCI

Jornalet, gaseta occitana d'informacions

Dimars, 15 d'octòbre

Actualitats

Diluns, 16 de setembre de 2019, 03h00 Escòla,Lenga,Politica,Societat

Son a córrer de Gavarnia a Tolosa per l’ensenhament de l’occitan

La situacion de l’occitan dins l’ensenhament public es arribada a una situacion fòrça grèva aquesta rintrada après la reforma Blanquer


Comentaris 12 comentaris    
Marrit Flac Bon Plan bon Fabulós (15 vòtes)
carregant En cargar


A la Calandreta de Tarba





Comencèt ièr una corsa entre Gavarnia e Tolosa per interpelar las autoritats sus l’estat de l’ensenhament de l’occitan. Dins un itinerari de 250 km, la marcha ten lo sosten de nombroses collectius de parents e d’ensenhaires e de l’occitanisme. Es a passar per Gèddra, Lus, Pèirahuta, Tarba, Tornai, Lamanesa, Montrejau, Sant Gaudenç, Martras de Garona, Carbona, Sant Lis, Plasença de Toish, e arribarà a Tolosa dijòus ont lo rector de l’Acadèmia de Tolosa recebrà una delegacion del Centre Regional dels Ensenhaires d’Occitan de Tolosa (CRÈO Tolosa),
 
La situacion de l’occitan dins l’ensenhament public es arribada a un estat fòrça grèu aquesta rintrada après la reforma de l’educacion segondària de l’estat francés. En mai de la supression de plusors classas d’occitan, pel primièr còp cap d’escòla de la circonscripcion escolara de Tolosa dobrirà pas una seccion bilingüa francés-occitan. A mai, se respècta pas pus la convencion entre l’estat francés e las regions que garentissiá una ofèrta minimala de l’ensenhament de l’occitan als collègis. La casuda dels efectius d’escolans que fan d’occitan es sul pic tombada d’un 50%.
 
Los organizaires d’aquela corsa demandan a l’administracion lo restabliment dels efectius e la dobertura de nòvas seccions e que s’afortisca la formacion e lo recrutament dels ensenhaires d’occitan. Dins lo segondari revendican almens una egalitat amb l’ensenhament de las lengas classicas (latin o grèc) e una dotacion especifica d’occitan, coma la ten l’Acadèmia de Bordèu.
 
Enfin, los ensenhaires exigisson que se revèrse la situacion actuala e que se garentisca que se pòsca aprene l’occitan de l’ensenhament primari fins a l’universitat. De fach, aquela revendicacion es un drech reconegut pels principals tractats de dreches umans e lingüistics actuals.
 
 
Las revendicacions
 
Al primièr gra

— Restabliment d’almens un conselhièr pedagogic d’occitan dins totes los departaments de l’acadèmia de Tolosa.
— Dobrir de novèlas seccion bilinguas francés-occitan.
— Afortiment de la formacion e del recrutament dels regents d’occitan.
 
Al segond gra
— Desvolopament d’un ensenhament espandit de l’occitan. Dobertura de nòus collègis en metent fin als sosservicis forçats de maites professors d’occitan.
— Aumentacion de l’orari occitan pels collegians bilingües d’1 ora a 2 oras al collègi.
— Correccion de la reforma del licèu en donant a las lengas regionalas lo meteis estatut que las lengas e culturas de l’Antiquitat. Vòlon l’egalitat.
— Que l’occitan pòsca èsser vertadièrament una lenga viva de tipe B e que lo rectorat s’engatge a ne far la promocion.
— Dobertura de l’occitan dins de licèus novèls.
— Repensar l’ensenhament d’especialitat d’occitan qu’a pas capitat.
— Una dotacion especifica per l’occitan coma a Bordèu.
 
Universitat
— Aumentar lo nombre de candidats formats al CRPE e al CAPES d’occitan.
 
 
Plan e estapas de la corsa
 
 
Dimenge 15 de setembre - 72 km
 
09h15 - Partença de Gavarnia
10h30 - Comuna de Gèdra
11h30 - Glèisa de Lus
12h00  - Collègi de Lus
14h00 - Collègi de Peirahita.
15h30 - Luganhan
16h00 - Lorda Santuari e passatge a l’espital
18h30 - Omenatge a Pèir Lobèra davant lo licèu Jean Dupuy de Tarba.
 
 
Diluns 16/9 – 71 km
 
08h00 - Partença de Tarba davant l’Inspeccion Academica ont lo CRÈO i depausarà una letra
08h30 - Escòla Calandreta
10h30 - Collègi de Tornai
13h30 - Licèu de Lanamesa
16h00 - Recepcion e ponch de premsa  sus la plaça centrala de Montrejau
18h30 - Recepcion e ponch de premsa davant lo licèu de Sant Gaudenç.
 
