Actualitats
Greta Thunberg als caps mondials: “Se decidissètz de vos mancar envèrs nosautres, o vos perdonarem pas jamai”
La reünion pel clima de las Nacions Unidas s’es acabada amb l'engatjament de 77 païses de reduire de tot en tot las emissions de gases d'efièch de sèrra abans l'an 2050
La jove activista environamentalista suedesa Greta Thunberg, icòna de la lucha contra lo cambiament climatic, a reprochat als lidèrs mondials lor passivitat e los a acusats de nos aver menats “al començament d'un escantiment de massa”. O diguèt diluns dins son intervencion a la reünion pel clima de las Nacions Unidas.
“Sèm al començament d'un escantiment de massa e parlatz solament d'argent e de contes de fadas sus una creissença economica eternala”, çò reprochèt Thunberg en getant de lagremas. “Cossí gausatz?”, çò demandava, “Los joves començam de comprene vòstra traïson”, çò assegurèt. “Avètz raubat mos sòmis e mon enfànça amb vòstres mots vuèges”. A mai, la jove activista de 16 ans remarquèt que podiam encara corregir la direccion e avertiguèt: “Se decidissètz de vos mancar envèrs nosautres, o vos perdonarem pas jamai”.
Greta Thunberg entamenèt fa un an una tièra de protèstas cada divendres davant lo parlament suedés, amb la tòca que los dirigents mondials escotèsson las proposicions dels joves fàcia a l’escalfament climatic. Puèi, d’adolescents d’autres païses coma Belgica, Àustria, Alemanha o lo Reialme Unit comencèron d’o far tanben. Ara, Thunberg a interromput sos estudis per prene un an sabatic. Après sa participacion a la reünion pel clima a Nòva York, vesitarà Canadà, Mexic e Chile, ont en decembre participarà a una cima sus l’urgéncia climatica.
Tostemps acompanhada de son paire, Thunberg arribèt sul continent american per mejan d’una nau ecologica del monegasc Pierre Casiraghi, que tanben l'acompanhava. Èra partida del pòrt de Plymouth (Anglatèrra) lo 14 d’agost passat e refusèt de viatjar en avion per evitar d’emissions polluentas.
Las cinc annadas pus caudas de l’istòria
La reünion de l'ÒNU comencèt amb la publicacion d'un rapòrt entitolat Unitsdinslasciéncia, que confirma que las darrièras cinc annadas son estadas las pus caudas de l'istòria de l'umanitat. Segon lo rapòrt, las emissions de gases d'efièch de sèrra an aumentat d’un 20% e encara contunharàn de créisser dins los dètz ans avenidors.
Optimisme dels lidèrs mondials
Per contra, los caps mondials se mostrèron optimistas. Lo president de França, Emmanuel Macron, la cancelièra alemanda, Angela Merkel, e quitament lo primièr ministre d'Índia, Narenda Modri, prononcièron de discorses positius e se vantèron de las bonas accions de lors païses.
Macron insistiguèt sus l'Acòrdi de París de 2015 e diguèt que lo caliá manténer. A mai, assegurèt que Russia aviá ratificat aqueles acòrdis e se'n regaudiguèt. Quant a ela, Merkel soslinhèt qu'Alemanha aviá investit 4 miliards d'èuros per luchar contra lo cambiament climatic. De son caire, Modi assegurèt que la transicion energetica d'Índia seriá rapida puèi qu’aumenta sa produccion d'electricitat amb d'energias renovelablas.
Aparicion inesperada de Trump
La participacion del president dels Estats Units, Donald Trump, èra pas prevista; aviá dich qu'èra “fòrça ocupat” e qu’i assistiriá pas. Pasmens, Trump apareguèt e ocupèt son sèti dins la sala.
