Actualitats
La fugida rocambolesca de l’èx-president de Renault, Mitsubishi e Nissan
Jutjat per malversament de fonzes, Carlos Ghosn èra assignat a domicili e fòrça susvelhat en Japon
L’èx-president de Renault, Mitsubishi e Nissan, Carlos Ghosn, a fugit Japon d’un biais espectaclós e rocambolesc e se seriá servit de documents d’identitat franceses per s’installar en Liban. Jutjat en Japon per malversament de fonzes mentre qu’èra al cap dels empèris automobils, Ghosn èra assignat a domicili e susvelhat per de camèras de videosusvelhança.
Segon la television libanesa MTV, Ghosn auriá organizat un concèrt de Nadal e auriá fugit en s’amagant dins la caissa d’un grand instrument de musica. Arribèt en Liban amb un avion privat après passar per Turquia. The Wall Street Journal apond que la fugida èra planificada dempuèi longtemps e que sa femna, Carole, aguèt un ròtle clau dins l’organizacion de l’escapada. Carlos Ghosn èra assignat a domicili, privat del drech de parlar amb sa molhèr e aviá un accès restrench a Internet. Segon d’informacions que i a, l’ambaissador de Liban en Japon lo vesitava cada jorn.
Ghosn a los ciutadanatges brasilièr, francés e libanés, mas aviá liurat sos tres passapòrts a las autoritats japonesas tant que durariá lo jutjament. Pasmens, las autoritats libanesas an dich que prendriá pas cap de mesura car Ghosn es intrat en Liban amb son passapòrt francés. Liban, d’efièch, a pas cap d’acòrdi d’extradicion amb Japon.
Carlos Ghosn es jutjat en Japon per aver desvirat environ 70 milions d’èuros de Nissan per son usatge personal. Rebuta aquelas acusacions e assegura qu’a fugit “l’injustícia e una persecucion politica”.
Segon la television libanesa MTV, Ghosn auriá organizat un concèrt de Nadal e auriá fugit en s’amagant dins la caissa d’un grand instrument de musica. Arribèt en Liban amb un avion privat après passar per Turquia. The Wall Street Journal apond que la fugida èra planificada dempuèi longtemps e que sa femna, Carole, aguèt un ròtle clau dins l’organizacion de l’escapada. Carlos Ghosn èra assignat a domicili, privat del drech de parlar amb sa molhèr e aviá un accès restrench a Internet. Segon d’informacions que i a, l’ambaissador de Liban en Japon lo vesitava cada jorn.
Ghosn a los ciutadanatges brasilièr, francés e libanés, mas aviá liurat sos tres passapòrts a las autoritats japonesas tant que durariá lo jutjament. Pasmens, las autoritats libanesas an dich que prendriá pas cap de mesura car Ghosn es intrat en Liban amb son passapòrt francés. Liban, d’efièch, a pas cap d’acòrdi d’extradicion amb Japon.
Carlos Ghosn es jutjat en Japon per aver desvirat environ 70 milions d’èuros de Nissan per son usatge personal. Rebuta aquelas acusacions e assegura qu’a fugit “l’injustícia e una persecucion politica”.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Carlos is gone !
Carlos is gone !
"Ghosn auriá organizat un concèrt de Nadal e auriá fugit en s’amagant dins la caissa d’un grand instrument de musica. Arribèt en Liban amb un avion privat après passar per Turquia."
Seriosament qu'una truffada! Es una istòria pels nenons aquò, pas un acte de "emperaire automòbila"
Carlos Ghosn pòt venir en França: pas d'extradicion amb Japon.
E Puigdemont, se ven, risca de se far arrestar.
A! Es polida la Republica!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari