Bandièra01 1180x150: País Invisible

Actualitats

La justícia espanhòla es a jutjar dotze militants independentistas galècs

Los arrestèron a la fin d’octòbre de 2015 dins l’encastre d’una polemica operacion de la Gàrdia Civila; riscan de penas d’entre 4 e 12 ans de preson

La justícia espanhòla es a jutjar dotze militants independentistas galècs pels quals lo procuraire demanda de penas d’entre 4 e 12 ans de preson. Los jutja la dicha Audiéncia Nacionala, un tribunal d’excepcion especializat en crimes de terrorisme, qu’es lo meteis que dobriguèt la procedura contra los independentistas catalans.
 
Los acusats son de militants de las organizacions Causa Galiza e Ceivar. La primièra es un partit politic independentista que foguèt illegalizat en 2016 pendent un an jos l’acusacion de far l’apologia del terrorisme. Quant a Ceivar, s’agís d’una organizacion antirepressiva.
 
Dins un comunicat public Causa Galiza a criticat que “lo govèrn espanhòl en foncions decidisca d’aplicar de nauts nivèls de repression a d’organizacions independentistas que lor practica politica s’efectua dins la legalitat”. E mai asseguran que lo ministèri public vòl “criminalizar l’independentisme” e “far desaparéisser” las doas organizacions.
 
Cossí que siá, la decision es estonanta perque en julhet passat, aquela meteissa cort de justícia levèt contra eles las acusacions d’“apertenéncia a banda armada”.
 
Los dotze militants acusats foguèron detenguts a la fin d’octòbre de 2015 dins l’encastre d’una polemica operacion de la Gàrdia Civila per tota Galícia.
 
 
 
 
 
 
 
 
abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Pitaluga
1.

I a pas de dobte, la democràcia avança en Euròpa.

En mai d'aquò, los joves del partit "socialista" esloven an invitat lo conseller d'exteriors del govèrnament catalan a una conferéncia. Los caporals del partit los an forçats a demissionar. Sembla que totes los "PS" son comandats per d'elefants.

Quicòm mai.
Ven de tombar ara:
Prèmi nacional de las letras d'Espanha: Bernardo Atxaga
Prèmi Cervantes: Joan Margarit
Tota relacion amb la situacion actuala es pura coincidéncia!

Empacha pas mens que lo basc e lo catalan son d'escrivans de tria.

Ara lor caldrà trapar un prèmi per Manuel Rivas, per calmar los galècs.

  • 8
  • 0

Escriu un comentari sus aqueste article