Actualitats
L’FMI avisa que la recession pel coronavirus serà “tan marrida o piéger” que la crisi de 2008
L’organisme avertís d’una repercussion “sevèra” de la pandemia sus l’economia, mas prevei una recuperacion per 2021
Dins l’encastre de la macroeconomia, se considèra coma una recession un periòde de creissença negativa del PIB d’una economia dins un relambi de dos trimèstres o mai. Per ara, Georgieva a demandat de “priorizar” la contencion del virus e de “refortir los sistèmas de santat”. “Del mai lèu arrestarem lo virus, del mai rapida e fòrta serà la recuperacion”, çò a soslinhat.
D’autre caire, la directritz gerala de l’FMI a celebrat tant las decisions de las bancas centralas coma las “extraordinàrias accions fiscalas” que las an entamenadas qualques estats per “refortir los sistèmas sanitaris e protegir los salariats e las entrepresas afectadas”. Pasmens, Georgieva a avertit que caldrà “encara mai” de mesuras fiscalas.
Atencion als païses pus paures
Dins lo comunicat, Georgieva assolida que los païses desvolopats se tròban dins una situacion melhora per respondre a la crisi que non pas los païses mai paures, qu’afrontan “d’enjocs significatius”.
Segon de donadas de l’FMI, los investidors internacionales an tirat 83 miliards de dolars dels mercats emergents aquestes jorns, çò qu’es “la pus granda fugida de cabals fins ara”.
The global economic outlook for 2020 is negative—recession at least as bad as the Global Financial Crisis or worse. But we expect recovery in 2021. How to get there? Read @KGeorgieva's statement here: https://t.co/F1WjFgUwzS#COVID19#coronaviruspic.twitter.com/M2XgTnTOK0
— IMF (@IMFNews) March 23, 2020
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#3 efectivament, produsís pas arren dempuish que los vòstes amics an balhat au privat tot çò que pòt portar sòus. autopistas, distribucion d'energia, de telefòne, transpòrts publics... e tot çò que sabetz.
vedem la resulta de las vòstas politicas d'austeritat a l'espitau, quand los país los mei potents dau monde son pas capables d'arcúlher los malauts -- mès quiòc de héser navigar pòrta-avions nuclears.
L’FMI avisa que la recession pel coronavirus serà “tan marrida o piéger” que la crisi de 2008. E nosautres los umils e los paures, avisam l'FMI que non serèm mai dipsausat a pagar la factura de la flaquesa e de l'absurditat d'aqueste fotut sistèmi capitalista mondializat.
Segur se cal pas regaudir en disent qu’es l’estat que pagarà, coma o dits macron, d’aqui estant que l’estat a cap de ressorgas e que produsís ren de ren. Sas sola ressorgas son taxas , impaus, participacions, contribucions e autras, que ven querre dins las nòstras fondas. (las fondas son botgetas grandassas :-)
Coma de costuma es nosaus que paguem, vist que l'estat es nosaus !
Aquela crisi granda deguda al COVID-19 qu’atanca tota l’econòmia, nos rementa ambe violença que l’U.E apara de ren e qu’es bastida ambe país qu’an pas los meteis intereste qu’a l’ora de las causidas la solidaritat esperada se muda en descofida. I
Mai d’aquò l’U.E es reponsible d’aver pas recomandat de tampar las termièras e d’aver ajudat a difuzir la pandemia.
Cal apondre qu’avèm un govèrn d’esbraçotats que nos apara de ren e qu’es pas fotut de produzir mascas, gels, unigants de proteccion en nombre per nos parar, sa sola responsa que ven de mens en mens credezible sariá que servís pas a ren .
Pièger que tot l’estat a pas estat fotut de balhar lo forniment per se parar als metges espitalièrs que metjavon los malauts del COVID-19. Una vergonha !
Se pòdon quitar las cauças los eurofils apèi la descofida de l’independencia catalana, avem la descofida del COVID-19
Se pòdon quitar las cauças los eurofils apèi la descofida de l’independencia catalana, avem la descofida del COVID-19. E crèire que l’U.E apararà o apara nòstra lenga es èsser bravament timborla e baluc, desempuèi lo temps avem vist ren de ren aqui coma endacòm mai.
Tant totun, se las bancas van mal, seràn los ciutadans que pagaràn. As iosoòl!
E ben, es plan malauta l'economia!
Mas me fau pas de lagui per ela. Es pas prèsta de far las espèrras! (e de quitar de nos empovolar la vida.)
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari