Bandièra01 1180x150: País Invisible

Actualitats

Chile: l’accion contra la violéncia masclista qu’a capvirat lo Mond

De milièrs de femnas amb los uèlhs bendats en negre faguèron un cant espectaclós contra lo patriarcat

Lo 25 de novembre passat, se commemorèt lo Jorn Internacional de l’Eliminacion de la Violéncia contra las Femnas e i aguèt de recampaments dins las principalas vilas de tota la planeta. En Chile, una organizacion feminista sonada “Las Tesis” volguèron criticar l’impunitat dels que viòlan e tuan de femnas, e faguèron una accion espectaclosa davant lo palais de justícia de Santiago de Chile. Atal, de milièrs de femnas amb los uèlhs bendats en negre faguèron un cant e una dança qu’an capvirat lo Mond. La cançon assegura que lo patriarcat es darrièr los actes de la justícia, de l’estat, dels policièrs, dels jutges e mai del president. En seguida, publicam lo vidèo del moment e la traduccion occitana de las paraulas.
 

 
Lo patriarcat es un jutge,
que nos jutja per èsser nascudas
e nòstra pena
es la violéncia que veses pas.
Lo patriarcat es un jutge,
que nos jutja per èsser nascudas
e nòstra pena
es la violéncia qu’ara veses.
Es lo feminicidi,
l’impunitat per l’assassin.
Es la desaparicion,
es lo violament.
E aquò èra pas ma fauta, ni d’ont èri ni de cossí èri vestida. (Quatre còps)
Lo violaire ès tu.
Son los policièrs,
los jutges,
l’estat,
lo president.
L’estat opressor es un mascle violaire.
L’estat opressor es un mascle violaire.
Lo violaire èras tu.
Lo violaire ès tu.
Dormís tranquilla
gojata innocenta,
sens t’inquietar del bandit
que sus tos doces sòmis
doç e sorisent
velha ton amorós gendarma.
Lo violaire ès tu. (Tres còps)

 
 
 
 


abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

V per Vendetta
2.

L’estat opressor es un mascle violaire. Un mascle violaire que viòla totas las nacions sens estat !

  • 7
  • 0

Escriu un comentari sus aqueste article