Dimars 16/9 – 86 km
 
08h00 - Partença de Sant Gaudenç
12h00 - Martras de Garona
14h30 - Carbona
18h30 -  Recepcion e ponch de premsa a Sant Lis jol mercat cobèrt  de la Plaça Nacionala.
 
Dimècres 17/9 – 30 km
 
09h00 - Partença de Sant Lis
11h00 - Plasença deu Toish
12h30 - Ostal de la Region a Tolosa
15h00 - Arribada al Rectorat de l’Acadèmia de Tolosa, Plaça de Sant Ròc. Lo CRÈO i depausarà una letra.
 
 
Dins lo vidèo que seguís, podètz veire la crida de Fabrici Bernissan, un dels timonièrs de l’eveniment.

 
 




 
 

 



publicitat
BANER1-2-3: DGPL AN LAFONT



Comentaris

20 de setembre 14.13h

La parladissa davant las grasilhas del rectorat foguèt rica d’ensenhaments.
Primièr cal afortir la capitada de l’escorreguda, l’imatge positiu d’una espròva esportiva. Ara la pompa es amorçada : cal contunhar. E tanben cal pas culpabilizar lo mond qu'èra pas aquí, compte tengut de la situacion.
Contunhar dins aquel biais positiu en alargant las causas. Òc per çò qu’es estat evocat per N. Rei Bèthvéder : bastir una accion de massa la mai larga possibla. Solide l’ensenhamen... Legir mai


Valoriza aqueste comentari:   votar positiu 2   votar negatiu 0
Respondre comentari replica Comentari inadeqüat   Formulari d'abús de comentari

17 de setembre 23.37h

Correr per la lenga de País, açò està molt ben. E a mai far exercici per perdre greis. Salut e cultura ensems. Endavant a ped o en bicicleta ! Visca la lenga nostra !


Valoriza aqueste comentari:   votar positiu 3   votar negatiu 0
Respondre comentari replica Comentari inadeqüat   Formulari d'abús de comentari

17 de setembre 10.40h

#9
Fabrici Bernissan se merita felicitacions, i a cap de dobtes aqui ! E tanben s’es degut sentir solet dins tota aquela organizacion.

òc ben nos cal aprene de comunicar, sem al sègle de la comunicacion, sariá benlèu temps de s’en trachar. I a biais de far, biais de diser, biais d’alestir. Ja se nos podiam parar de las causas que son pas de far sariá cocanha.

Per Billie Holiday e la frasòta « aqui una estranha enamarzida recòlta » es a l’occitanisme tot que pensavi : lo ra... Legir mai


Valoriza aqueste comentari:   votar positiu 3   votar negatiu 0
Respondre comentari replica Comentari inadeqüat   Formulari d'abús de comentari

16 de setembre 21.24h

Per totes los que se carran de criticar la fotò primièira:
De qu'es aquò pus digne : de correr sol per portar endavant son engatgament, o de s'acontentar de criticar, lo cuol plan a posita, davant son ordenador e darrèr un escais!
De que fasèm pas e que poiriam far?
Ièu, levat la critica sus la comunicacion #4,( pas una critica de fons), tiri mon berret al Fabrici Bernissan.
Non solament per sas recèrcas amb d'utisses sociologics serioses, que nos deurián a totes dorbir los uèl... Legir mai


Valoriza aqueste comentari:   votar positiu 13   votar negatiu 4
Respondre comentari replica Comentari inadeqüat   Formulari d'abús de comentari

16 de setembre 17.57h

Mentretant, cal sosténer Fabrici Bernissan que, en mai, es pas lo primièr còp que pren iniciativas "esportivas" atal per la defensa de la lenga nòstra. Òsca a el e al sieu coratge.


Valoriza aqueste comentari:   votar positiu 24   votar negatiu 0
Respondre comentari replica Comentari inadeqüat   Formulari d'abús de comentari

16 de setembre 15.24h

Que muisha tot lo flaquèr de l'occitanisma, vertat....Lo tipe qu'i va tot sol pr'amor qu'ac sap, probable, qu'ei impossible de bastir un projècte comun qui sia coerent. Que pana un temps preciós!


Valoriza aqueste comentari:   votar positiu 6   votar negatiu 1
Respondre comentari replica Comentari inadeqüat   Formulari d'abús de comentari

16 de setembre 13.37h

#4

Avetz bravament razon, avem una comunicacion de truca luna, un gost de trabalh en còla qu’existís pas. Diu me damne, pas tròp çaquelà, tot es de far.
Aquò rai cadun alestís sa menestra dins sa foganha e la menestra la tastam brica ! Damòra mièg alestida dins las olas catadas ambe pelhòts dins la foganha

#2 La solessa del correire de longa la coneissetz pas ? Nos faretz 10km cada jorn !

Tot aquò me fa soscar a Billie Holiday dins una de sas cançon la darnièra frasòta dit... Legir mai


Valoriza aqueste comentari:   votar positiu 2   votar negatiu 3
Respondre comentari replica Comentari inadeqüat   Formulari d'abús de comentari

16 de setembre 13.12h

#2 De tota mòda, ne ns'i escadem pas jamei a apressar tot lo monde quan volem apitar eveniments d'endom : ''òc pertot'', ''l'occitan a la tv cada dia'', e que'n passi. Donc crear un eveniment atau qu'ei benlèu ua solucion interessanta, que vederam.


Valoriza aqueste comentari:   votar positiu 12   votar negatiu 1
Respondre comentari replica Comentari inadeqüat   Formulari d'abús de comentari

16 de setembre 11.05h

Òsca vertadièrament per aquela iniciativa!
Regreti pas que d'una causa, çaquelà !
Que la comunicacion se siague pas facha abans !
Cossì s'organisar- prevenguts lo diluns- per participar, o, pel mens, encoratjar una manifestacion jà començada e que s'acaba lo dimècres! Quina pena de i poder pas èsser- emai a Tolosa davant lo rectorat!
E aquela manca de comunicacion, quantes de còps ne patissèm! cadun a trabalhar dins nòstre canton!
Emai quand lo motiu es d'importancia ... Legir mai


Valoriza aqueste comentari:   votar positiu 26   votar negatiu 3
Respondre comentari replica Comentari inadeqüat   Formulari d'abús de comentari

16 de setembre 10.29h

#2 Un tipe que hè tot çò que pòt entà l'ensenhament de l'occitan. E vos, qué hasètz ?


Valoriza aqueste comentari:   votar positiu 29   votar negatiu 9
Respondre comentari replica Comentari inadeqüat   Formulari d'abús de comentari

5 -10 -20 -totes
1
-
2 >




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER1-2-3: DGPL AN LAFONT

Editorial

Que pas res nos arrèste

“Òu, Union Europèa, calma-te. Torni dire: s’ensajas de qualificar nòstra operacion d’invasion, nòstre prètzfach es simple. Dobrirem las pòrtas ...
giny

Lo temps

Mapa
  • sol Agen 11
  • sol Aush 11
  • sol Bordèu 12
  • sol Briançon 13
  • sol Caors 11
  • sol Carcassona 13
  • sol Clarmont-Ferrand 11
  • sol Confolent 14
  • sol Gap 13
  • sol La Canau 13
  • sol La Gàrdia 13
  • sol Limòtges 11
  • sol Lo Borg Sant Dalmatz 15
  • sol Lo Puèi de Velai 8
  • sol Marselha 19
  • sol Montpelhièr 17
  • sol Naut Aran 9
  • sol Niça 18
  • sol Nimes 16
  • sol Pau 12
  • sol Peireguers 11
  • sol Rodés 11
  • sol Tolon 12
  • sol Tolosa 11
  • sol Valença 16

giny

giny

Vidèos

giny

Entrevista

giny

giny

publicitat

lateral 2 teveoc

Fotografias

  • Serada occitana a Malhòrca

  • © Franc Bardòu

    Asuèlhs Bigordans

  • © Franc Bardòu

    País Bordalés

  • Coserans: Sent Líser, Casavèth, Sent Guironç, Saurat...

  • © Franc Bardòu

    País Bordalés

  • Pòrt de Niça: Li galeras

  • © Franc Bardòu

    País Bordalés

  • © Laurenç Revèst

    Via de Buelh a Pèunas a Valberg fins a Sant Laugier

  • © Zep Armentano

    XI prèmis Gaudí de l'Acadèmia Catalana del Cinèma

  • Los Pokémons de la 3a generacion revirats en occitan

  • © Laurenç Revèst

    Vista de Nimes, lengadociana per l'istòria, provençala per lo dialècte

  • © Franc Bardòu

    Asuèlhs de Lauragués

  • © Laurenç Revèst

    La botiga de Macarèl a Sant Joan de Vedats (Montpelhierenc)

  • © Franc Bardòu

    Tèrra albigesa

  • Clarençac, 40en anniversari dau club taurin Paul Ricard "L'Escapaire" (07/06/2015): rossetalha, abrivada e bandida en cèucle dins lei dogas

  • Fèsta dal Dalfin al Borg. © Cristòu Daurore

    Fèsta dal Dalfin al Borg Sant Dalmatz

  • Ciutat de Blaia: al país de l'amor de lonh

  • © Laurenç Revèst

    La botiga de Macarèl a Sant Joan de Vedats (Montpelhierenc)

  • © Laurenç Revèst

    Sauve (Cevènas), ciutat màger vidorlenca a las carrièiras bèlas e en mudason

  • © Asalaís Moniguet

    Montpelhièr la lengadociana

publicitat

LATERAL2 330x60: Casteth Paums



publicitat

LATERAL1 300X250: radio pais

Las mai...

publicitat

LATERAL1 300X250: radio pais

giny

Sondatge

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)