Bandièra01 1180x150: Comuna de Tolosa

Actualitats

Un tèrratrem de 5,4 grases a gangassat lo Bas Daufinat e lo Bas Vivarés

Lo Telh (Bas Vivarés) a patit de damatges grèus. Los abitants d’environ 200 ostals son estats evacuats e las tors de las doas glèisas menaçan de tombar

| Jeff Pachoud / AFP
Un tèrratrem de 5,4 grases a gangassat la region de Montelaimar en causant de nafraduras a 4 personas, dont una es en estat grèu, e qualques damatges materials. L’epicentre s’es localizat jos la vila del Telh (Bas Vivarés) mas lo sisme s’es sentit fins a Marselha, Montpelhièr, Grenòble e Lion.
 
Lo Telh es lo luòc qu’a patit de damatges pus grèus. Los abitants d'unes 200 ostals son estats evacuats e las tors de las doas glèisas menaçan de tombar.
 
Aquela zòna dels Alps occitans se coneis istoricament per son activitat sismica. Fa 110 ans, i aguèt un terratrèm que causèt de desenas de mòrts.
 
 
Las centralas nuclearas son pas afectadas
 
Las centralas nuclearas de Tricastin e Cruàs son dins la region concernida pel sisme, mas segon France Info cap d’elas a patit cap de damatge. Segon Les Echos, EFD a degut arrestar los reactors en servici de la centrala de Cruàs per realizar de contraròtles après lo tèrratrem.
 
Es totun inquietant que França bastiguèsse aquelas gròssas centralas nueclearas dins una zòna de risques sismics.


   

 
 
 


 


abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Pitaluga
6.

Dormissetz brave mond, las centralas nuclearas riscan pas res.
Las centralas riscan pas res perque en tant qu'objèctes se'n chautan pas d'èsser degalhadas.
Mas nosautres òc, riscam, e es grèu per çò que sabèm plan que las precaucions presas son de contes de Pampaligòssa.
On es mon tub de pastilhas d'iòòòòòòde!

Tranquille! Coma siás gent de RES, per definicion siás un objècte.
Ergo: comptas pas pel mond de sang blau d'ennaut. Pas mai que los Peluts de 14.

  • 9
  • 0
Lo raiòu CVN
5.

#4 Lo Telh [lu tex] : aquò's finalament un rotacisme. Coma quauqu'us qu'ai agut coneissegut e que sortiá de Vals (Vals-les-bains). El disiá : "l'aigo d'en Var". Coma certans patronimes e noms de liòc. Ai en tèsta lo nom "Chanaleilles" que ven de la montanha, de la region dals Sucs e qu'a davalat per la Cevena, mai que mai dinc la nauta vau d'Ardecha. E ben, l'i trovem la forma "Chanareilles" (Chanalelhas/Chanarelhas). Coma "lou sourel" (sorelh) e " lou trovar" (travalh).

  • 7
  • 0
Gerard Bayle Valença
4.

La centrala mai pròcha es aquela de Cruàs-Meissa, a a pauc près dètz quilomètres solament alh nòrd delh Telh.
Alh Telh i a pas doás glèisas, mai tres. La fõto mòstra la glèisa romana delh quartièr de Melàs, la partida mai vièlha de la vila, alh sud-oèst, sus la rota que va vèrs Aubenàs
En parlar locau Lo Telh se ditz [ lu tex ] ambé un son que sembla la jota en castelhan. Es onte brolhère e aprenguère l'occitan.

  • 7
  • 0
Pau
3.

#2
Las pòrtas coma las frontièras estatalas (estaticas?) son aquí per nos protegir del malastre. Per bonastre. Urosament qu'i son!

  • 7
  • 0
Franc Bardòu
2.

Las centralas nuclearas de Tricastin e Cruàs son dins la region concernida pel sisme, mas segon France Info cap d’elas a patit cap de damatge. Efectivament, las ondas de truc sismicas se son arrestadas tot bèl just a la pòrta d'aquelas centralas, cambiant cortesament de direccion davant l'interès comun dels accionaris del lobby nuclear. Urosament !…

  • 9
  • 0

Escriu un comentari sus aqueste article