Bandièra01 1180x150: Comuna de Tolosa

Actualitats

InternacionalPoliticaSocietat

Mexic: de fòtos polidas per una victima de la violéncia masclista

De mèdias an publicat d’imatges del còrs d’una femna assassinada per son marit. Lo mond an reagit suls rets socials per li tornar la dignitat

E mai siam en plen sègle XXI, los assassinats masclistas son totjorn tròp frequents dins lo Mond. En Mexic, lo feminicidi d’Íngrid Escamina, tuada per son marit, a esmogut e indignat lo país, non solament per sa brutalitat, mas perque qualques mèdias an mostrat son cadavre sus la primièra pagina. A mai, an publicat un vidèo de l’assassin, un òme de 46 ans, ont confèssa lo crime e n’explica sa version.
 
La reaccion populara a la publicacion dels imatges del còrs d’Íngrid Escamilla es arribada sul pic e es venguda una tendéncia dels rets socials. Lo mond an decidit de publicar d’imatges polits, de dessenhs, de bèlas fòtos, per onorar sa memòria, per dignificar la victima e per compensar la morbiditat de certans mèdias.
 
Lo jornal sensacionalista Pásala mostrèt la fòto del cadavre amb lo gròs títol “Foguèt la fauta de Cupidon” del temps que La Prensa publicava tres imatges òrres jos lo títol “Descarnada”.
 
S’es dobèrt una enquèsta contra sièis personas per aver mandat aqueles imatges als mèdias, dont qualques policièrs.
 
 
 
 
 
 
 

 

abonar los amics de Jornalet

 

 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article