Actualitats
Setze adolescents an entamenat una accion juridica contra cinc païses dont França
An denonciat Alemanha, Argentina, Brasil, França e Turquia per aver mancat a la convencion de l’ÒNU suls dreches dels enfants a causa de lor inaccion contra l’escalfament climatic
Setze joves adolescents, entre 8 e 17 ans, dont la bordalesa Iris Duquesne e la coneguda suedesa Greta Thunberg, anoncièron diluns passat que depausavan una denóncia en justícia contra Alemanha, Argentina, Brasil, França e Turquia per aver mancat a la convencion de l’ÒNU suls dreches dels enfants a causa de lor inaccion contra l’escalfament climatic. Aquela denóncia inedita l’an facha amb l’ajuda del gabinet internacional d’avocats Hausfeld e la benediccion de l’Unicèf.
Malgrat qu’aquela convencion foguèsse signada fa trenta ans, los dirigents d’aqueles païses “an pas tenguts lors engatjaments”, çò diguèt la jove suedesa dins l’encastre de la reünion pel clima de las Nacions Unidas. A mai, aquela accion en justícia deu permetre de “far compréner” als dirigents que i a una “urgéncia reala”, çò apondèt Duquesne al micro de France Info.
La Convencion Internacionala dels Dreches de l’Enfant l’an ratificada totes los païses del Mond, franc dels Estats Units.
L’ÒNU deu ara dobrir una enquèsta
La denóncia s’inscriu dins l’encastre d’un “protocòl opcional” de la convencion qu’autoriza dempuèi 2014 los enfants a far una denóncia davant lo comitat dels dreches de l’enfant de l’ÒNU, s’avaloran que lors dreches son greujats. Ara, un comitat deu enquistar sus las violacions presumidas, puèi far de recomandacions als Estats denonciats per i metre fin.
Los testimoniatges dels joves activistas
Segon los joves activistas, los cinc païses denonciats son responsables d’una larga part istorica de las emissions de gases d’efièch de sèrra. D’autres païses encara mai polluents son los Estats Units, China e Índia, qu’an pas ratificat la carta dels dreches dels enfants.
“Los adultes an pas agit e ara nos devon escotar. Nos cal crear una consciéncia. Avèm drech de nos plànher e de sortir per carrièras”, çò diguèt la bordalesa Iris Duquesne, qu’a 16 ans.
“Vòli dire a totes los dirigents que nos escoten. Soi de Salvador de Bahia, ont se gèta d’escobilhas dins lo flume qu’après arriban a l’ocean sens que las autoritats fagan pas res. Ara nos podèm pas banhar perque tombariam malauts”, çò assegurèt la brasilièra Catalina Lorenzo, qu’a 14 ans.
“Los dirigents agisson pas lèu perque se comportan coma d’enfants, deurián venir a mon ostal, dins las illas Marshall, s’o creson pas”, çò diguèt Ranton Anjain, qu’a 17 ans. Demest los setze, i a tres activistas d’aquel archipèla del Pacific, qu’ara se bat contra la pojada del nivèl de la mar.
“Sembla que los govèrns del Mond an oblidat lors engatjaments envèrs los enfants. Cossí nos pòdon protegir, del temps que de mai en mai de moissals nos transmeton la malària perque lo sòl es mai umid que jamai, quand las tempèstas tustan pus fòrt que jamai, mentre que despareisson los peisses aquí ont abans pescàvem?”, çò diguèt l’estatsunidenca Alexandria Villaseñor.
Malgrat qu’aquela convencion foguèsse signada fa trenta ans, los dirigents d’aqueles païses “an pas tenguts lors engatjaments”, çò diguèt la jove suedesa dins l’encastre de la reünion pel clima de las Nacions Unidas. A mai, aquela accion en justícia deu permetre de “far compréner” als dirigents que i a una “urgéncia reala”, çò apondèt Duquesne al micro de France Info.
La Convencion Internacionala dels Dreches de l’Enfant l’an ratificada totes los païses del Mond, franc dels Estats Units.
L’ÒNU deu ara dobrir una enquèsta
La denóncia s’inscriu dins l’encastre d’un “protocòl opcional” de la convencion qu’autoriza dempuèi 2014 los enfants a far una denóncia davant lo comitat dels dreches de l’enfant de l’ÒNU, s’avaloran que lors dreches son greujats. Ara, un comitat deu enquistar sus las violacions presumidas, puèi far de recomandacions als Estats denonciats per i metre fin.
Los testimoniatges dels joves activistas
Segon los joves activistas, los cinc païses denonciats son responsables d’una larga part istorica de las emissions de gases d’efièch de sèrra. D’autres païses encara mai polluents son los Estats Units, China e Índia, qu’an pas ratificat la carta dels dreches dels enfants.
“Los adultes an pas agit e ara nos devon escotar. Nos cal crear una consciéncia. Avèm drech de nos plànher e de sortir per carrièras”, çò diguèt la bordalesa Iris Duquesne, qu’a 16 ans.
“Vòli dire a totes los dirigents que nos escoten. Soi de Salvador de Bahia, ont se gèta d’escobilhas dins lo flume qu’après arriban a l’ocean sens que las autoritats fagan pas res. Ara nos podèm pas banhar perque tombariam malauts”, çò assegurèt la brasilièra Catalina Lorenzo, qu’a 14 ans.
“Los dirigents agisson pas lèu perque se comportan coma d’enfants, deurián venir a mon ostal, dins las illas Marshall, s’o creson pas”, çò diguèt Ranton Anjain, qu’a 17 ans. Demest los setze, i a tres activistas d’aquel archipèla del Pacific, qu’ara se bat contra la pojada del nivèl de la mar.
“Sembla que los govèrns del Mond an oblidat lors engatjaments envèrs los enfants. Cossí nos pòdon protegir, del temps que de mai en mai de moissals nos transmeton la malària perque lo sòl es mai umid que jamai, quand las tempèstas tustan pus fòrt que jamai, mentre que despareisson los peisses aquí ont abans pescàvem?”, çò diguèt l’estatsunidenca Alexandria Villaseñor.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#1 Au delai de vòstra discriminacion sus l'atge de la personas e de vòstre mespretz (vos podriatz aplicar a vos mesma l'acòrd toltec que citatz "que vòstra paraula siá impecabla" perque se'n manca de beucòp lol), sabetz ben que la granda majoritat daus scientifics climatològues alertan sus lo chamnhament climatic, Greta Thunberg fai mas segre lor diagnostic e preconizacions. Qu'es pas coma si eram pas dins la seisesma extinction de massa de las espècias. Mas tot vai plan ben... Qu'es tôt daus complòt nos ditz lo venerable Papioli...
#1 Es vertat, coma ditz Macron, los enfants an pas qu'a se calar e anar netejar Corsega. Cal arrestar la bestièsas -totjorn Macron dixit - e daissar la gestion del climat e de l'avenidor a de mond seriós e plen de dardenas. Se son rics es que ne sabon mai que los autres.
Ç.Q.C.D.
Los efants an lo dreit de parlar . D'accòrd mas que lòr paraula siaja impecable e lòr demanda basada sur daus criteres scientifics pus leu que sur daus "on-dits".
A voler balhar daus dreits aus efants , òm lòr fai creire que son daus reis. Autre còp òm lo boatava au trabalh dins lo champ o alhors per aprener un mestier. Uei, òm lòr balha un ordinator e un micrò per poder parlar au monde entier.
Quò es aus adultes a prener lòr responsabilitat e pas balhar aus jòunes l'idéia que porra pilotar un vaisseu espacial e comandar sens aver aprengut coma far! L'òm lòr apren a parlar de çò que se passa dins lo monde entier mas conaissam ren sur la region ente son nascuts.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari