Actualitats
Narbona: cridan a manifestar contra los projèctes nuclears de l’usina de Malvesin
Dempuèi qualques annadas, los nòus projèctes de Malvesin son contestats pels abitants de Narbonés que protèstan contra los projèctes TDN e NVH del grop Orano
Divèrses collectius environamentalistas coma Greenpeace de Montpelhièr, Covidem, SDN 11, ADN 34 e la Confederacion Païsana cridan a manifestar a Narbona lo 29 de febrièr venent, amb de parapluèjas, per protestar contra los projèctes TDN e NHV de l’usina Orano (ancianament Areva) a Malvesin (Narbonés).
Lo rendètz-vos es sus la plaça de la mediatèca a 10h45. D’aquí, lo cortègi a previst de marchar fins a la plaça de la comuna ont, a miègjorn, los manifestants dobriràn lors parapluèjas. E mai los convocaires rendràn publicas las questions pausadas a totes los candidats a las eleccions municipalas de la vila lengadociana, e, mai que mai, se son per o contra aqueles projèctes d’Orano.
Lo projècte TDN es lo tractament dels efluents nitratats radioactius sortits dels bacins del sit d’Orano a Malvesin. L’NVH, qu’es la sigla francesa que correspond a Nòva Via Umida, es un projècte per installar una usina de produccion de dioxid d’urani.
Malvesin ten a l’ora d’ara la darrièra usina de l’Union Europèa que fa de conversion d’urani brut, provenent de Kazakhstan, en tetrafluorur d’urani, coma combustible per las centralas nuclearas. E mai, dempuèi 2016, Orano desira de diversificar l’activitat del sit amb la mesa en plaça d’un cremador de curum nuclear, e de bastir d’installacions de produccion de dioxid d’urani amb la construccion correspondenta d’una 36a chaminada sul sit.
L’usina tracta environ un quart del mineral d’urani extrach sus la planeta. Aquel urani tractat se transpòrta per camion fins a l’usina Comurhex de Pèira Lata (Tricastin).
Segon Greenpeace e los collectius païsans e ciutadans, lo sit non solament produtz de polluants toxics e radioactius importants, jos forma de sobras solidas que decantan dins de bacins, mas ara n’aumentarà la produccion e ne cremarà lo curum en polluent l’atmosfèra. Segon los manifestants, aquela produccion contraven a la directiva europèa.
Lo rendètz-vos es sus la plaça de la mediatèca a 10h45. D’aquí, lo cortègi a previst de marchar fins a la plaça de la comuna ont, a miègjorn, los manifestants dobriràn lors parapluèjas. E mai los convocaires rendràn publicas las questions pausadas a totes los candidats a las eleccions municipalas de la vila lengadociana, e, mai que mai, se son per o contra aqueles projèctes d’Orano.
Lo projècte TDN es lo tractament dels efluents nitratats radioactius sortits dels bacins del sit d’Orano a Malvesin. L’NVH, qu’es la sigla francesa que correspond a Nòva Via Umida, es un projècte per installar una usina de produccion de dioxid d’urani.
Malvesin ten a l’ora d’ara la darrièra usina de l’Union Europèa que fa de conversion d’urani brut, provenent de Kazakhstan, en tetrafluorur d’urani, coma combustible per las centralas nuclearas. E mai, dempuèi 2016, Orano desira de diversificar l’activitat del sit amb la mesa en plaça d’un cremador de curum nuclear, e de bastir d’installacions de produccion de dioxid d’urani amb la construccion correspondenta d’una 36a chaminada sul sit.
L’usina tracta environ un quart del mineral d’urani extrach sus la planeta. Aquel urani tractat se transpòrta per camion fins a l’usina Comurhex de Pèira Lata (Tricastin).
Segon Greenpeace e los collectius païsans e ciutadans, lo sit non solament produtz de polluants toxics e radioactius importants, jos forma de sobras solidas que decantan dins de bacins, mas ara n’aumentarà la produccion e ne cremarà lo curum en polluent l’atmosfèra. Segon los manifestants, aquela produccion contraven a la directiva europèa.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Dèu èsser lo marquestat tot de Narbonés que non se vòl daissar far ! Mentre qu'a Narbona, cridan a manifestar contra los projèctes nuclears de l’usina de Malvesin, a pro pena mai al sud, a Pòrt la Nòuvèla, lutan coratjosament, exolgistas (sense partit) e gilets jaunes, contra un projècte monstrós de pòrt gigant, a ras d'una resèrva naturala e de grands espandis salvatges, d'ara enlà ja gastats per de selvas d'eolianas… ( https://reporterre.net/Plages-betonnees-terres-bouleversees-a-Port-la-Nouvelle-le-projet-de-port-geant-suscite-l )
Ara que los païses asiatics tòrnan a Occident las bordilhas que lor enviam per las veire pas en cò nòstre, Occitània contunha d’èsser lo bordilhièr de Francilàndia. Un còp mai se vei que nos considèran per mens que res. Sèm çò que sèm estat sempre : una colonia de París.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari