Actualitats
Cocanha presenta un videoclip qu’anóncia un nòu disc en febrièr de 2020
Entitolat Puput per la “fòrça subversiva” d’aquel aucèl, l’album se pòt ja precomandar en CD e vinil
Lo trio vocal Cocanha ven d’anonciar la sortida d’un nòu disc lo 21 de febrièr de 2020 que s’entitolarà Puput e se poirà aquerir en CD e en vinil. Lo disc, amb una polida cobèrta dessenhada per Rodín Kaufmann, se pòt ja tastar e precomandar sus Internet e mai es anonciat amb la publicacion d’un videoclip d’una de sas cançons: "Cotelon". Tanben se prepara de nòvas suspresas per aquela espelida del nòu son que prepausan las voses de Caroline Dufau, Lili Fraysse e Maud Herrera acompanhadas de percussions e sonorizadas per Sanç Grosclaude.
Lo nom del disc es pas un azard eufonic. An causit lo nom d’aquel aucèl per “sa fòrça subversiva”, çò dison. Per elas, lo puput “ven questionar nòstra misoginia e nòstre rapòrt a la nòrma sociala”.
Lo nom del disc es pas un azard eufonic. An causit lo nom d’aquel aucèl per “sa fòrça subversiva”, çò dison. Per elas, lo puput “ven questionar nòstra misoginia e nòstre rapòrt a la nòrma sociala”.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Un plan on descobriment! Òsca!
Li desiramuna brava capitada a Puput.
Avián ganhat lo premi de France Bleu Occitanie :)
M'agradèt que ganhès un grop que canta en occitan !
Bèl cant, e païsatges tanben dins aquel clip. S'i reconoís Niça, Tolosa mas tanben Gènoa e sembla una ciutat catalana.
#1
E ben, ieu las descobrissi un chic tard, e m'arraca,; son vertadièrament una revelacion. S'ameritan sosten e succès que, per elas, la lenga es pas sonque un instrument...
E val le còp de visitar lor sit(e) internet que fa plaser e emocion de véser çò que l'occitan (e l'occitanisme, e òc...) pòt encara crear. Òsca! L'esperança es pas mòrta.
Cocanha ! cocanha es a cantar !
Las aimi plan iò aquelas joves. òsca ! contunhatz! cal fa petar las termièras !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari