Bandièra01 1180x150: Comuna de Tolosa

Actualitats

La 23a Dictada Occitana se tendrà lo 1r de febrièr

Aquela jornada de promocion de la lenga se tendrà simultanèament dins 43 vilas d’Occitània e dels Païses Catalans e a París

La 23a edicion Dictada Occitana se tendrà ongan lo 1r de febrièr dins 43 vilas d’Occitània e dels Païses Catalans simultanèament e tanben a París.
 
Se tracta d’una jornada de promocion de la lenga e la cultura occitanas que consistís a realizar una dictada amb de prèmis pels participants. Organizada pel primièr còp en 1998 pel Centre Occitan del País Castrés, la dictada se fa cada an, normalament lo darrièr dissabte de genièr.
 
A l’entorn de la dictada, dins la majoritat de las vilas ont se fa, auràn luòc plusors activitats coma de musica, de balètis, de teatre, de conferéncias, etc.

La Dictada se tendrà a Arle, Aurenja, Cantal, Briva, Carnolas, Castras, Charreç, Coarasa, Drap, Fois, Gramat, L’Escarea, La Roqueta, La Trinitat, La Vercantièra, Massiac, Mende, Menton, Montelaimar, Montalban, Narbona, Niça, Orlhac, Pelhon, Bigòrra, Riom de las Montanhas, Rodés, Sant Africa, Sant-Juèri, Sant Flor, Sant Privat lo Vièlh, Seilhac, Senta Gabela, Sent Lis, Sant Savin, Seteme dei Valons, Sostons, Vença. 
 

A Barcelona l'aculhís la Generalitat

A Barcelona, l'eveniment l'organiza lo CAÒC, es aculhit pel govèrn de la Generalitat de Catalonha e compta sus un sosten extraordinari de mai d’un ostal d’edicion catalan e d’organizacions que defendon la lenga catalana.
 
Tanben los collectius occitanistas de Malhòrca e Valéncia organizan la dictada a Palma, Albocàsser e Valéncia.
 
 
 
abonar los amics de Jornalet
 
 

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

oksitanlaştıramadıklarımızdanmısınız Apraquital, tresena tenda apèi lo tuc còsta lo riu ont se banhan nusas las zègas a negrenuèch
2.

Çò me sembla èsser bona causa aquela dictada, caldriá siègre benlèu un bocin mai , de per tsemple una estatistica sul lo nombre de vilas, vilatges que participan, suls òmes, Femnas que participan e sus las trencas d’edat de 5 ans en 5 ans, puèi , ont es estat aprés d’escriure l’occitan ...eca. En compendi, un quicòm de formal e perficient e gradalís.

Atal se poiriá siègre los enantiments, tornar ajustar çò que truca e sariá de grat, atal parariá l’oplo de nos far d’estatisticas que còstan car, fòra del fach qu’aquò es brica lo ròtle seu !

Es de nosaus de nos mancar pas las escasenças!

  • 3
  • 0
Pitaluga
1.

La dictada occitana a pas res a veire amb la dictada tant piòta coma elitista d'en Pivòt e Mérimée.
Cadun pòt participar e per nosautres es l'escasença de tornar èsser visibles pauc a cha pauc. Se comencèt par una dictada a Castras (ieu participèri tre la 2a) e ara s'espandís un pauc pertot. Es coma La Passem, cal participar. Finiràn que poiran pas contunhar de nos amagar. E lo costat festiu trenca l’estiqueta de capborruts passadistas que nos vòlon penjar.
Occitan! Se pòdes, i cal anar!

  • 11
  • 0

Escriu un comentari sus aqueste article