Actualitats
Fòrt seguiment de la primièra jornada de cauma generala contra la reforma de las pensions de retirada
Uèi, los sindicats ne decidiràn la seguida. Los caumaires demandan que se retire aquel projècte de refòrma
Se tenguèt ièr la primièra jornada de cauma generala contra la reforma de las pensions que vòl impausar lo govèrn francès. La cauma aguèt un seguiment plan fòrt, mai que mai dins lo transpòrt public e l’educacion e las vilas pus grandas del país visquèron de manifestacions plan nombrosas, coma se vesiá pas pus dempuèi la cauma de 1995. Almens 25 000 personas manifestèron a Marselha, 33 000 a Tolosa, 20 000 a Bordèu e Montpelhièr, 10 000 à Limòtges, 7500 a Clarmont Ferrand e 5000 a Niça, segon de donadas de la polícia.
Segon un comunicat de la Societat Nacionala dels Camins de Fèrre (SNCF), lo 55,6% de sos salariats an seguit la cauma, çò qu’es fòrça mai que dins la cauma de 2018 que foguèt seguida per un 33%. En mai d’aquò, lo percentatge es fòrça naut entre los maquinistas (un 85,7%) e los contrarotlaires (un 73,3%).
Lo Ministèri de l’Educacion a raportat tanben que i aviá fòrça ensenhaires caumaires. La cauma l’aurián seguida lo 51,15% dels professors del primari e lo 42,32% del segondari. Pasmens, los sindicats d’ensenhaires rapòrtan eles un seguiment d’un 70%.
Quand al transpòrt aerian, environ lo 30% dels vòls foguèron anullats segon de donadas provisòrias del secretari d’estat encargat dels transpòrts, Jean-Baptiste Djebbari, que reconeis que la situacion uèi pòt èsser similara.
Lo secretari general de la Confederacion Generala del Trabalh (CGT), Philippe Martinez, avertiguèt que la cauma s’arrestariá pas aqueste dijòus. Uèi, los sindicats ne decidiràn la seguida. Los caumaires demandan que se retire aquel projècte de reforma de las pensions.
Una polemica reforma de las pensions de retirada
Se protèsta contra una polemica reforma de las pensions de retirada que vòl impausar un sistèma unic que faga desaparéisser los 42 regims de retirada existents a l’ora d’ara, segon lo mestièr.
Aquel nòu sistèma foncionariá per ponches, es a dire que l’argent que los salariats cotizan per pagar las pensions dels retirats serà tresmudat en de ponches que se transformaràn en una pension mesadièra lo jorn de la retirada. Los sindicats qualifican la reforma d’ultraliberala e asseguran que farà davalar fòrça las pensions. En mai d’aquò, la pension se recalcularà en foncion de la situacion economica e del PIB. Totes los ans comptaràn per la transformacion en ponches: tanben los ans de salaris fòrça basses, o los ans de caumatge o de pausas. Atal, los sindicats calculan qu’amb aqueles cambiaments las pensions demeniràn d’entre un 20% a un 30%.
L’autre aspècte polemic de la reforma es lo retard de l’edat de retirada, qu’a l’ora d’ara es establit a 62 ans.
Lo govèrn francés crenh una cauma coma la de 1995
Cada còp que se convòca una cauma importanta dins l’estat francés, lo govèrn crenh una paralisi del país coma la de 1995, quand una cauma generala —tanben contra la reforma del sistèma de las retiradas mas tanben per la seguretat sociala— foguèt una reüssida pels participants a las protèstas. Lo govèrn reculèt après una cauma de tres setmanas perque tota la Republica èra blocada.
Dins l’encastre actual, cal apondre lo malcontentament de fòrça sectors socials envèrs la politica economica de Macron e las revendicacions dels Gilets Jaunes que fa mai d’un an que protèstan. Mas al delà d’eles, i a tot plen de mond que manifestaràn uèi perque veson en perilh lor pension de retirada, mai que mai lo personal dels establiments publics e quitament los policièrs que son fustibulats.
Mas benlèu es dins lo sector de l’educacion que la cauma serà mai seguida. En mai de la reforma Blanquer, qu’a provocat de protèstas dins tot lo sector, es un dels mai tocats per la reforma de las pensions.
Segon un comunicat de la Societat Nacionala dels Camins de Fèrre (SNCF), lo 55,6% de sos salariats an seguit la cauma, çò qu’es fòrça mai que dins la cauma de 2018 que foguèt seguida per un 33%. En mai d’aquò, lo percentatge es fòrça naut entre los maquinistas (un 85,7%) e los contrarotlaires (un 73,3%).
Lo Ministèri de l’Educacion a raportat tanben que i aviá fòrça ensenhaires caumaires. La cauma l’aurián seguida lo 51,15% dels professors del primari e lo 42,32% del segondari. Pasmens, los sindicats d’ensenhaires rapòrtan eles un seguiment d’un 70%.
Quand al transpòrt aerian, environ lo 30% dels vòls foguèron anullats segon de donadas provisòrias del secretari d’estat encargat dels transpòrts, Jean-Baptiste Djebbari, que reconeis que la situacion uèi pòt èsser similara.
Lo secretari general de la Confederacion Generala del Trabalh (CGT), Philippe Martinez, avertiguèt que la cauma s’arrestariá pas aqueste dijòus. Uèi, los sindicats ne decidiràn la seguida. Los caumaires demandan que se retire aquel projècte de reforma de las pensions.
Una polemica reforma de las pensions de retirada
Se protèsta contra una polemica reforma de las pensions de retirada que vòl impausar un sistèma unic que faga desaparéisser los 42 regims de retirada existents a l’ora d’ara, segon lo mestièr.
Aquel nòu sistèma foncionariá per ponches, es a dire que l’argent que los salariats cotizan per pagar las pensions dels retirats serà tresmudat en de ponches que se transformaràn en una pension mesadièra lo jorn de la retirada. Los sindicats qualifican la reforma d’ultraliberala e asseguran que farà davalar fòrça las pensions. En mai d’aquò, la pension se recalcularà en foncion de la situacion economica e del PIB. Totes los ans comptaràn per la transformacion en ponches: tanben los ans de salaris fòrça basses, o los ans de caumatge o de pausas. Atal, los sindicats calculan qu’amb aqueles cambiaments las pensions demeniràn d’entre un 20% a un 30%.
L’autre aspècte polemic de la reforma es lo retard de l’edat de retirada, qu’a l’ora d’ara es establit a 62 ans.
Lo govèrn francés crenh una cauma coma la de 1995
Cada còp que se convòca una cauma importanta dins l’estat francés, lo govèrn crenh una paralisi del país coma la de 1995, quand una cauma generala —tanben contra la reforma del sistèma de las retiradas mas tanben per la seguretat sociala— foguèt una reüssida pels participants a las protèstas. Lo govèrn reculèt après una cauma de tres setmanas perque tota la Republica èra blocada.
Dins l’encastre actual, cal apondre lo malcontentament de fòrça sectors socials envèrs la politica economica de Macron e las revendicacions dels Gilets Jaunes que fa mai d’un an que protèstan. Mas al delà d’eles, i a tot plen de mond que manifestaràn uèi perque veson en perilh lor pension de retirada, mai que mai lo personal dels establiments publics e quitament los policièrs que son fustibulats.
Mas benlèu es dins lo sector de l’educacion que la cauma serà mai seguida. En mai de la reforma Blanquer, qu’a provocat de protèstas dins tot lo sector, es un dels mai tocats per la reforma de las pensions.
Protesters gather for the General Strike in #Bordeaux.#GreveGenerale#GiletsJaunespic.twitter.com/TvX1EeBPeS
— Ian56 (@Ian56789) December 5, 2019
L'equilibriste bis ...#GreveGenerale#greve5decembre#5decembre#ReformeRetraites#Toulousepic.twitter.com/tZ5jiMAweX
— Hugo Murail (@HMurail) December 5, 2019
De Marseille au Havre, la grève générale touche l'ensemble de la France https://t.co/Ws9PvJAfBH
— Le Temps (@letemps) December 5, 2019
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#27
Cal èsser seriós… sèm a parlar d’un sistem de retirada claufit d’injusticias un pauc pertot que s’apeva sus una manipòla financièra, e que cal reformar, vist qu’es en manca de buf e de ressorgas e qu’un govern a decidit de remplaçar par un sistem amb punts, çò qu’existís ja per ARRCO e AGIRC.
Aquel sistem per punt que voldrai èsser botat en plaça es plan segur jos l’aflat d’europa que troba las pensions de retrata dels retirats francés tròp nautas.
Sem pas a parlar dels salaris de tala o tala categariá !
Es lo nivèlament, armonizacion per lo debàs ! E calia èsser un brave piòt per gauzar esperar que se fasquessa per lo denaut.
De far moment tanben qu’ una pension de retirada es, e a pas a èsser considerada coma un salari.
Embegut de justicia e d’egalitat que siás a totis los estancis es de mal comprener e fa virar canturla aquel biais de voler conservar d’unis aguts del milhors al detriment d’autres categariás, aquò es de rapuga maliciósa.
#26 Vòls segurament parlar d'aquestas profitairas d'infirmièras o d'aqueles fenhants d'ensenhaires que nos poirisson la vida e que curan las caissas dels aunèstes trabalhaires que triman per engraissar aqueles parasites.
Contunha de virar en redond. Tant que vira fa lo torn.
#25
Per te descansar.
D'apèi un rapòrt de la DREES (Direction de la recherche, des études, de l’évaluation et des statistiques), publicat en Julhet de 2019. un foncionari d'estat a una pension de retirada superiora de 44% a la pension d'un retirat del regim general.
Al còp que ven !
#24
Sias cansat ? macanica !
#23 (gròssa fatiga). Tssss. Bona jornada.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari