Bandièra01 capçalera  1180x150: Novestivada

Actualitats

Google mòstra amb sas donadas la portada del confinament

La frequentacion dels sits de servicis non essencials a demesit d’un 94% dins los estats espanhòl e italian, ed’un 88% a l’estat francés

| Toulouse FM
Las donadas de miliards de telefòns mobils an permés a Google d’analisar se se respècta los confinaments e las restriccions de mobilitat long de la planeta per evitar la propagacion de la Covid-19. Una analisi facha dins 131 estats compara lo trafec del 16 de febrièr al 29 de març en diferentas categorias, coma las botigas de venda al detalh e los espacis de léser, las estacions de transpòrt public, los pargues, las especiariás e los luòcs de trabalh.
 
Es dins los estats espanhòl e italian que l’analisi remarca un compliment pus naut del confinament. Dins los sits de servicis non essencials la frequentacion s’es reducha d’un 94% mentre que dins l’estat francés d’un 88%.
 
La situacion contrasta amb los estats qu’an mantengut dobèrts fòrça establiments e que luchan pas contra l’espandiment de la pandemia amb de confinaments mas amb de tèstes massisses e d’autres metòdes de distanciacion sociala. La diminucion de las vesitas dels sits de léser es solament d’un 26% en Japon, d’un 19% en Corèa del Sud e d’un 24% a Suècia.
 
Los usatgièrs que vòlon pas que Google analise aital lors movements devon verificar qu’an desactivat l’istoric de las localizacions dins la configuracion de lors telefòns intelligents. Per defaut, totes los telefòns arriban amb aquela opcion activada. Mentretant, s’es entamenat lo debat s’aquelas informacions las cal emplegar per prevenir l’espandiment de la Covid-19, coma s’es fach dins qualques païses asiatics, o se cal que prevalga l’intimitat de las personas coma o exigisson las leis dels estats que pertòcan Occitània.








 
abonar los amics de Jornalet

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Franc Bardòu
1.

« Los usatgièrs que vòlon pas que Google analise aital lors movements devon verificar qu’an desactivat l’istoric de las localizacions dins la configuracion de lors telefòns intelligents. Per defaut, totes los telefòns arriban amb aquela opcion activada. » Telefòns "intelligents", çò dison ? Ieu apèli aquò d'estupiditat complida. Cossí podètz tolerar que d'arlèris a l'autra man del mond pòscan a tot moment saber vòstres anars e venirs, coma se lor deviatz rendre comptes ? Aqueste mond, es vengut caluc. Amb lors telefonets portables d'estupiditat complida, m'i pòdon esperar longtemps encara, tè !

  • 7
  • 0

Escriu un comentari sus aqueste article