Bandièra01 capçalera  1180x150: Novestivada

Actualitats

Siria: contunha la guèrra amb un bilanç umanitari esglasiant

Los bombardaments de las darrièras doas setmanas dins lo nòrd-èst del país an provocat lo desplaçament de 235 000 personas, mai que mai vulnerablas en ivèrn

| @mutludc
La guèrra en Siria contunha totjorn amb de bilances umanitaris esglasiants. Los bombardaments de l’armada siriana sostenguda per la russa contunhan dins la província d’Idlib, dins lo nòrd-èst del país, e aurián ocasionat de desenats de mòrts e lo desplaçament de mai de 235 000 personas entre lo 12 e lo 25 de decembre, segon un rapòrt de l’ÒNU. Segon las Nacions Unidas, la vila de Maarat An Numan e sas banlègas son gaireben vuèjas car los abitants las fugisson. Solament i demorarián qualques combatents de las milícias sunnitas que la premsa occidentala nomena “la Resisténcia”.
 
L’ÒNU avertís que los desplaçaments en ivèrn “aumentan la vulnerabilitat dels afectats”, qu’an de besonh urgentament d’ajuda umanitària, d’un refugi, de manjar e d’una assisténcia a causa del freg. En mai d’aquò, fòrça actors umanitaris an degut arrestar lors prètzfaches coma consequéncia de las atacas.
 
Aquela nòva èrsa de desplaçats agrava la situacion d’urgéncia dins lo nòrd-èst de Siria, ont entre abril e agost passat deguèron partir environ 400 000 personas.
 
A mai, l’Observatòri dels Dreches Umans rapòrta la mòrt mai de 1315 civils dempuèi abril passat, dont 335 serián d’enfants.
 
L’ÒNU demanda totjorn un pache per evitar un desastre umanitari dins la region, ont ara vivon aperaquí dos milions e mièg de personas.
 
Mentretant, las atacas turcas dins lo nòrd-oèst del país aurián tanben desplaçat mai de 200 000 personas.
 
 

 
 
 
 
 
 
abonar los amics de Jornalet
 
 

 
 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

francesc palma
1.

L'exercit sirian a tot lo dret d' arruissar a l'estat islamic que son uns criminals que s'an ficat alà i an terrorizat a la poblacion siriana. Una altra causa es l'exercit turc qu' an atacat als curds, e que non tenen cap dret de ficar se dins territori sirià.

  • 1
  • 0

Escriu un comentari sus aqueste article