Bandièra01 capçalera  1180x150: Novestivada

Actualitats

Facebook a restrench los comptes de SUD-Ralh e CGT caminòts

Dempuèi lo 18 d’octòbre, 1r jorn de cauma, lo ret social a restrench e quitament escafat certans comptes d’aqueles sindicats ferroviaris

| DR / Le Parisien
Facebook a restrench los comptes dels sindicats SUD-Ralh e CGT caminòts, que representan los salariats de la societat francesa dels camins de fèrre,l' SNCF. “Tot comencèt divendres de matin, quand lancèrem la crida a depausar un drech de retirament après l’accident dins las Ardenas”, çò explica Fabien Villedieu, delegat de SUD-Ralh a Le Parisien “Quand s’es volgut publicar de comunicats o d’articles de premsa sus aquel eveniment, un messatge apareissiá per nos informar qu’aqueles tres comptes èran limitats”.
 
Quant a la CGT, la primièra organizacion sindicala de l’SNCF, a vist barrada sa pagina Facebook ”CGT produit train ET PSE” que raportava l’actualitat del sindicat. “Es incomprensible”, çò disiá estonat l'administrator del compte, Pascal Philippe, que gerís a l’entorn d’11 000 abonats. “Fasiam fòrça atencion a çò qu’es publicat. Pas de prepauses injurioses, racistas, antisemitas, omofòbs o autres. Avèm escrich plusors e-mails a Facebook per aver d’explicacions. Mas res. Facebook nos respond pas”, çò ditz.
 
Los jornalistas de Le Parisien an contactat lo ret social per demandar las rasons de las restriccions d’aqueles comptes, mas la sola responsa qu’an recebuda es que “son de comptes privats” e “aquò es confidencial”. En mai d’aquò, Facebook a publicat un comunicat en assegurant, d’un biais general, qu’“aquelas paginas son tractadas coma quin autra pagina que siá, dins lo quadre de nòstres estandards de comunautat sens consideracion de lor orientacion politica o de las idèas que veïculan”.
 
 
 
 
 
 
 
abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Pitaluga
2.

E òc! I a un fube de mond que se creson liures sus fèsboc e que comptan sus aquel daquòs per aparar la democracia e la planeta.
Ara lo Sucre-Mont nos vòl fa una moneda electronica, encara una!
E i a pas un govèrnament per lo metre en plaça, el e los autres brigands de las GAFAs.

  • 4
  • 0
Black Blòc Joe
1.

Se fisar a F.B. pour assetar una revolucion ! Paure mond, jamai non cal pas venir manjar dins la man de lo que que nos trepeja…

  • 6
  • 0

Escriu un comentari sus aqueste article