Actualitats
La Cort Suprèma italiana confirma que Carola Rackete auriá pas jamai degut èsser detenguda
L’activista se n’es alegrada: “Es un verdicte important per totes los activistas de salvament dins la mar”
L’activista se n’es regaudida: “Es un verdicte important per totes los activistas de salvament dins la mar·. Degun deuriá pas èsser enseguit per aver ajudat las gents que n’an de besonh. La directiva de l’UE sus los «crimes de solidaritat» deu èsser reformada”.
Detenguda e liberada en junh passat
La polícia italiana arrestèt Rackete en junh passat après qu’aguèt acostat sens permés al pòrt de la Lampedosa per i desbarcar quaranta migrants, que las autoritats daissèron pas davalar de la nau. Per poder arribar a la Lampedosa, la nau aviá esquivat un naviri de patrolha de la gàrdia maritima e, doncas, Rackete èra acusada de resisténcia contra un vaissèl de guèrra. Lo procuraire demandava que foguèsse encarcerada.
La nau pilotada per Rackete aviá getat lo fèrre près del pòrt de la Lampedosa en despièch del blocatge impausat per las autoritats de Roma que li permetián pas d’intrar dins las aigas territorialas italianas. Fasiá 17 jorns que navigavan amb quaranta migrants socorreguts d’un naufragi.
Lo ministre italian de l’Interior d’aquel temps, Matteo Salvini, permetiá pas que los migrants desbarquèsson, e exigiguèt la confiscacion del batèl e una multa de 50 000 èuros.
Lo “dever” de salvar de vidas en mar
Ça que la, la justícia italiana la tornèt metre en libertat qualques jorns puèi. La jutgessa escartèt lo delicte de resisténcia e de violéncia contra un vaissèl de guèrra perque considerèt que Rackete aviá complit “un dever”, lo de salvar de vidas en mar. La decision foguèt una revirada per Salvini, qu’aviá celebrat euforicament la detencion de Rackete. Salvini i reagiguèt en la volent expulsar d’Itàlia e lo procuraire depausèt un recors davant la Cort Suprèma, qu’aquesta ven de refusar.
The Italian Supreme Court confirmed today that I shouldn't have been arrested in June for saving lives.
— Carola Rackete (@CaroRackete) January 17, 2020
This is an important verdict for all sea rescue activists!
No one should be prosecuted for aiding people in need. The EU directive on "crimes of solidarity" needs reform.
CAROLA SHOULD NEVER HAVE BEEN ARRESTED. This is confirmed today by the Supreme Court in #Italy, which ruled in our favour when it rejected an appeal by the Public Prosecutor of Agrigento against the invalidation of @CaroRackete's arrest. Once again: Sea rescue is #notacrime! pic.twitter.com/vLo9YbwkNh
— Sea-Watch International (@seawatch_intl) January 17, 2020
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
La meteron en prison uns dias, pel delicte de violencia contra un vaissel de guerra?, es la fachistada mai granda qu´es pot escoltar. Los vaissels de guerra son los causants de far violencia en aquesta cas contra una accion umanitaria de salvar vidas.
Avec son sourire et son charme elle a du mettre les juges dans sa "botgeta".
Es tot simplement normal de la liberar. La fau amai felicitar per son accion e sa presa de responsabilitat dins l'ajuda que menèt ai migrants
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari