Bandièra01 capçalera  1180x150: Novestivada

Actualitats

China a arrestat lo magnat dels mèdias d’Hong Kong Jimmy Lai

Membre de la dicha Banda dels Quatre, l’acusan d’aver participat a una reünion non autorizada en favor del sufragi universal

La polícia d’Hong Kong a arrestat lo magnat dels mèdias Jimmy Lai. Lo detenguèron dins son ostal e après èsser interrogat es estat mes en libertat provisòria sens poder respondre a las questions dels mèdias A 72 ans, Lai es fondador del jornal Apple Daily, que fa partida de son grop de mèdias Next Digital.
 
Es acusat d’aver participat a una reünion non autorizada en favor del sufragi universal lo 31 d’agost passat, una jornada de las mai tibadas entre manifestants e polícia en plena èra de manifestacions contra lo govèrn d’Hong Kong. En realitat, Lai es mièg retirat de l’activitat publica, mas exercís encara un ròtle de guida e de mentor per de reportèrs occidentals e joves opausants. China considèra que son influéncia es totjorn extraordinària fins al ponch d’aver tengut de reünions amb lo vicepresident dels Estats Units Mike Pence.
 
 
La Banda dels Quatre
 
Jimmy Lai es membre de la dicha Banda dels Quatre, qu’es atal que China nomena los grands dirigents de l’oposicion. Fan partida d’aquel grop, demest d’autres, l’èx-ministra principala del territòri, Anson Chan, lo fondador del Partit Democrata d’Hong Kong e paire de la Constitucion territoriala, Martin Lee, e lo dirigent de las velhadas annadièras pel massacre de Tiananmen, Albert Ho.
 
Aquel nom ten coma referéncia los quatre nauts responsables del partit comunista de China que finiguèron acusats de traïson pendent la Revolucion Culturala dels ans 1960.
 
 
 
abonar los amics de Jornalet

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

francesc palma
1.

An de comprene qu' alà es la Xina, e los anglesos ja non i son pas. E non tornarà a ser mai pus una colonia anglesa. Se comprene aissò podran far peticions raonables per melhorar las sevas condicions democràticas, per què los britanics son uns paisos molt democràtics, però mai pus podran ser britanics ni de la Commonwell. Tots voldriem ser britanics, Menorca va ser anglesa durant uns 40 ans, mas desgraciadament se n'agueren d'anar e la poblacion menorquina tenguet un bon disgust. Gibraltar o son e non volen sentir parlar de ser Espanhols. Mas qui non vol ser Britanic ?

  • 1
  • 0

Escriu un comentari sus aqueste article