Bandièra01 1180x150: Comuna de Tolosa

Actualitats

Canadà: lo Blòc Quebequés tripla son resultat e demanda la liberacion dels presonièrs politics catalans

Justin Trudeau serà tornarmai primièr ministre, mas a perdut la majoritat absoluda e li caldrà d’acòrdis per governar

Lo liberal Justin Trudeau a tornat ganhar las eleccions en Canadà mas a perdut la majoritat absoluda. Per tant, Trudeau serà lo primièr ministre del país durant quatre ans de mai, mas dependrà totjorn dels acòrdis amb los autres partits per governar.
 
Ça que la, la suspresa d’aquelas eleccions canadencas es lo reviscolament del Blòc Quebequés (BQ). Mentre que se pensava qu’èra mòrt, la formacion sobeiranista de Quebèc a triplat son nombre de sètis al parlament d’Ottawa, en passant de dètz a trenta dos deputats, e aurà la fòrça d’impausar sas condicions per far de paches amb Trudeau.
 
Lo cap del BQ, Yves–F. Blanchet, a dich, tot just après la publicacion del resultat, que son partit es lèst per “collaborar amb quin govèrn que siá”. Pr’aquò a assegurat que priorizariá sustot los interèsses de Quebèc. Las darrièras paraulas del discors de Blanchet las a dedicadas a Catalonha: “Demandi al nòu primièr ministre que demande la liberacion dels presonièrs politics catalans”. A condemnat las violéncias policièras contra de civils e defendut lo drech d’autodeterminacion dels catalans, “una de las nacions entre las mai pacifics del Mond”, e los militants quebequeses i an reagit en cridant “libertat” en lenga catalana.
 
 
 
Los resultats
 
 
 


abonar los amics de Jornalet
 
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Francesc palma
3.

Mercès lo Quebec per demandar que s'aliberen los condemnats politics del Govern Catalans. Esper que vegem aviat lo Quebec independent.

  • 9
  • 0
Pitaluga
2.

Òsca, quebequeses!

De l'autre costat, lo Justin, que se sap pas s'es Bieber o Trudeau!
Lo Trudeau, lo Macron e lo Sanchez semblan sortits del meteis motle, de còpias de Ken. Es que lo liberalisme a pas gaire d'imaginacion a l'ora del casting per las petetas que fan semblant de governar pel ben comun. De segon ròtles de serias televisualas sens chuc ni muc mas als òrdres. De VRP dels GAFA e autres rics del 1% mai ric de la planeta. E nos empobolan plan la vida.

  • 19
  • 3
Tabernak Quebec
1.

Una plan bona nova. Ara lo mond es prevengut que se los presonièrs politics catalans son pas lèu-lèu liberats la poderosa Armada Quebesa lançarà una operacion militaria esglasianta contra Madrid. Sanchez ne'n caga jà dins sas bragas.

  • 28
  • 16

Escriu un comentari sus aqueste article