Bandièra01 1180x150: País Invisible

Actualitats

Iraq: demission del primèr ministre après de nombrosas protèstas

Segon l'ÒNU, la repression d'aquelas manifestacions a tuat de 534 personas e n’a nafradas mai d’8100

Lo primièr ministre d’Iraq, Adil Abd Al Mahdi, anoncièt divendres que presentariá sa demission al parlament per tal que los deputats poguèsson elegir un nòu govèrn, çò ditz un comunicat de son gabinet. La decision d’ Abd Al Mahdi se produtz après la crida que la faguèt lo principal clergue shiita del país, lo grand aiatollà Ali Al Sistani, que demandèt un cambiament al cap d’Iraq.
 
Dempuèi lo començament d'octòbre, Iraq viu de protèstas multitudinàrias contra la crisi economica, lo caumatge e la corrupcion, amb un bilanç fòrça tragic. Segon lo Naut Comissariat de l'ÒNU, i a mai de 534 mòrts e 8100 nafrats. Aquela crisi representa l'enjòc mai grand que l’a degut afrontar lo primièr ministre, qu'accediguèt al poder l’an passat amb lo sosten dels partits shiitas que govèrnan Iraq dempuèi la casuda de Saddam Hussein en 2003.
 
Las manifestacions contèstan la crisi economica, lo caumatge e la corrupcion. Las victimas son de manifestants tuats a causa del fuòc dels francs tiraires als òrdres del govèrn, mas almens un cinquantenat de mòrts o serián a causa de las granadas de gas lacrimogèn.
 
Al meteis moment, se multiplica las protèstas, e mai lo prèire shiita Moqtada As Sadr a encoratjat sos fidèls a jónher la revòlta. Los shiitas son majoritaris dins lo sud d’Iraq e dins qualques quartièrs de Bagdad. De soslinhar que las milícias shiitas joguèron un ròtle clau dins lo combat contra l’Estat Islamic.
 
Los iraquians responsabilizan l’elèit politic e mai Iran e los Estats Units de la situacion e denóncian que se serviscan d’Iraq per lors pròpris objectius e per influir sus la region sens prene en compte los besonhs de las gents.
 
 
 
 


abonar los amics de Jornalet
 

Etiquetas

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article