CAPÇALERA: CONGRÉS AMIC
CAPÇALERA2: FAI-TE SOCI

Jornalet, gaseta occitana d'informacions

Dimenge, 20 d'octòbre

Actualitats

Dimècres, 9 d'octòbre de 2019, 03h00 Environament,Internacional,Politica,Societat

A començat una protèsta mondiala contra lo cambiament climatic amb de centenats de detenguts

La protèsta se tendrà pendent doas setmanas e crida a la desobesissença civila e a la resisténcia pacifica per exigir de mesuras contra l’escalfament global


Comentaris 2 comentaris    
Marrit Flac Bon Plan bon Fabulós (7 vòtes)
carregant En cargar


Comencèt diluns passat dins un seissantena de vilas del Mond entièr una campanha de resisténcia passiva amodada pel movement Extinction Rebellion amb la tòca de protestar contra la manca de responsa dels govèrns a l’urgéncia climatica. Tre que comencèt, las autoritats de cada vila arrestèron de centenats de manifestants, especialament a Londres, Sydney, Amsterdam e Berlin.
 
Solament a Londres, la polícia detenguèt 276 activistas qu’avián blocat la circulacion de veïculs suls ponts e per las carrièras del centre vila en utilizant de pega e de cadenas.
 
A Amsterdam, arrestèron mai d’un centenat de personas per aver blocada la carrièra adjacenta del Musèu Nacional d’Amsterdam o Rijksmuseum. “Planhèm plan d’aver barrat la carrièra, mas aquò es una urgéncia”, çò disiá la bandeiròla que los activistas portavan. La polícia menèt los detenguts al comissariat en autobuses publics.
 
Mentretant, a Wellington (Nòva Zelanda), arrestèron mai de trenta activistas qu’avián talhadas las principalas artèrias de la vila e qu’avián empedit l’accès a divèrses ministèris e quitament assautada una agéncia bancària.
 
A Sydney (Austràlia) detenguèron environ trenta manifestants qu’ocupavan una carrièra près de l’estacion centrala de la vila, per desobesir als òrdres de la polícia.
 
Enfin, a Nòva York, los manifestants pintèron amb de pintura roja lo Taur de Wall Street, un monument metallic simbòl del sistèma economic. Sul monument, un manifestant brandava la bandièra verda d’Extinction Rebellion.
 
Totas aquelas accions an espelit dins l’encastre d’una campanha coordenada a l’escala mondiala per Extinction Rebellion, una organizacion nascuda al Reialme Unit que reüssiguèt a blocar lo centre de Londres pendent 11 jorns en abril passat.
 
La tòca d’aquelas protestas es de mobilizar d’activistas dins lo Mond entièr per exigir la reduccion a zèro de las emissions de gases d’efièch de sèrra per l’an 2025 e evitar la pèrda de la biodiversitat.
 


 
 
 
 
 
 
 
 


abonar los amics de Jornalet
 



publicitat
BANER1-2-3: DGPL AN LAFONT



Comentaris

11 d'octòbre 22.34h

Compreni pas perquè i a d'aver tants de detenguts per una causa que no ten gaire importancia politica ?


Valoriza aqueste comentari:   votar positiu 2   votar negatiu 0
Respondre comentari replica Comentari inadeqüat   Formulari d'abús de comentari

9 d'octòbre 09.08h

"De centanats de detenguts." Se vei que los poders an escotat la Segolène que ditz que son de violents.

Lo Pontife defuntat diguèt un jorn:
"L'ostal crema e agacham endacòm mai!"

Dempuèi avèm avançat fòrça. Ara es:
"L'ostal crema, cal tustar suls pompièrs!"

Coma dins las banlègas?

Tot aquò per dire a quin nivèl son los "politics de poder".


Valoriza aqueste comentari:   votar positiu 13   votar negatiu 1
Respondre comentari replica Comentari inadeqüat   Formulari d'abús de comentari

5 -10 -20 -totes
1




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER2: 468x60 Aran TV

Editorial

Tresmudar un problèma politic en un problèma d’òrdre public

Dempuèi longtemps l’estat espanhòl refusa de resòlver politicament lo problèma politic que ten en Catalonha. Ara, après l’enòrma indignacion ciutadana ...
giny

Lo temps

Mapa
  • sol Agen 14
  • sol Aush 13
  • sol Bordèu 14
  • sol Briançon 13
  • sol Caors 14
  • sol Carcassona 20
  • sol Clarmont-Ferrand 11
  • sol Confolent 17
  • sol Gap 12
  • sol La Canau 14
  • sol La Gàrdia 13
  • sol Limòtges 12
  • sol Lo Borg Sant Dalmatz 14
  • sol Lo Puèi de Velai 18
  • sol Marselha 20
  • sol Montpelhièr 20
  • sol Naut Aran 13
  • sol Niça 17
  • sol Nimes 20
  • sol Pau 15
  • sol Peireguers 13
  • sol Rodés 14
  • sol Tolon 13
  • sol Tolosa 14
  • sol Valença 18

giny

giny

Vidèos

giny

Entrevista

giny

giny

publicitat

lateral 2 teveoc

Fotografias

  • © Zep Armentano

    XI prèmis Gaudí de l'Acadèmia Catalana del Cinèma

  • © Aure Séguier

    Carnaval Biarnés 2017

  • Aison. © Andrea Celauro

    País d'Aison (Val d'Estura)

  • © Salça Morena

    Passeaia nucleària dal Prat (vilar de Sant Dalmaç lo selvatge) a Sant Dalmaç en passar per las baissas de Boneta e de Motiera (auta valaa de Tiniá)

  • © Conselh Generau d'Aran

    Lo Torn de França 2016 en Aran

  • Tolosa: manifestacion de sosten a las mobilizacions contra la restanca al Bòsc de Sivens

  • Cap a las fonts autas d'Arièja. © Franc Bardòu

    Savartés. Cap a las fonts autas d'Arièja

  • Bulo. © Laurenç Revèst

    Concors d'estiu 2012: La fotografia de las vacanças

  • © Laurenç Revèst

    Menton, 'a vivaroalpenca maritima

  • © Franc Bardòu

    Catalonha etèrna

  • © Laurenç Revèst

    Dins lei paluns de Camarga, la Torre Carbonièira e Aigas-Mòrtas

  • Briga (val de Ròia)

  • Gavotina marítima: trofèu d'August e vila vielha d'A Torbia

  • Occitan e economia: "occitanitat mai o mens visibla"

  • Asuèlhs comengeses. © Franc Bardòu

    Asuèlhs Comengeses

  • © Aure Séguier

    Carnaval Biarnés 2017

  • © Laurenç Revèst

    Nimes e preséncia d'occitan

  • Mentan

  • Cristòl Daurore

    Ceremonia pel 83n anniversari de Francés Fontan a Fraisse (Val Varacha)

  • 80a annaia d’a fèsta dau limon a Menton, en lu Òrts Biovès (16 de febraro au 6 de mars). ©  Artusa Garavan

    80a annaia d’a fèsta dau limon a Menton, en lu Òrts Biovès (16 de febraro au 6 de mars)

publicitat

lateral 2 teveoc



publicitat

LATERAL1 300X250: sapiéncia

Las mai...

publicitat

LATERAL1 300X250: radio pais

giny

Sondatge

Que pensas de las senténcias de 9 a 13 ans de preson contra los nòu nauts representants independentistas catalanas?


0%



14%



86%



0%




Vots 7 vòtes

comentaris 0

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)