Bandièra01 1180x150: País Invisible

Actualitats

crotz-tolosaCreated with Sketch.GasconhaBearn

Se ten uèi la primièra jornada de “Familha en lenga”

Lo CFPÒC de la Nòva Aquitània organiza quatre jornadas per portar l’occitan als parents dels escolans que parlan la lenga

| Guilhèm Sevilha
A luòc uèi la primièra de las quatre jornadas de “Familha en lenga”, amb la tòca de portar l’occitan als parents dels calandrons e de totes los escolans que seguisson de corses d’occitan. Dins aquestas jornadas, los parents se pòdon iniciar a la lenga del temps que los enfants participan a d’animacions menadas per d’animators diplomats que fan viure l’occitan delà l’escòla. Après dinnar, totas las familhas, parents e enfants ensems, participan al jòc de pista e escàmbian amb d’autres parents e escolans.
 
Las quatre jornadas se debanan en Bearn. Uèi se ten a la sala per totes de Bòrdas. Los autres rendètz-vos seràn lo 12 d’octòbre al Benon, lo 19 d’octòbre a la calandreta de Lescar e lo 9 de novembre a la calandreta d’Ortès.
 
Aquelas jornadas de lenga en familha se menan a bon tèrme gràcias a l’argent amassat dins la corsa La Passem, per la transmission de le lenga occitana. Demest los projèctes que benefícian de l’argent collectat dins aquela corsa, lo CFPÒC de la Nòva Aquitània a recebut 4000 èuros per las organizar.
 
La primièra edicion de La Passem se passèt amb grand succès en Bearn en 2018 e arribèt d’amassar 48 000 èuros que financèron uèch projèctes per la lenga occitana. L’edicion de 2020 percorrerà Bearn, las Lanas e Bigòrra del 30 d’abril al 3 de mai. En junh, l’eveniment contunharà en Roergue, e esperam que, lèu, la corsa tocarà tota Occitània de Medoc a las Valadas.



 
abonar los amics de Jornalet



 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

francesc palma
6.

Lo Bearn o fa molt ben. La corsa e amb l'argent es poden far moltas causas per la lenga, se vei que lo Batle de Pau es un gran occitanista.

  • 3
  • 0
Oksitanlaştıramadıklarımızdanmısınız Ai potat dins lo riu de las zegas, ara soi chòp.
5.

#4 envèrs transmission ... vòli plan.... de qu'una es l'eficacitat.

Per salvar nòstra lenga, nos podem pas apagar ambe d'accion simbolicas...
Mas l'accion simbolica pòt èsser una pichona empencha...

Per o saber, es de siègre menimosament se volem pas passar un còp mai per jogairèls estabosits.

  • 1
  • 5
Mèfi! 3!
4.

Aquò es plan normal, sonque qu'es una oportunitat de rètro- transmission; le monde al revèrs ...

  • 1
  • 1
Oksitanlaştıramadıklarımızdanmısınız Ai potat dins lo riu de las zegas, ara soi chòp.
3.

Cinq adelenc conàs quichavon suls polças enbàs..

  • 2
  • 10
Oksitanlaştıramadıklarımızdanmısınız Ai potat dins lo riu de las zegas, ara soi chòp.
2.

#1 ... decas de telefonet, decas que perdonaretz .

  • 0
  • 5

Escriu un comentari sus aqueste article