Los Estats Units se retirèron de l’Acòrdi de París de 2015. Aquela decision, presa per Trump, a daissat los Estats Units al marge del consens mondial, amb Nicaragua e Siria, que son los dos sols païses qu’avián pas signat l’acòrdi environamental. La diferéncia es que los Estats Units son, après China, lo país qu’emet mai de gases amb efièch de sèrra (lo 18% del total mondial), mentre que las emissions de Nicaragua e de Siria ensems ne representan solament lo 0,24%.
L'Acòrdi de París de 2015
La Cima del Clima de l’ÒNU (CÒP21), tenguda a París en 2015, obtenguèt lo primièr pache de l’istòria contra lo cambiament climatic. Acceptat per 195 païses, aquel acòrdi fixa un limit a las emissions de gases d’efièch de sèrra e establís un sistèma de finançament per que los païses amb mens de ressorsas se pòscan adaptar als efièches del cambiament climatic. Un autre dels ponches principals del pache es l’engatjament de totas las economias mondialas d’evitar que la temperatura de la planeta puège mai que de 2 grases Cèlsius e de far un esfòrç per la limitar a 1,5 gra.
“Sèm al començament d'un escantiment de massa e parlatz solament d'argent e de contes de fadas sus una creissença economica eternala”, çò reprochèt Thunberg en getant de lagremas. “Cossí gausatz?”, çò demandava, “Los joves començam de comprene vòstra traïson”, çò assegurèt. “Avètz raubat mos sòmis e mon enfànça amb vòstres mots vuèges”. A mai, la jove activista de 16 ans remarquèt que podiam encara corregir la direccion e avertiguèt: “Se decidissètz de vos mancar envèrs nosautres, o vos perdonarem pas jamai”.
Greta Thunberg entamenèt fa un an una tièra de protèstas cada divendres davant lo parlament suedés, amb la tòca que los dirigents mondials escotèsson las proposicions dels joves fàcia a l’escalfament climatic. Puèi, d’adolescents d’autres païses coma Belgica, Àustria, Alemanha o lo Reialme Unit comencèron d’o far tanben. Ara, Thunberg a interromput sos estudis per prene un an sabatic. Après sa participacion a la reünion pel clima a Nòva York, vesitarà Canadà, Mexic e Chile, ont en decembre participarà a una cima sus l’urgéncia climatica.
Tostemps acompanhada de son paire, Thunberg arribèt sul continent american per mejan d’una nau ecologica del monegasc Pierre Casiraghi, que tanben l'acompanhava. Èra partida del pòrt de Plymouth (Anglatèrra) lo 14 d’agost passat e refusèt de viatjar en avion per evitar d’emissions polluentas.
Las cinc annadas pus caudas de l’istòria
La reünion de l'ÒNU comencèt amb la publicacion d'un rapòrt entitolat Unitsdinslasciéncia, que confirma que las darrièras cinc annadas son estadas las pus caudas de l'istòria de l'umanitat. Segon lo rapòrt, las emissions de gases d'efièch de sèrra an aumentat d’un 20% e encara contunharàn de créisser dins los dètz ans avenidors.
Optimisme dels lidèrs mondials
Per contra, los caps mondials se mostrèron optimistas. Lo president de França, Emmanuel Macron, la cancelièra alemanda, Angela Merkel, e quitament lo primièr ministre d'Índia, Narenda Modri, prononcièron de discorses positius e se vantèron de las bonas accions de lors païses.
Macron insistiguèt sus l'Acòrdi de París de 2015 e diguèt que lo caliá manténer. A mai, assegurèt que Russia aviá ratificat aqueles acòrdis e se'n regaudiguèt. Quant a ela, Merkel soslinhèt qu'Alemanha aviá investit 4 miliards d'èuros per luchar contra lo cambiament climatic. De son caire, Modi assegurèt que la transicion energetica d'Índia seriá rapida puèi qu’aumenta sa produccion d'electricitat amb d'energias renovelablas.
Aparicion inesperada de Trump
La participacion del president dels Estats Units, Donald Trump, èra pas prevista; aviá dich qu'èra “fòrça ocupat” e qu’i assistiriá pas. Pasmens, Trump apareguèt e ocupèt son sèti dins la sala.
