Bandièra01 1180x150: País Invisible

Actualitats

Granda decepcion après la reünion pel clima COP25

La cima de l’ÒNU pel clima s’es acabada sens cap de resultat concret e amb un acòrdi ambigú signat in extrèmis

La cima de las Nacions Unidas pel clima nomenada CÒP25 s’acabèt divendres passat a Madrid sens cap de resultat concret e amb un acòrdi ambigú signat in extrèmis qu’es solament una crida a aumentar l’ambicion climatica en 2020 e a complir l’Acòrdi de París pel qual los païses se deurián engatjar a evitar que la temperatura de la planeta puège aqueste sègle al dessús d’1,5oC. Los delegats que participèron a la reünion coma tanben fòrça organizacions coma Greenpeace an mostrat lor decepcion.
 
Greenpeace a plangut que se siá “barrat literalament la pòrta” a la sciéncia e a las exigéncias de la societat civila que demandan “de solucions urgentas e ambiciosas fàcia a l’urgéncia climatica”.
 
 
António Guterres: “Lo jutjament de l’istòria serà terrible”
 
Tanben lo secretari general de las Nacions Unidas, António Guterres, a manifestat sa decepcion. Segon Guterres, “la comunautat internacionala a perdut una escasença importanta per mostrar mai d’ambicion dins l’atenuacion, dins l’adaptacion e dins lo finançament per afrontar la crisi climatica”.
 
Totun, a apondut que “ cal pas que nos rendam, e [que] nos rendrem pas”, e s’es mostrat “mai decidit que jamai” a trabalhar per que los païses s’engatgen a aténher çò que la sciéncia ditz que cal far.
 
Net e clar, Guterres a agut de paraulas fòrça duras pels govèrns que son pas capables de prene de mesuras:
 
“Cresi que lo jutjament de l’istòria serà terrible, se los païses son pas capables de comprene que permetre que las temperaturas aumenten al dessús d’1,5 o de 2 grases o, coma o sèm a l’ora d’ara, de mai de 3,5 grases, es condemnar la planeta, condemnar las generacions futuras. L’istòria pòt pas acceptar nòstra traïson envèrs nòstres enfants e felens.”
 
 
 
 
abonar los amics de Jornalet
 
 

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Franc Bardòu
5.

#1 Uèi an agut 49,9 °C en Australia. Espèri que vos agradan las autas temperaturas. Vos anatz congostar ! Vos desiram un polit avenir consumerista…

  • 6
  • 2
francesc palma
4.

Na Greta pensa que lo mond que li daissaran a sa generacion,aquestes governants d'ara, serà una merda; per açò es preocupa e mos preocupam la majoria de personas, per que los ianquis e sos escolanets mai contraris ,finalament s' aderescan a l'acord.

  • 2
  • 0
Pierre Terral
3.

#2 Vos trufetz pas d'aquela paura dròlla obligada de viatjar dins de condicions inumanas.

https://www.lexpress.fr/actualite/societe/environnement/trains-bondes-la-deutsche-bahn-repond-a-greta-thunberg_2111310.html

  • 2
  • 8
oksitanlaştıramadıklarımızdanmısınız Apraquital, tresena tenda apèi lo tuc còsta lo riu ont se banhan nusas las zègas a negrenuèch
2.

Tripal de díu es la Greta morre de coja que va pas èsser contenta... paura gata vai !

  • 2
  • 8
Papioli
1.

Bela victòria sur l'arnaca climatica. Las solucions son autras.
Los cavaliers de l'apocalypse sont totjorn aqui per dramatisar e apelatr a la fin dau monde.
Mas, lo climat a sas leis e sas leis son pas umanas. Lo climat es una succession de cicles e non pas de fenomenes exponenciaus. Las setieras o lo tròp de precipitacions son tertant un problem de cicles.
Darrier l'arnaca climatica, i a daus interets financiers pas totjorn filantropics.

  • 7
  • 7

Escriu un comentari sus aqueste article