Actualitats
Tolosa: l’occitanisme es representat dins las quatre candidaturas principalas a las municipalas
Dimècres que ven, se tendrà un debat sus la lenga e la cultura nòstras entre de representants d’aquelas quatre formacions
Lo 15 e lo 22 de març venents, i aurà d’eleccions municipalas en França. A Tolosa, pel primièr còp de l’istòria, l’occitanisme serà representat dins las quatre listas principalas. Fàcia a aquel eveniment istoric, se tendrà dimècres un debat sus la lenga e la cultura nòstras entre de representants d’aquelas quatre formacions. Serà l’ocasion de parlar d’educacion, de socializacion de la lenga, de cultura e de quin autre subjècte que siá restacat amb la lenga e la cultura occitanas. Lo debat se tendrà a 19h a l’ostalariá Palladia, al numèro 271 de l’Avenguda de la Grand Bretanha.
L’occitanisme es representat dins las listas dels candidats seguents:
Lo debat se presenta coma fòrça interessant. Ja podèm remarcar que la classa politica occitana comença de comprene l’importància de la lenga e la cultura del país, ara dins una delicada situacion de subrevivença.
L’occitanisme es representat dins las listas dels candidats seguents:
—Jean Luc- Moudenc es l’actual cònsol màger de la Ciutat Mondina qu’es sostengut per la drecha e lo centredrecha d’LREM, d’LR, de l’UDI, de l’MRSL, d’Agir e de Sens Comun. A respècte de l’occitan, a anonciat lo desvolopament d’un plan nomenat Convivéncia e los eveniments festius restacats amb la lenga e la cultura del país.
— Nadia Pellefigue es sostenguda per UNE, PS, PCF, PRG, Occitania-País Nòstre e Vèrs l’Ecologiae Ciutadana. Son programa cèrca de desvolopar l’occitan dins la formacion e l’ensenhament public e associatiu, la socializacion de la lenga dins l’espaci public e dins las comunicacions oficialas, los ligams europèus, de valorizar lo torisme, la cultura e l’espòrt e la creacion d’un labèl “Fabricat a Tolosa”. De soslinhar que la lista de Pellefigue considèra la creacion d’un laboratòri e observatòri de la lenga occitana.
— Pierre Cohen recampa de membres de Generacion.s e de l’MRC. Per ara, a pas encara publicat los elements de son programa pertocant la question occitana.
— Antoine Maurice pel movement Archipèla Ciutadan es sostengut per EELV, LFI, Novèla Donada, Plaça Publica, Partit Pirata, Tolosa Idèas Nòvas e lo Partit Occitan. Son programa prevei tanben de desvolopar l’occitan dins l’ensenhament public e associatiu, la socializacion de la lenga dins l’espaci public, de sosténer lo COMDT e lo desvolopament de la cultura occitana... tot aquò somés a l’apreciacion d’una agòra ciutadana.
— Nadia Pellefigue es sostenguda per UNE, PS, PCF, PRG, Occitania-País Nòstre e Vèrs l’Ecologiae Ciutadana. Son programa cèrca de desvolopar l’occitan dins la formacion e l’ensenhament public e associatiu, la socializacion de la lenga dins l’espaci public e dins las comunicacions oficialas, los ligams europèus, de valorizar lo torisme, la cultura e l’espòrt e la creacion d’un labèl “Fabricat a Tolosa”. De soslinhar que la lista de Pellefigue considèra la creacion d’un laboratòri e observatòri de la lenga occitana.
— Pierre Cohen recampa de membres de Generacion.s e de l’MRC. Per ara, a pas encara publicat los elements de son programa pertocant la question occitana.
— Antoine Maurice pel movement Archipèla Ciutadan es sostengut per EELV, LFI, Novèla Donada, Plaça Publica, Partit Pirata, Tolosa Idèas Nòvas e lo Partit Occitan. Son programa prevei tanben de desvolopar l’occitan dins l’ensenhament public e associatiu, la socializacion de la lenga dins l’espaci public, de sosténer lo COMDT e lo desvolopament de la cultura occitana... tot aquò somés a l’apreciacion d’una agòra ciutadana.
Lo debat se presenta coma fòrça interessant. Ja podèm remarcar que la classa politica occitana comença de comprene l’importància de la lenga e la cultura del país, ara dins una delicada situacion de subrevivença.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#28 D'autre caire, voldriái remarcar que los 53 polzes roges que los legeires an marcat al comentari de Valadier nos semblan exagerats. Pregam als legeires de Jornalet que fagan un usatge responsable dels mecanismes de participacion, e fagan pas un apèl a sos amics e camaradas una crida per far un ciber-linchatge d'un opausant politic. Aquò es pas elegant, quitament pas se lo comentari sembla desplasent o inapropriat
#27 Es pas abitual que la redaccion participe dels comentaris ni dels mecanismes de participacion sociala coma los polzes roges o vèrdes, entre d'autres. Ça que la, me permeti respondre lo vòstre comentari. La redaccion de Jornalet es totjorn dobèrta a escotar sos legeires, e o fasèm tant que podèm. S'avètz quicòm a plànher vos pregui de contactar dirèctament la redaccion.
Quant a la vòstra injusta e injuriosa critica a sénher Barceló, vos pregui de contactar amb el. Es pas brica agradiu profiechar dels mecanisme de participacion de Jornalet per criticar qualque un, tot simplament perque nos agrada pas. Tot opinaire a drech de moderar sos comentaris se vòl, mai que mai après las darrièras trolejadas qu'avèm patidas e que nos an causat de trebols grèus quitament a la nòstra santat.
Cresi que seretz d'acòrd amb ieu, qu'amb un pauc d'etiqueta e de bonas manièras, los escambis seràn pus agradius, positius e quitament los nòstres arguments vendràn mai convencents.
#26 Avètz qu'a faire de censura coma Barcelo qu'ara se fai plaser en destriant sonque los comentaris aprobators de sos articles. Es gostos de veire que vos entrevatz d'aquel problèma real de linchatge a la pocejada qu'es caracteristic de totes los rets socials (like/no like) que quand s'agis d'un colèga a vosautres. Personalament soi pas de Tolosa e de las municipalas me'n bati mas m'estoni pas que de veire un opinaire de Jornalet faire la reclama per tala o tala lista n'en enfada mai d'un. E vai sens dire qu'un comentari coma aquel que fau, qu'es pas pus racista qu'insolentaira, passaria saique pas la barra a co de Barcelo.
#25 Aviái prepausat a Jornalet (mas es benlèu malaisit de far al nivèl tecnic) de suprimir aquestes vòtes roges. Seriá pro, me sembla, s'aver un endrech per senhalar un comentari malconvenent (racista, insultant, etc) e un per recomandar un comentari particularament interessant. Pas besonh de botar de roge a un comentari que nos agrada pas, subretot quand vesèm cossí es utilizat.
Bona fin de jornada.
#24 Completament d'acòrdi amb aquela reaccion ;
I a pas cap de rason d'amagar lo comentari de Valadier....e un nombre atal de "dets gròs cap en bas"
me daissa pensar en mai que i auriá, probable,`una conspiracion pietadosa aquí darrèr.
Tot aquel monde que s'amagan darrèr un escais, o que, per manca d'argumentacion coèrenta, s'acontentan de quichar sus un det gròs negatiu, fan vergonha al Jornalet...
Ieu que m'aprestavi de donar qualques reflexions e criticas en rapòrt amb l'article de Valadier e los comentaris senats que seguissián ( parli pas dels autres, sens cap ni centena...), estimi mai de me calar....
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari