Bandièra01 1180x150: Comuna de Tolosa

Actualitats

InternacionalPoliticaSocietat

Rojava: an assassinada la politiciana curda Hevrîn Helef

Coneguda per sa defensa dels dreches de las femnas e de las minoritats, de mercenaris turcs an arrestada la veitura ont viatjava e l’an tuada d’una bala al cap

| @KurdisCat
L’invasion turca de Rojava a provocat l’exòde d’environ 200 000 personas qu’an abandonat lors ostals per cercar un endrech mai segur, e dins los jorns avenidors lo nombre de desplaçats poiriá arribar al mièg milion. Lo nombre de personas mòrtas es ara desconegut e mai oficialament n’ajan reportat 35. Una de las victimas d’aquela guèrra es la politiciana curda Hevrîn Helef, secretària generala del Partit per l’Avenir de Siria, coneguda per sa defensa dels dreches de las femnas e de las minoritats. An arrestada l’auto ont viatjava, la n'an facha sortir e l’an aucida d’una bala dins lo cap, çò rapòrta Rudaw.
 
Helef anava de Ayn Issa devèrs Girê Spî quand sa veitura foguèt atacada per de mercenaris al servici de l’armada turca sus l’autoestrada M4 près d’Ahrar Ash Sharquiya, çò precisa KurdisCat. Après avèr assassinada la jove politiciana, los mercenaris turcs tuèron, un per un, los que viatjavan amb ela, menaires compreses.
 
Lo Partit per l’Avenir de Siria se fondèt en març de l’an passat e se batiá per una Siria democratica ont convisquèsson las diferentas minoritats en egalitat e respècte mutual. Aquela defensa d’una societat pluriculturala e multinacionala es just çò contrari del projècte del president turc, Recep Tayyip Erdoğan, que vòl impausar la supremacia turca e far desaparéisser las minoritats.


Masèl de jornalistas
 
L'armada turca a atacat un convòi de veituras civilas qu'anavan devèrs Serê Kanîyê (en arabi Ras Al Ain). I anavan divèrses jornalistas de França e de Brasil. O a raportat sus Twitter lo jornalista İskender Sezek que n'a publicat d'imatges esglasiants.

 
 
 
 


abonar los amics de Jornalet
 

Etiquetas

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Soros Monde
7.

"Rojava"! ... L'ai inventat ieu ... hi hi hi ...

  • 0
  • 2
francesc palma
5.

Turquia un govern nacionalista de criminals amb una exercit invasor d'assassins que volen esterminar los curds. Mas l'exercit sirià a arribat a un acord amb los curds e ja es dirigeissen a expulsar l'exercit turc invasor.

  • 4
  • 1
Franc Bardòu
4.

#3 Tant que raportarà mai als mai rics e mai poderoses de colaborar amb la racalha que ne parlatz, mai que de luchar contra…

  • 5
  • 0
Lo raiòu CVN
3.

Drech de las minoritats e de las femnas, quand de temps encara enduraretz la foliá dals mostres ?

  • 5
  • 0

Escriu un comentari sus aqueste article