Bandièra01 1180x150: Comuna de Tolosa

Actualitats

Apple a levat l’aplicacion qu'emplegavan los activistas d’Hong Kong per tracar los movements de la polícia

La societat estatsunidenca ditz que contraven a la politica d’usatge perque poiriá metre en perilh las fòrças de l’òrdre e los residents

Apple a retirat de son App Store, per mancar la politica d’usatge, l’aplicacion Hkmap.live qu’emplegavan los manifestants d’Hong Kong per localizar la preséncia de la polícia e sos movements. S’agís d’una aplicacion qu’amassa los messatges qu’òm publica suls rets socials e amb aquela informacion rapòrta las localizacions dels manifestants e de la polícia.
 
La societat estatsunidenca aviá ja retirat aquela aplicacion a començament d’octòbre mas reculèt. De fach aviá entamenat una enquèsta per respondre los planhs indicats per qualques “clients chepicats a Hong Kong” en descobrir que l’aplicacion poiriá metre en perilh las fòrças e l’òrdre e los residents, çò a dich Apple a Reuters.
 
Dins un comunicat, Apple ditz que l’aplicacion “l’avián emplegat per localizar e embuscar la polícia, en menaçant la seguretat publica, e los criminals l’an usat per victimizar los abitants dins de zònas ont sabon que i a pas de fòrças de seguretat”.
 
En China, la publicacion oficiala del Partit Comunista aviá qualificat aquela aplicacion coma “toxica”, e quitament diguèt que los activistas comptavan amb la complicitat de la companhiá estatsunidenca.
 
Segon Reuters, e mai s’Apple a retirat l’HKmap.live de l’App Store a escala globala, mas contunha d’èsser disponibla pels usatgièrs que l’avián descargada a Hong Kong. A mai, existís una version web que se pòt veire tanben amb los dispositius iPhone.
 
 
 
abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

francesc palma
2.

Al·lots a pissar i a jaure, que son oras per la canalha d'anar a dormir. Au!

  • 0
  • 0
Guilhèm Thomas Tolosa
1.


D'un autre latz los jogaires de vidèo jòc e afogats d'e-espòrts del monde entièr se mobilizan per Hong Kong e cridan a boycotar las entrepresas qu'agisson contra las activistas per la democracia.

  • 2
  • 3

Escriu un comentari sus aqueste article