CAPÇALERA: CONGRÉS AMIC
CAPÇALERA2: FAI-TE SOCI

Jornalet, gaseta occitana d'informacions

Dimars, 15 d'octòbre

Actualitats

Dimècres, 19 de decembre de 2012, 03h00 Politica,Societat

Lengadòc > Comtat de Fois > País de Fois

Tribunal de Fois: audiéncia de François Thonier, qu’aviá cremat una bandièra francesa l’11 de novembre

Lo jutjament es mes en deliberacion fins al 15 de genièr


Comentaris 17 comentaris    
Marrit Flac Bon Plan bon Fabulós (14 vòtes)
carregant En cargar


En François Thonier dins la sala de las audiéncias del tribunal
© Terric Lausa

Los militants venguts portar sosten e amistat
© Terric Lausa

La comunautat occitanista a ofèrt de botelhas de vin catalan a François Thonier
© Terric Lausa

François Thonier abans d'intrar dins l'ostal de justícia
© Terric Lausa

Defòra lo palais de justícia, d'escambis e amistat
© Terric Lausa





Àudios
Nòvas restacadas
Etiquetas
bandièra, cremason, fois, thonier

La polida vila de Fois es estat lo lòc d’una magnifica demostracion d’amistat cap a un òme qu’èra per far fàcia a la justícia de la jacobina Republica francesa.

Aprèp la ceremonia estatala del 11 de novembre 2012 al memorial dels mòrts de Fois, François Thonier aviá cremat una bandièra tricolòra en cridar: “Visca Occitània! A bais l’estat francés!”. Èra estat arrestat sulpic.

Ièr, dimars 18 de decembre, èra lo jorn de la siá audiéncia al tribunal de Fois. A partir de 13h30, sus la plaçòta davant lo Palai de Justícia s’amassèron un bon trentenat de personas per li portar sosten moral e amistat. Militants occitanistas e/o libertaris èran aquí, d’unes a títol individual, d’autres a representar lor partit. Demièg las bandièras occitanas, se remarquèron drapèus del Partit Occitan, del Partit de la Nacion Occitana, de Libertat ! e del CNT ariegés.

Un excellenta ambiença d’escambis, de discutida democratica a l’entorn dels tèmas de l’imperialisme francés e de l’avenidor del pòble e de la nacion occitana regaudiá los pòts dels militants.

François Thonièr se presentèt al tribunal amb serenitat, concentracion e una calma totpoderosa. Es un òme fòrça dolç e umanista, completament conscient de la siá accion. Parlèt amb cadun que lo venguèt sosténer. Declarèt: “Ai pas res contra lo pòble francés en general […] Soi un adversari de l’estat francés e dels estats imperialistas. Soi un libertari”. A prepaus de la cremason de bandièra, diguèt: “Es benlèu un pauc escessiu: es donar tròp d’importància a aqueste pelha”. Puèi ajustèt: “Soi per la defensa dels pòbles que son esquichats sul planèta e del pòble occitan en particular”.

L’audiéncia comencèt tres oras aprèp la debuta de la sesilha del tribunal. L’avocat de la defensa se mostrèt particularament bon e persuasiu. Thonier poguèt desvolopar las siás motivacions. La lei francesa prevei que l’otratge a la bandièra existís sonque pendent las manifestacions organizadas o jos la susvelhança de l’autoritat publica. Coma la bandièra foguèt cremada aprèp las ceremonias del 11 de novembre, se poguèt pas reténer l’acusasion d’otratge, mas sonque la de destruccion de bens publics (los drapèus èran la proprietat de la comuna de Fois). Cal notar que l’adjunt comunal en carga de las ceremonias commemorativas es intervengut dins l’audiéncia coma testimòni e pòrta-votz dels veterans de guèrra!

Sens suspresa, la procuraira demandèt una pena fòrça dura: una multa de 1000 èuros e 6 meses de preson amb remission! Compensacion per aver pas pogut reténer lo delicte d’otratge?

Lo jutjament es mes en deliberacion e serà rendut lo 15 de genièr.

Aprèp l’audiéncia, los militants occitanistas ofriguèron un parelh de botelhas (amb copas) de vin catalan en marca d’amistat a l’òme que gausèt se’n prendre a la bandièra d’un estat imperialista.

Ara demòra pas qu’a esperar lo veredicte dins un mes de temps.

De sègre...


