Bandièra01 capçalera 1180x150: Botiga

Actualitats

InternacionalPoliticaSciénciaSocietat

L'ÒNU avertís que las consequéncias de la crisi del coronavirus tòcan durament las femnas

Las femnas representan lo 70% dels emplegats de l’assisténcia sociala e sanitària e mai s’encargan de suènhs non pagats a l’ostal

| Loey Felipe / UN Women
“La majoritat d’emplegats de la santat son de femnas e aquò las expausa a mai de risc. E mai la majoritat d’elas son de maires e de sonhairas de la familha”, çò avertiguèt aqueste dissabte passat Phumzile Mlambo-Ngcuka, directritz executiva de l’organizacion de l’ÒNU consagrada a l’egalitat dels genres. Mlambo-Ngcuka avisèt atal que la crisi del coronavirus que sèm a patir met las femnas jos un estransi considerable.
 
Dins aquel meteis sens faguèt sa crida lo secretari general de l’ÒNU, António Guterres, que demandèt de prene en compte los besonhs de las femnas. Segon Guterres, lor autoritat “refortirà la responsa a la pandemia”, e soslinhèt que dins lo Mond entièr, las femnas representan lo 70% dels emplegats de l’assisténcia sociala e sanitària e que tanben realizan a l’ostal de prètzfaches de suènhs non pagats, fòrça mai que los òmes.
 
 
Proteccion sociala davant las pèrdas d’emplecs
 
En mai d’aquò, Guterres diguèt qu’”aquesta situacion es essencialament una crisi umana” e que per tant “se cal centrar sus las personas: las mai vulnerablas, las qu’an los salaris pus basses, las pichonas e mejanas entrepresas”. Per ansin, Guterres soslinhèt qu’èra necite un “sosten salarial, d’asseguranças, de proteccion sociala, de prevencion davant las quincanèlas e las pèrdas d’emplecs”.
 
 
 
 
 
 
 
 
 
abonar los amics de Jornalet
 
 

 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article