Actualitats
La cançon Gangnam Style es venguda lo primièr vidèo qu’a subrepassat lo miliard de vesitas sus YouTube
La cançon Gangnam Style, del sud-corean PSY, fa ja de meses qu’es tot un fenomèn per Internet, mas lo 21 de decembre passat, batèt un recòrd en tot venir lo primièr vidèo qu’a superat lo miliard de vesitas sus YouTube, en despassant los videoclips de cantaires coma Lady Gaga o Justin Bieber.
Lo blòg oficial de YouTube a anonciat lo recòrd e a soslinhat que lo succès de Gangnam Style “es un grand testimòni de l’atraccion universala de la musica qu’encròca”. PSY, dins sos 34 ans, apareis sul vidèo abilhat d’un biais extravagant, amb de lunetas de solelh e en fasent una dança qu’imita los movements de l’equitacion.
La cançon de PSY es una parodia del districte de Gangnam, a Seol, e se trufa del subreconsume sens fren d’aquel quartièr de la capitala sud-coreana. Dempuèi lo sieu lançament en julhet, Gangnam Style es estat un grand succès.
Per comprene las paraulas de la cançon, l’Infòc de Barcelona TV emetèt lo vidèo amb de sostítols en occitan.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Visca la diversitat culturala!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari