Lo procès judiciari que l’an patit los presonièrs politics catalans ven d’èsser denonciat pels observaires internacionals d'International Trial Watch: an presentat un document que denóncia la violacion dels dreches umans e lo mancament envèrs lios principis penals e procedurals. Lo document, que se presentèt dijòus passat a Madrid, assegura que la “violacion massissa” dels dreches dels condemnats "empacha" que la senténcia se pòsca legir segon de paramètres "estrictament juridics". Dins aquel sens, asseguran que la senténcia es una “resolucion clarament ideologica” que “cèrca de remplaçar la necessària solucion politica del conflicte que se viu en Catalonha”.
 
Après dos ans en preson preventiva, e jutjats ongan, los presonièrs politics catalans recebèron lor verdicte lo 14 d’octòbre passat. Son reconeguts colpables de sedicion amb de penas de 13 ans de preson per Oriol Junqueras, 12 ans per Jordi Turull, Raül Romeva e Dolors Bassa, 10 ans per Josep Rull e Joaquim Forn, 11 ans per Carme Forcadell, e 9 ans per Jordi Cuixart e Jordi Sànchez.
 
Los condemnats an demandat que s’anulle lo verdicte per d’errors dins la senténcia. Podèm soslinhar lo cas de Dolors Bassa, que la senténcia la confond amb l’èx-ministra catalana de l'educacion en exili Clara Ponsatí, o lo cas de Jordi Cuixart que li refusèron de pròvas e que son verdicte contraven al drech de reünion.
 
Aquela senténcia es a l’origina d’una avalanca de protèstas ineditas en Catalonha ont s’es ocupat l’aeropòrt, barrat d’estradas e autoestradas, e ont i a agut de manifestacions de tota mena cada jorn. La situacion en Catalonha sembla revolucionària.
 
 

Desde la @APDHA y @AquienDefiende@cristinaservan explica la sentencia tiene consecuencias en los derechos fundamentales de toda la ciudadanía. Y es muy importante la cantidad de apoyos recabados tras un proceso de observación amplio y profundo. pic.twitter.com/osI1cRPcMZ

— International Trial Watch (@InterTrialWatch) November 14, 2019