Actualitats
Lo Conselh General d’Aran demanda que se respècte la senténcia e las leis
Dins un comunicat oficial, lo govèrn aranés s’inquieta de la crisi politica e sociala que la viu Catalonha, e demanda de “recuperar eth dialòg” e lo respècte de las leis
Lo Conselh General d’Aran a manifestat dins un comunicat oficial qu’accèpta e respècta las senténcias de 9 a 13 ans de preson que ne son victimas nòu personalitats independentistas catalanas, en assolidant que dins l’estat espanhòl i a separacion dels poders.
Lo comunicat comença en reconeissent lo drech de manifestacion e d’opinion e en condemnant las violéncias e las alteracions de l’ordre public e de la convivéncia. Puèi, mòstra son chepic per las consequéncias politicas, socialas e economicas que las pòt provocar la destabilizacion en Catalonha.
Quant a la senténcia contra los representants politics e socials catalans, lo Govèrn d’Aran demanda que se respècte, e mai diga tanben que respècta “eth dret dera ciutadania d’opinar e criticar es senténcies, es quaus, ath madeish temps, non [les] hèn insensibles ara situacion personau des implicadi e implicades”. Demanda doncas de recuperar lo dialòg, e lo respècte de las leis.
D’autre caire, lo comunicat explica qu’Aran defend son identitat pròpria mas “s’a caracterizat peth respècte as diuèrsi sentiments dera sua ciutadania”, e manifèsta son inquietud perque la crisi actuala afècta dirèctament lo foncionament del Conselh General d’Aran.
De soslinhar que l’autogovèrn d’Aran ven pas del govèrn espanhòl mas del Parlament de Catalonha, e que lo Conselh General es solament finançat per la Generalitat de Catalonha. La crisi provocada per la publicacion de la senténcia a menat al fach que lo president de la Generalitat e qualques representants del govèrn de Catalonha cancelèron la setmana passada lors reünions, dont tanben las qu’èran previstas amb amb lo Sindic d’Aran.
Podètz legir lo comunicat entièr en occitan aicí.
Lo comunicat comença en reconeissent lo drech de manifestacion e d’opinion e en condemnant las violéncias e las alteracions de l’ordre public e de la convivéncia. Puèi, mòstra son chepic per las consequéncias politicas, socialas e economicas que las pòt provocar la destabilizacion en Catalonha.
Quant a la senténcia contra los representants politics e socials catalans, lo Govèrn d’Aran demanda que se respècte, e mai diga tanben que respècta “eth dret dera ciutadania d’opinar e criticar es senténcies, es quaus, ath madeish temps, non [les] hèn insensibles ara situacion personau des implicadi e implicades”. Demanda doncas de recuperar lo dialòg, e lo respècte de las leis.
D’autre caire, lo comunicat explica qu’Aran defend son identitat pròpria mas “s’a caracterizat peth respècte as diuèrsi sentiments dera sua ciutadania”, e manifèsta son inquietud perque la crisi actuala afècta dirèctament lo foncionament del Conselh General d’Aran.
De soslinhar que l’autogovèrn d’Aran ven pas del govèrn espanhòl mas del Parlament de Catalonha, e que lo Conselh General es solament finançat per la Generalitat de Catalonha. La crisi provocada per la publicacion de la senténcia a menat al fach que lo president de la Generalitat e qualques representants del govèrn de Catalonha cancelèron la setmana passada lors reünions, dont tanben las qu’èran previstas amb amb lo Sindic d’Aran.
Podètz legir lo comunicat entièr en occitan aicí.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Segeissen lo que los ditz Pedro galineta.
A, lo socialisme d'opereta ! Es coma la Delga quand nos vòl d'autoritat un Licèu Chirac, aquela pesolha anti-occitanista o quand vòl donar lo nòstre pauc de moneda a lor "Dame de Paris" (que risca pas d'èsser la nòstra !)…
Vergonha e aquò ven d'occitans que la Generalitat de Catalonha a tant fach per eles, sobretot en Aran !
Fa de ben a Bertrand, t'o torna en cagant !
Defòra "Paco Boya e tota la siá chorma de botiflers !
SOLIDARITAT AMB ELS PRESOS POLITICS
Visca Catalunya ( e Aran) lliures
Boya a Pampaligòssa!
Quand quicòm lor va pas, nos contan de sansònhas a la Disney. Siatz braves e vos prometèm... sachent que las promesas son pas que per los qu'i creson!
E pensar qu'aquestes pretenduts socialistas, quand parlan d'istòria se presentan coma los eiretièrs dels revolucionaris... E ara son a lepar la man que tusta sul pòble.
Lo problema d'Aran revèrta lo d'Irlanda del Nòrd. Los araneses , coma los irlandeses, son venguts minoritaris dins lor pròpri païs.
Mèfi! Òm pòt imaginar per exemple, que quand los espanhòls que demòran en Andòrra auràn la nacionalitat andorrana en vendràn majoritaris, demandaràn la cooficialitat del castelhan abans de remandar al "patés" lo catalan vengut oficialament la "lenga andorrana".
Sembla de politica ficcion, mas cal creguèt en son temps als futurs imaginats per Huxley o Orwell? E ara i sèm en plen!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari