Bandièra01 1180x150: Comuna de Tolosa

Actualitats

InternacionalPoliticaSocietat

De caçairoladas contra lo discors del rei d’Espanha

Mentre que lo monarca fasiá una crida a “combatre units lo coronavirus”, dels balcons estant lo pòble li respondiá amb de concèrts de caçairòlas

| @jrabassa
Dimècres de ser, a 21h, se sentiguèt per tot l’estat espanhòl, sustot als Païses Catalans, al Bascoat e en Galícia, mas tanben a Madrid, un concèrt de caçairòlas coma s’èra jamai vist. La rason n’èra qu’a aquel moment, lo rei Felip VI compareissiá sus totas las televisions de l’estat per mandar un messatge de sosten a la lucha contra lo coronavirus. La caçairolada se convoquèt suls rets socials jos l’etiqueta #CoronaCiao.
 
Atal, mentre que lo monarca fasiá una crida a “combatre units lo coronavirus” e mercejava lo personal sanitari per son prètzfach, dels balcons estant lo pòble li respondiá amb de concèrts de caçairòla e la cançon italiana de resisténcia Bella Ciao, una cançon que faguèt tanben lo torn dels rets socials.

 

 

 

 

 

A Madrid, en Galícia e al Bascoat.



Demandan que done los fonzes irregulars a la santat publica
 
Es a virar suls rets socials, mai que mai dins l'estat espanhòl, una peticion al rei d'Espanha, Felip VI, per que prenga tot l'argent irregular qu’el ten e que pòsca aver son paire, darrièrament revelat pels mèdias, e que lo done a la santat publica de l'estat.
 
Coma o avèm ja raportat, lo rei emerit, Joan Carles Ir, a de milions d'èuros de fonzes dins un compte en Soïssa al nom d'una fondacion registrada en Panamà. Aquel argent, sortit del mercejament de la monarquia saudita per cèrts servicis, es fruch de çò que Joan Carles nomena "una practica abituala". Pasmens, son filh Felip VI, actual rei d'Espanha, a daissat son paire sens salari e a reagit publicament en renonciant a l'eiretatge d'aquel argent.
 
La societat, totun, demanda qu'aquel argent venga public e finance lo sistèma de santat, mai que mai ara qu'es a mand de se saturar en causa de la pandemia de Covid-19.
 

 
abonar los amics de Jornalet
 
 

 

 

Etiquetas

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

francesc palma
2.

Me sorprenguet ausir la caçolada al meu barri de Palma, non n'avia sentida jamai cap contra la monarquia.

  • 0
  • 1
Pitaluga
1.

Lo tipe faguèt una operacion de Corona washing.
L'inquièta mai lo virus que gangrena la monarquia que lo que tua los espanhòls. Pardina! A paur de pèrdre sas prebendas, lo mostre!
Coma lo Macron, tempta de se pausar en paire protector del pòble. Quand veses los guses, de pipòls coma d'autres,te dises qu'aviam pas besonh del Carnaval de Venècia, qu'es estat suprimit: lo carnaval l'avèm a l'ostal.

  • 11
  • 2

Escriu un comentari sus aqueste article