 
 
TL



publicitat
BANER1-2-3: DGPL TRADUCTOR



Comentaris

19 de decembre 20.07h

L'Estat francés sap plan que l'acte de cremar la bandièra tricolor es eroïc e legitim. Son pas uns colhons aquels filhs del jacobinisme e de l'escòla normala. Es per aquò que lo camarada Thonier serà condemnat per destruccion de bens publics.

Es a dire, fan qu'una accion plan politica venga un acte de vandalisme.

Cal que comprenguem totes l'accion de Thonier es una accion politica. Es justament aquò.


Valoriza aqueste comentari:   votar positiu 10   votar negatiu 4
Respondre comentari replica Comentari inadeqüat   Formulari d'abús de comentari

19 de decembre 19.43h

#14

Ah bon ?

Quinas per exemple ?


Valoriza aqueste comentari:   votar positiu 4   votar negatiu 2
Respondre comentari replica Comentari inadeqüat   Formulari d'abús de comentari

19 de decembre 19.08h

Lo laboratòri politic Iniciativa per Occitània es solidari de Francés Thonier. Cremar una bandièra francesa es una accion legitima, morala, benvenguda dins lo contèxt actual.

http://iniciativaoc.midiblogs.com/archive/2012/12/05/cremar-la-bandiera-francesa-un-acte-de-resistencia.html Cremar la bandièra francesa: un acte de resisténcia


Valoriza aqueste comentari:   votar positiu 13   votar negatiu 5
Respondre comentari replica Comentari inadeqüat   Formulari d'abús de comentari

19 de decembre 18.35h

#13 Un fum. I a tant d'accions o d'entrepresas occitanas que se pòdon aviar liurament dins nòstre societat europenca e mondializada. Es dins l'accion positiva que se fargarà la nacion occitana, pas dins la cremason de bandièira o l'acarament. I a pas que de veire la capitada del Jornalet. Inutil de perdre de temps e d'energia a combatre l'Estat francés. Aquò servís pas qu'a lo faire existir.


Valoriza aqueste comentari:   votar positiu 11   votar negatiu 0
Respondre comentari replica Comentari inadeqüat   Formulari d'abús de comentari

19 de decembre 17.41h

#11
Segur que se pausa pas pus dins l'encastre francés que de l'encastre francés ne sortisson que malastres per Occitània.

Mas per se pausar pas pus dins l'encastre francés se'n cal aliberar d'aqueste encastre. E cossí se n'aliberar d'aqueste encastre senon en s'i opausar?

Avètz quaucaren a prepausar per ne sortir?


Valoriza aqueste comentari:   votar positiu 9   votar negatiu 5
Respondre comentari replica Comentari inadeqüat   Formulari d'abús de comentari

19 de decembre 17.03h

Que l'esperit de Gaston Fèbus regne dins l'ambient, aquel que saupèt governar entre angleses e franceses, per fin de servar l'independéncia de la Sobeiraniá de Bearn, estat que la lenga oficiala èra l'occitan gascon de Bearn !


Valoriza aqueste comentari:   votar positiu 4   votar negatiu 4
Respondre comentari replica Comentari inadeqüat   Formulari d'abús de comentari

19 de decembre 16.57h

Cremar la bandièira francesa, denonciar l'imperialisme francés... Qu'es retrograd tot aquò. Occitània emergís dins la mondializacion. Son avenidor se pausa pas pus dins l'encastre francés. Arrestatz de vos atissar contra aquelas anticalhas.


Valoriza aqueste comentari:   votar positiu 9   votar negatiu 2
Respondre comentari replica Comentari inadeqüat   Formulari d'abús de comentari

19 de decembre 12.30h

#9 Que fa seclas e seclas que los occitans esperant un gesta d'un estat jacobin la repression perdura jo m'en foti coma d'una figa, es ALS OCCITANS DE TORNAR BASTIR L OCCITANIA dab escolas institucions e organisacions cal estre responsable e se prendra en man. E cresi pas à l'estat frances coma cresi pas à la fin del monda !
E cresetz ben lèu que lo papa vas se desencustz de crotzadas !
ha ! ha ! ha ! sèm pas lo 1er d'avril !!!
lo HilhdePuta de JP


Valoriza aqueste comentari:   votar positiu 6   votar negatiu 4
Respondre comentari replica Comentari inadeqüat   Formulari d'abús de comentari

19 de decembre 12.05h

Ont es passat aquò ????????? :

Promessa n°56 de François Hollande (2012) "MES 60 ENGAGEMENTS POUR LA FRANCE" cf. http://www.parti-socialiste.fr/dossier/le-projet-de-francois-hollande :
"Je ferai ratifier la Charte européenne des langues régionales ou minoritaires."