Los Estats Units se retirèron de l’Acòrdi de París de 2015. Aquela decision, presa per Trump, a daissat los Estats Units al marge del consens mondial, amb Nicaragua e Siria, que son los dos sols païses qu’avián pas signat l’acòrdi environamental. La diferéncia es que los Estats Units son, après China, lo país qu’emet mai de gases amb efièch de sèrra (lo 18% del total mondial), mentre que las emissions de Nicaragua e de Siria ensems ne representan solament lo 0,24%.
L'Acòrdi de París de 2015
La Cima del Clima de l’ÒNU (CÒP21), tenguda a París en 2015, obtenguèt lo primièr pache de l’istòria contra lo cambiament climatic. Acceptat per 195 païses, aquel acòrdi fixa un limit a las emissions de gases d’efièch de sèrra e establís un sistèma de finançament per que los païses amb mens de ressorsas se pòscan adaptar als efièches del cambiament climatic. Un autre dels ponches principals del pache es l’engatjament de totas las economias mondialas d’evitar que la temperatura de la planeta puège mai que de 2 grases Cèlsius e de far un esfòrç per la limitar a 1,5 gra.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#19
òuu, vertadièrament pas de qué far lo flabutaire encantat aleiçonaire. Far 50 ans que gafolhatz dins l’occitanisme e setz pas enquèra arribats a rentabilizar un dequé , siaguessa mendre dels mendres, e parli pas de ganhar de fortunas, par èsser agolardits de subvencion sabetz ren far ! Sens subvencions existissetz brica alavetz podetz vos riser e vos engodofar farà un chucaire de mens !
#12 "Valeurs actuelles" arf arf m'atz fach la jornada, plejat de rire, paubra babòia babinhas de rebòrd de clafotís de peseus (vist coma nommatz la Greta, me permete de vos autrejar queu brave chafre)
E del temps que la Greta fa l'espectacle degun parla pas de la causa principala del rescalfament climatique e de la pollucion : l'explosion demografica incontrolada.
#16 Interessant, e respondi pas que sus un punt: s'es plan comprés, los planhs se hèn contra los paises qu'an ratificat la carta deus Drets deus Dròlles, se que non contra los autes es pas possible de portar un planh. Es pas un planh en justícia, es simbolic, es pas au près d'une juridiccion de justícia.
#13
En democracia s’ausís los differents punts de vistas, d’arguments chifrats, i Fins ara es pas lo nombre de scientifics (puta que ne i a de climatològ…2500 al GIEC : amariai los comptar), es pas lo nombre de scientifics d’un costat ou d’un autre que balhan razon al pus mai grand nombre.
I a confrontacions e apèi òm se pòt far son vejaire.
Las previzions son dificil subretot quora concernisson l’esvenidor !
La democracia es pas exportable dins una camioneta blindada !
Perqué i a que los climato septics qu’an drech de parlar a l’ONU ?
E per l’ora lo trosquilh morre de coja dicha santa Greta es brica scientific, fa sa recitacion, de qual i diguèc ? Perqué d’unis i fan diser ? Los país los mai polluaires son coneigut e contra elis i a brica de plenta ? perqué ?
Alavetz dins lo debat dels per o contra i a sonque los arguments que comptan, los modèls de simulacions eca.
Se poria plan que la realitat siaguessa plan mens trancada.
Per claure dirai que i a segurament causas de melhorar si que non acabat de prene la vuèitura, aniras trabalhar a pè !o bicicleta.
Se tot lo monde avia una vuèitura electrica, avem pas pron d’electricitat per las far virar… s’avetz solucions las cal eissir de la tireta.
D’un autre band, se voletz fa d’investissaments i a recercas menadas per sus la baterias, per las melhorar en rencreisser la capacitat, la durada de vida eca : crèsi plan qu’e per vos
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari