Bandièra01 1180x150: Comuna de Tolosa

Actualitats

crotz-tolosaCreated with Sketch.ProvençaProvençaVencenc

Canas: lo Palais del Cinèma aculhís las personas sens domicili fixe

Lo festenal de cinèma es reportat a la fin de junh e ara lo sit es abilitat per aculhir las personas pus feblas pendent lo confinament

| Valerie Hache / AFP
Lo Festenal de Cinèma de Canas s’es reportat a la fin de junh e al començament de julhet, a causa de la crisi que sèm a patir per la pandemia de la Covid-19. Ongan, las carrièras de la capitala del cinèma son excepcionalament vuèjas, los abitants confinats e la plaja barrada. Mas lo Palais del Cinèma a dobèrt sas pòrtas e aculhís las personas sens domicili fixe.
 
Son entre 50 e 70 las personas qu’an trobat un refugi dins un Palais dels Festenals qu’ara porgís una utilitat mai umanitària. I a un refectòri, de comuns, de dochas, un espaci comunautari amb la television e de jòcs e, de segur, de lièches per dormir.
 
Mentretant, l’organizacion del prestigiós festenal internacional de cinèma  a publicat un comunicat per se solidarizar amb totes los que luchan contra la Covid-19 e demandar fermament a cadun que respècte lo confinament general.
 
 
 

abonar los amics de Jornalet

 


 
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Mèfi 31
5.

*cinèma !
Cinematograf: com se trenca? Apocòp popular e cult.
CI-ne-MA-to-GRAF > CI-ne-MA(t) > CI-ne.
=> cinemà o cínema o emai cinemat o cine

  • 2
  • 0
francesc palma
4.

Bona Nova, Bonas Novas:
A Alemanha los ospitals son (buits) voides.
Lo nombre d'infectats minva son creissement.
Las corbas d'infects sembla qu' està proxim a arribar als punt màxim e que prest començaran a devalar.
Esperam que n'arriben aviat mai.

  • 1
  • 0
Abram Auvèrnha
3.

La comuna de Canas deu téner de desenas de gimnases, mas Mossur lo  maire de la viala tomba de  subita en afecion per  aquelos de las charrèiras en los lotjar coma d'azard dinc lo  Palais daus festenaus. Vejaquí una brava operacion de comunicacion per se poder faire tornar  elegir dinc quauques mes, tè ! Coma se podriá enquèra creire qu'aquò siage pas quauquarren  mai que d'ipocrisiá electorala !

  • 5
  • 1
Garric
2.

#1 Principalament d'Africa.

  • 5
  • 0
Black Blòc Joe
1.

Ara lo sit es abilitat per aculhir las personas pus feblas pendent lo confinament, e pregat de non se demandar pas d'ont lor ven, socialament, una tala feblesa…

  • 5
  • 1

Escriu un comentari sus aqueste article