Valoriza aqueste comentari:   votar positiu 10   votar negatiu 3
Respondre comentari replica Comentari inadeqüat   Formulari d'abús de comentari

19 de decembre 11.59h

I es agut un bèl escambi entre Sénher Francés Tonièr e lo Partit de la Nacion Occitana (PNO). Una part de lor correspondéncia es consultabla aicí : http://lo.lugarn-pno.over-blog.org/article-letra-a-frances-tonier-lettre-a-fran-ois-thonier-113334924.html

Òsca per lo sosten.


Valoriza aqueste comentari:   votar positiu 9   votar negatiu 0
Respondre comentari replica Comentari inadeqüat   Formulari d'abús de comentari

5 -10 -20 -totes
1
-
2 >




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER 3 teveoc

Editorial

Que pas res nos arrèste

“Òu, Union Europèa, calma-te. Torni dire: s’ensajas de qualificar nòstra operacion d’invasion, nòstre prètzfach es simple. Dobrirem las pòrtas ...
giny

Lo temps

Mapa
  • sol Agen 12
  • sol Aush 12
  • sol Bordèu 13
  • sol Briançon 14
  • sol Caors 12
  • sol Carcassona 14
  • sol Clarmont-Ferrand 11
  • sol Confolent 12
  • sol Gap 13
  • sol La Canau 13
  • sol La Gàrdia 13
  • sol Limòtges 12
  • sol Lo Borg Sant Dalmatz 16
  • sol Lo Puèi de Velai 11
  • sol Marselha 19
  • sol Montpelhièr 18
  • sol Naut Aran 11
  • sol Niça 18
  • sol Nimes 19
  • sol Pau 12
  • sol Peireguers 12
  • sol Rodés 12
  • sol Tolon 13
  • sol Tolosa 12
  • sol Valença 19

giny

giny

Vidèos

giny

Entrevista

giny

giny

publicitat

lateral 2 teveoc

Fotografias

  • © Franc Bardòu

    Tèrra albigesa

  • © Giròni Frare

    L'occitan per carrièras (concors de prima 2014)

  • A Gavotina marítima: Recabruna Cab Martin, a vila vielha e o castèl dau sécolo X

  • Castelar

  • © Laurenç Revèst

    Sauve (Cevènas), ciutat màger vidorlenca a las carrièiras bèlas e en mudason

  • Estivada 2013. © Guillem Sevilla

    Estivada 2013

  • © Zep Armentano

    XI prèmis Gaudí de l'Acadèmia Catalana del Cinèma

  • Cap a las fonts autas d'Arièja. © Franc Bardòu

    Savartés. Cap a las fonts autas d'Arièja

  • © Laurenç Revèst

    Çò que se servèm en classa d'occitan dins un collègi public en França

  • 80a annaia d’a fèsta dau limon a Menton, en lu Òrts Biovès (16 de febraro au 6 de mars). ©  Artusa Garavan

    80a annaia d’a fèsta dau limon a Menton, en lu Òrts Biovès (16 de febraro au 6 de mars)

  • © CD

    Escòla Calandreta dau Mas. Drap (País Niçard)

  • A Gavotina marítima: Recabruna Cab Martin, a vila vielha e o castèl dau sécolo X

  • Briga (val de Ròia)

  • País de Rasés. © Franc Bardòu

    País de Rasés

  • © Laurenç Revèst

    Dins lei paluns de Camarga, la Torre Carbonièira e Aigas-Mòrtas

  • La socha de Chalenas facha en pastisson (genre còca anglesa) per manjar a cachafuec. © Anfós Chais

    Concors de Nadal de Jornalet: Cossí se passan las Calendas en cò vòstre?

  • © Laurenç Revèst

    Per las carrièiras de Someire, lo pont cobèrt per la ciutat vidorlenca

  • © Laurenç Revèst

    Çò que se servèm en classa d'occitan dins un collègi public en França

  • © Asalaís Moniguet

    Montpelhièr la lengadociana

  • Beneset Thauvin

    Concors de preseps, betlèms o grépias

publicitat

lateral 2 teveoc



publicitat

LATERAL1 300X250: radio pais

Las mai...

publicitat

LATERAL1 300X250: radio pais

giny

Sondatge

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)