Bandièra01 capçalera  1180x150: Novestivada

Actualitats

L’actor francés Gérard Depardieu a renonciat al passapòrt francés après la polemica de las talhas

Lo primièr ministre francés, Jean-Marc Ayrault, lo qualifiquèt de “fòrça mespresable” pel sieu exili fiscal en Valonia

L’actor Gérard Depardieu a escrich una letra dobèrta al primièr ministre socialista francés, Jean-Marc Ayrault, qu’aquela setmana lo critiquèt per aver cambiat la residéncia en Valonia per de rasons fiscalas. Depardieu ditz que li torna lo passapòrt e la carta de la seguretat sociala que “pas jamai a emplegat”.
 
“Demandi pas que s’apròve la miá decision, mas que se la respècte. Totes los que se’n son anats de França an pas recebut los insultes qu’ai recebut ieu”, çò ditz l’actor dins la letra publicada dins Le Journal du Dimanche. Ayrault qualifiquèt Depardieu coma “fòrça mespresable” pel sieu exili fiscal.
 
Depardieu afirma que fins ara aviá totjorn pagat las siás talhas a França e remembra al cap de govèrn que comencèt de trabalhar dins sos catòrze ans: “Li torni lo passapòrt e l’assegurança sociala, que jamai ai emplegat. Avèm pas la meteissa pàtria, ieu soi un vertadièr europèu, un ciutadan del Mond, coma o m’inculquèt totjorn lo mieu paire.”
 
Depardieu sostenguèt publicament l’èx-president Nicolas Sarkozy a las darrièras eleccions presidencialas.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Julien Bordèu
8.

#7 Ben, trobatz un artista occitan sosmés a l'ISF pr'amor de sas produccions artisticas, dejà, serà pas mau. Es coma se un médecin me muishava un segrat en me demandant d'i trobar un malaut...

  • 0
  • 0
Joan VII d'Astarac Aurinhac
7.

#5 Fiori ni Bosso non son pas representant de la cultura marselhésa, ja que non representan res en occitan, e que de l'occitan, se'n chautan tant coma lo quite Depardieu. Digatz-me un sol escrivan occitan que se siá enfugit per escapar a las talhas dins los sièis meses passats ! Digatz-me un sol actor occitan qu'ja causida la carrièra d'actor occitan per enfaissar milions e s'escampar e Suissa o en Valonia per escapar a las talhas ! Quant son a l'ora d'ara los Camus, Hugo e autres Rabelais encara vius adultats pel public amator de "people" ? Una cultura del fric, a las angónias, aquí çò que ne demòra. E que me pròben lo contrari… Non demandi mièlhs ni melhor !

  • 0
  • 0
Jaume Jose i Oranies Urgelh e endacòm mai
6.

Dins l'Union Europea i a libertat de circulacion per las personas que podon causir.
Se i a pas benestar social los paures son ligats a la terra coma en l'Edat Mejana.
Se as ton travalh al vilatge del costat te podes pas anar a viure a Valonia per pas pagar las talhas del luòc qu'as ton travalh.
Pensi qu'aquelas talhas es lo biais que paga qual a mai.
Ara es resposabilitat de Valonia se a botat talhas com cal.

  • 0
  • 0
Julien Bordèu
5.

#2 Fau arrestar dab "Cada país a los artistas que s'amerita". Albèrt Camus èra un artista francés, Victor Hugo tanben, François Rabelais... Tots los país son egaus davant lo risc d'aver un artista de mèrda coma Depardieu. Patrick Fiori e PAtrick Bosso son marselhés, pensi pas que sian grana fiertats per la cultura occitana.

  • 1
  • 0
Gaujós Arle
4.

I es una pàtria dau fric ?

  • 0
  • 0

Escriu un comentari sus aqueste article