Bandièra01 1180x150: La Passem

Actualitats

IstòriaPoliticaSocietat

Niça: vòlon pas que lo cai de Cassini se nomene ara de Napoleon Ir

L’occitanisme local s’es quitament batut per que lo cai pòrte lo nom de Garibaldi

| @Nice_Matin
Lo cai de Cassini, a Niça, se nomena dempuèi lo 20 d’octòbre passat cai de Napoleon Ir. Aquel cambiament de nom a desagradat a fòrça mond del país, e mai circula una peticion per qu’aquel cambiament de nom siá anullat. Lo jornal Nice-Matin mençonèt  quitament aquel cambiament de nom coma “una error istorica”. E mai l’occitanisme local demanda que lo cai pòrte lo nom de Garibaldi, un celèbre niçard que faguèt l’unificacion italiana.
 
Per Cristòu Daurore, de Niça Pantais, Napoleon “èra un enemic de Niça, nos a levat lo nòstre drapèu e nos en a impausat un amb un leon e d’abelhas”, çò rapòrta France 3. A mai, per Daurore, Napoleon "a de sang niçard sus lei mans e nos a levat l'agla de la bandiera", çò precisa sus Aquò d’Aquí.
 
Per la comuna de Niça,  totun, “Napoleon èra un eròi au meteis títol que Charles de Gaulle”, segon çò que diguèt lo conselhièr municipal Gaël Nofri a France 3. “Encuei lu niçards se maridan e vivon sota lo regim dau còde civil de Napoleon”, çò apond.
 

 
France 3 n’a tanben parlat amb lo mond per carrièras.
 

 

 


 
 
abonar los amics de Jornalet

 
 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Reinat TOSCANO LO VAU
5.

Pensada dominanta... Revisionisme... Negacionisme... D'un temps, s'èra ja parlat de levar definitivament l'estàtua de Garibaldi, de transformar Plaça Garibaldi en Plaça Jaume Medecin (aí, aqueu qu'èra partit en Uruguay ...).
En lo 1989, la Municipalitat avia refudat de commemorar lo Bicentenari de la Revolucion francesa. Lo Cònse de l'epòca èra... Jaume Medecin... Un ponch per eu!

  • 1
  • 0
Lo raiòu Cevena
4.

Venduda a la pensada dominanta quela politicalha ! Per enterès e glorieta personala... Tot aquò vau pas res ! E se ajustem en d'aquò los abitants desculturats o ignorents, podèm afortir qu'una messòrga dicha dètz mila còps finís que ven una veritat. E que los venceires de per las armas e lo vici, e ben son eles qu'escrívon l'Istòria.
Aicí vesèm tota l'endispensabilitat, per chascun de nautres, de trasmetre son país, de trasmetre Lo País, amai ne'n tengue pas gaire.

  • 2
  • 0
c.
3.

Napoleon Bonaparte ?
. Una "glòria" soa de las granas : mandar 2 expedicions militaras contra Haïti e Guadalope en susmauta contra tornar a l'esclavatge los esclaus liberats en 1794 per la Convention, / e tornar legalizar l'esclavatge en 1802.
. lo "code civil" ? Tanben ! totas las femnas ( la mitat de la populacion ! ) lo mercejan per i èster consideradas com mainadas que devèvan aubeir lo pair o lo lor espós , shens nat dreit .
. e per quauqu'un que se passeja en Euròpa , pas un paìs on son nom ne sia vergonhòs !

Per una vila que se vòu toristica , una idèia mei que pegassa !

  • 4
  • 0
N
2.

Cai Garibaldi, segur!

Garibaldi parlava niçard! Nissart ! Voèi. E avia la consciéncia de la lenga nòstra.

E per refrescar la memòria:
https://opinion.jornalet.com/laurenc-revest/blog/94/garibaldi-loccitan

  • 4
  • 0
T
1.

Sustot que la maison de naissença de Garibaldi fuguèt destrucha per bastir aquel cai.
E Cassini, èra tròup scientific.
Doncas aquel nom es ben una decision politica.

  • 5
  • 0

Escriu un comentari sus aqueste article