Actualitats
La promocion 2019-2020 d’ensenhaires de Calandreta seràn “batejats” dimars que ven al CIRDÒC
Ongan, aquò se fa jos l’agach de Silvan Carrère, musician e programator de ràdio, que los futurs regents an causit coma pairin
L’establiment Aprene, que forma los ensenhaires de las escòlas Calandreta, organiza dimars venent, 7 de genièr, la “Batejada” de la promocion d’aprenents de 2019-2020 al CIRDÒC de Besièrs. Ongan, se ten jos l’agach de Silvan Carrère, musician e programator de ràdio, que los futurs regents an causit coma pairin.
Lo principi de la Batejada
Lo principi de la Batejada es, pels futurs ensenhaires de las calandretas, de demandar a una personalitat del domeni de las lenga e cultura occitanas de li manlevar son nom. Se lo pairin o accèpta, es atal que se nomenarà la nòva promocion de futurs regents. Al moment de l’eveniment, los estudiants presentan lor demanda dins una mesa en scèna.
Cada annada, la Batejada fa partejar un moment fòrt de la lucha actuala de l’occitan per se bastir un avenidor.
Ongan, los futurs ensenhaires seràn aculhits pel director de l’establiment d’ensenhament superior Aprene, Patrici Baccou, e pel president de Calandreta, Joan-Loís Blenet. Tanben a la Batejada assistirà la còla del CIRDÒC, qu’aculhís l’eveniment, dont son president, Patric Roux, e son director, Benjamin Assié.
Lo principi de la Batejada
Lo principi de la Batejada es, pels futurs ensenhaires de las calandretas, de demandar a una personalitat del domeni de las lenga e cultura occitanas de li manlevar son nom. Se lo pairin o accèpta, es atal que se nomenarà la nòva promocion de futurs regents. Al moment de l’eveniment, los estudiants presentan lor demanda dins una mesa en scèna.
Cada annada, la Batejada fa partejar un moment fòrt de la lucha actuala de l’occitan per se bastir un avenidor.
Ongan, los futurs ensenhaires seràn aculhits pel director de l’establiment d’ensenhament superior Aprene, Patrici Baccou, e pel president de Calandreta, Joan-Loís Blenet. Tanben a la Batejada assistirà la còla del CIRDÒC, qu’aculhís l’eveniment, dont son president, Patric Roux, e son director, Benjamin Assié.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#3 Plan vertat, en defora de la paraula del regent en classa, i-a sovent pas d'immersion totala , foguèsse al dintre de l'escola. Rescontrèri un jorn una simpatica auxiliara escolària (pas una regenta, doncas) que trabalhava dins una calandrèta. Sens li dire qu'èri al fial de l'oc li demandèri inocentament ço qu'èra l'occitan e se i-avia eventualament una cultura o una literatura occitanas . Per la "lenga" , plan segur ne parlava pas un mot, mas de tota mena n'èra pas una "per de verai", puslèu una mena de jargonada conviviala e rigolota per jocs d'escola mairala. Li demandèri puei s'existissia una cultura, una literatura occitanas. M'agachèt un pauc sorprèsa per l'usança un briu pomposa dels mots"cultura" e "literatura" aposats sus d'occitan puèi me respondèt mièg-maufisenta, mièg-risolièra sul ton de l'evidència : "ben, lo carnaval, los balètis, las sansonhas e los contes per enfants." E oc...
#2 Ben, jà qu'arriba pas d'ésser cantaire, alara....
An una cara de personas felices, esperi que tengan molta sort e que puguin traure profit de saber la lenga de la Nacion dels trobadors e seva. Urrà !
#1
Be saunejas l'amic! L'immersion sancèra n'existeish pas, malaja! E quan seré lo cas, la màger part deus calandrons que dèishan la lenga après l'escòla. Que n'encontrèi mei d'un qui ne sabèn pas mei parlar après quauquas annadas sonque. Los quites professors, a còps, ne saben pas parlar (d'autes que parlan hòrt plan totun). Animators, Atsem, cosinèrs, parents...NADA immersion sancèra, qu'ei un saunèi! On son los estudis qui muishan Calandreta e valeré mei que lo bilingüisme?
Vesi lo Rodín dins la còla. Vòl venir ensenhaire ?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari