Actualitats
Catalonha: las protèstas blòcan l’aeropòrt de Barcelona e tot lo país
Las protèstas se succediràn almens pendent tota la setmana. I a d’acamps convocats dins la majoritat de las vilas. La polícia reprimís amb violéncia
De protèstas massissas saturan Catalonha, las principalas carrièras, estradas, autoestradas e camins de fèrre son barrats coma protèsta contra lo verdicte de la Cort Suprèma espanhòla que condemna nòu elegits e caps socials catalans a de penas d’entre 9 e 13 ans de preson. Qualques milièrs de personas an pres l’aeropòrt de Barcelona en seguida de la crida que l'a facha lo movement Tsunami Democratic. La mobilizacion a saturat l’aeropòrt en ocasionant l'anullacion de nombroses vòls e quitament an provocat la casuda de las accions en borsa de la societat espanhòla dels aeropòrts. La polícia a atacat los manifestants amb fòrça violéncia. Encara sabèm pas lo nombre dels nafrats ni dels detenguts. Sus Twitter, l’etiqueta #SpainIsAFascistState (Espanha es un estat faissista) es arribat a la tresena posicion dels subjèctes de mòda de tota la planeta.
Mentre que la polícia a tabasat los manifestats e quitament los jornalistas, de milièrs de personas son totjorn a arribar a l’aeropòrt, mai que mai a pè.
A Madrid, aperaquí 1200 veituras an blocat los accèsses de l’aeropòrt. D’autras organizacions de l’estat espanhòl, especialament en Bascoat e Andalosia, an convocat de manifestacions de protèsta.
Mentretant, un jutge espanhòl a anonciat qu’emetrà un tresen mandat d’arrèst internacional contra Carles Puigdemont. Pasmens, lo ministèri public bèlga a dich que l’a pas recebut.
En Aran
Concentracion jos era ploja en Vielha contra era senténcia de condemna as liders politics catalans. #SentenciaCatràdiohttps://t.co/uhPGDV5zbe
— CatInfo Aran (@cati_aran) October 14, 2019
Las Marchas per la Libertat e la cauma generala
Las protèstas se succediràn almens pendent tota la setmana. I a d’acamps convocats dins la majoritat de las vilas. De soslinhar las nomenadas Caminadas per la Libertat que partiràn dimècres de Girona, Vic, Berga, Tàrrega i Tarragona e s’amassaràn totas divendres a Barcelona. En aquela jornada es convocada una cauma generala.
Las reaccions
Tre que s’es coneguda la senténcia, tot lo govèrn de la Generalitat de Catalonha a fach una compareissença publica per condemnar lo verdicte. “Lo refús de l’estat d'entamenar un dialòg per una solucion democratica del conflicte politic nos arrestarà pas en la determinacion de bastir un estat independent per nòstre país”, çò a dich lo president en foncions Quim Torra. En mai d’aquò, a assolidat que mandariá una letra al rei d’Espanha e al president del govèrn espanhòl en foncions, Pedro Sánchez, per lor demandar una reünion per tractar la crisi qu’arriba desenant.
De son caire, lo president del govèrn espanhòl en foncions a fach una compareissença per defendre lo ròtle “exemplar” e “independent” dels jutges espanhòls e demandar que s’accèpte la senténcia. Sánchez a assegurat qu’”Espanha es una democracia e que degun es pas jutjat per sas idèas politicas”. A mai, a criticat los independentistas e a assegurat que “[garentiriá] la convivéncia e la seguretat” dins lo Principat de Catalonha.
— Jordi Muñoz (@jordimunozm) October 14, 2019
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Paca la Culassa agués signat la sentència. Coma tamben Khitlo e Mussoloski
#9 je dirais même que c'est un feixista !!!!
#6 & #7 Companhs, perdètz pas vostre temps e vostra energia amb aquel troll. Lo paure "Hilh-de-degun" rasona pas, es sonque dins la provocacion, vos faire virar en borrica es son unenc plaser.
#7 Arren a véser dab ua arrelacion endiviuduau que cau deishar de somiartruitas. L'integritat territoriau e la coeréncia de sas institucions subsidarias que son las purmèras foncions d'un estat, democratic o non. De mei, libertats, que n'am beròi mei que nosautis los catalans.
#5 (Definicions dau Larousse)
Sédition : autrefois, soulèvement concerté et préparé contre l'autorité établie. (Il s'agissait d'un crime contre la sûreté de l'État.) Aujourd'hui, attentat, complot, mouvement insurrectionnel.
Subversif : qui est de nature à troubler ou à renverser l'ordre social ou politique.
Quan un maridatge es pas pus desirat, quan l'aparelhament de dos endividús (aicí doas entitats) es a malautejar e qu'un dals dos se l'i sent presonièr, aquel d'aquí a ben lo drech de caminar vèrs son desir, sa libertat.
Aimar l'Autre es li dire : te denegues pas, vai devèrs tu. E se la Vida li fai sentir sa plaça a costat d'aquel que li parla, vai ben. Se n'es lo contrari, a ben rason de se n'anar devèrs lo que deu èstre.
L'Estat espanhòu es segurament pas dinc l'amor dals pòples e dinc lo respèct de lur libertat de causida.
Pense que vos agradariá pas, a vos, que vos laissèsson pas liure, entre sentir que vòstra plaça es enquicòm mai... Una brava part dau pòple catalan a pas forçat sos elegits : aquò's una volontat collectiva. La vida es movement. Los Estats estent venguts tossicas, l'Autre a ben rason de causir una autra via.
Mès benlèu que Mossur "Hilh" embarra sa femna, el ? Un biais de conçaupre la libertat... ... ...
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari