Pascau Sebat es un ensenhaire d’occitan e musician bearnés que demòra a Auta Riba (Lauragués). Milita dins lo Grop Francés d’Educacion Novèla e, coma totes los ensenhaires, trabalha fòrça ara de son confinament estant per manténer lo ligam amb los escolans e per que manquen pas lors estudis.
 
Mas aqueste periòde de confinament li a donat l’escasença d’adobar, enfin, son òrt en retirar los calhaus que los ancians proprietaris avián pausats per evitar las marridas èrbas. E mai es a l’adobar polidament e i planta de legums.
 
Mai d’un còp, Sebat mandèt d’articles d’opinion fòrça interessants a Jornalet. Ara, nos rapòrta en vidèo son confinament e parteja atal, amb totes los legeires, lo trabalh qu’es a realizar dins son “beròi casau”.




 
Partejatz lo confinament amb la rèsta de legeires
 
Encoratjam nòstres legeires a nos mandar de tèxtes, de vidèos, d’imatges o d’àudios sus lors idèas de passar lo confinament. De partejar aqueles moments entre totes nos ajudarà a nos donar d’idèas los unes als autres, e nos coneisserem un pauc melhor.
 
                                                                                                                                                                                                                                                                                                                                                                                    

fffff		fffff		fffff
	Lo confinament dels legeires de Jornalet
			Sès confinat a l’ostal? As, totun, de connexion a Internet? As de bonas idèas per passar lo temps? Jornalet demanda a sos legeires que partegen lors idèas e lor vida en confinament amb un messatge de tèxt, una fòto, un vidèo, un àudio o qué que siá que se pòsca publicar en linha e partejar amb los autres legeires.                           As bastit un castèl de carton pels enfants? Fas d’escalada dins la cosina? As organizat un concèrt per videoconferéncia? Tenes una vida sociala sus las fenèstras o los balcons? Fas d’espòrt a l’ostal? As de bons libres a nos recomandar? De bonas idèas per èsser tostemps de bona umor?
	Manda tos documents a info@jornale...                           Convivéncia e paratge en confinament.