Bandièra01 1180x150: Comuna de Tolosa

Actualitats

Societat

“Soi pas un virus”: los asiatics de França victimas del racisme

La comunautat chinesa de França denóncia de prejutjats restacats a la psicòsi que l’a congreada lo darrièr coronavirus

La comunautat chinesa de l’estat francés denóncia de prejutjats e de racisme deguts a la psicòsi que l’a provocada lo darrièr coronavirus. Atal o denóncia suls rets socials la campanha “soi pas un virus”, que l’a començada un jove ciutadan chinés sonat Lou Chengwang. Aqueste publiquèt una fòto sus Twitter amb la frasa “soi pas un virus” escricha sus un papièr, e un messatge que disiá: “Soi chinés, soi pas un virus. Compreni que totes ajatz paur, mas vos prègui d’aver pas de prejutjats”, çò rapòrta The Huffington Post e tanben la BBC.
 
Aquela campanha l’an seguida divèrsas personas d’origina chinesa pertot, mai que mai dins l’estat francés, ont patisson “d’otratges, d’agressions, d’insultes e de prejutjats”, coma o denóncia l’associacion dels joves chineses de França (AJCF). Tanben los mèdias an contribuit a aquel episòdi de racisme: l’exemple pus clar l’avèm dins LeCourrier Picard qu’afichèt en primièra pagina “Alèrta jauna“ e un editorial entitolat “Lo perilh jaune”. Qualques jorns pus tard, lo quotidian publiquèt una nòta de desencusa als legeires.
 
 
 


 

 

 
 


abonar los amics de Jornalet

 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

francesc palma
2.

Que se posin tranquils los xineses, que la gent d'aquí los confon a tots , a los japoneses, xineses coreans, vietnamitas,...a tots los de la raça groga que disem nosautres. E s'an de posar los malas caras a tots els, acabaran per se cansar.

  • 1
  • 0

Escriu un comentari sus aqueste article