Bandièra01 1180x150: Comuna de Tolosa

Actualitats

InternacionalPolitica

Irlanda: victòria istorica del Sinn Féin

Lo partit a totjorn revendicat la reünificacion d’Irlanda amb la convocacion d’un referendum en Irlanda del Nòrd, que fa partida del Reialme Unit

| Phil Noble/Reuters
Lo Sinn Féin a ganhat las eleccions legislativas en Irlanda. Es un resultat istoric. Lo partit que revendica un referendum de reünificacion de l’illa ten lo 23,9% dels vòtes. Fianna Fáil es arribat a 21,2%, Fine Gael al 21%, lo partit verd al 7,6%, los trabalhistas al 5,3%, los socialdemocratas al 3,1%, los anticapitalistas al 2,3% e Aontú a l’1,9%. Los candidats independents an obtengut l’11,2% dels vòtes. Per ara, sembla que lo Sinn Féin a ganhat davant los dos partits que tradicionalament an governat Irlanda: lo Fianna Fáil e lo Fine Gael. Dins las darrièras eleccions, lo partit arribèt a l’13,8% dels vòtes.
 
La candidata de la formacion, Máire Labhaoise Ní Dhomhnaill (en anglés Mary Lou McDonald), a dich que començariá de far los contactes per bastir un nòu govèrn. Los membres n’an festejat la victòria.
 
La victòria del Sinn Féin, partit qu’a revendicat la reünificacion d’Irlanda amb la convocacion d’un referendum en Irlanda del Nòrd —que fa partida del Reialme Unit—, es istorica. S’avancèt las eleccions fa tres setmanas dins un moment politic marcat per un Brexit qu’impausarà una frontièra encara pus dura entre lo sud e lo nòrd de l’illa. De soslinhar que l’Irlanda del Nòrd votèt majoritàriament “non” al Brexit dins lo referendum de 2016.
 
 
 
 
 
 

 
abonar los amics de Jornalet
 
 

 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

"Tàrrega" Igualada (PP.CC)
6.

Be per ells, quanta mes gent hi hagi defensant les causes del Pobles millor.
Ara un referèndum i reunificació. No es maco!
Visca la Terra...Lliure!
L'Ernest, "El Tàrrega".

  • 0
  • 0
Pitaluga
5.

Ièr, a Cdansl'air, presentèron la situacion alemanda en metent sul meteis plan lo Sinn Féin e los nazis de Thuringe.
Sèm plan informats per la televison publica, què!

  • 4
  • 0
francesc Palma
4.

Volen los del Sinn Fein d' Irlanda del Sud qu' en irlanda del Nord fagan un referendum? Se non guanhan las elecion en Irlanda del Nord, què, què poden far?

  • 2
  • 0
Pirolet
3.

Las frontièras d'Euròpa trantalhan. Un buf d'espèr pels pòbles d'Euròpa.
Se cal pas enganar: l'Euròpa sociala avançarà pas tant qu'i mandaràn los estats-nacion.

  • 6
  • 0
Matieu C Marselha
2.

Sembla qu'ambe lo sistema politic irlandés es un pauc mai complicat qu'aquò. De fach, lo Sinn Fein serà pas majoritari au Parlamant.
Aquò dich, es un resultat istoric, de vrai.

  • 2
  • 0

Escriu un comentari sus aqueste article