Actualitats
Crida per que los toristas se gandiscan pas en Aran a causa de la pandemia
L’esportiu aranés Aymar Navarro remembra sus Facebook que dempuèi mai d’un mes los araneses luchan contra la Covid-19 e que cal protegir los abitants
L’esportiu aranés Aymar Navarro, conegut coma un dels melhors esquiaires fòrapista (o freeride) del Mond, demanda publicament que degun venga pas en Aran a l’ora d’ara. “Demora en casa, non vengues ena Val d’Aran ara per favor”, çò ditz dins un messatge publicat en espanhòl sus sa pagina Facebook ont nos explica la situacion dificila qu’es a patir lo país occitan de cap de Garona a causa de la Covid-19.
Navarro recòrda que lo pòble aranés a totjorn fòrt plan aculhit totes los toristas, que sián de “Madrid, de Barcelona, del Bascoat, de França...” e ramenta qu’en Aran son plan contents de veire la val tota plena de gents de pertot dins l’ivèrn e l’estiu. “Açò non va a cambiar”, çò precisa. Totun, l’esportiu remembra que dempuèi mai d’un mes los araneses son a luchar contra la pandemia del coronavirus e que cal protegir los abitants d’Aran, majoritàriament de gent d’edat avançada: “Les vam a protegir coma eri ac heren en son temps”, çò apond.
Dins aquel sens, demanda que se faga lo grand esfòrç de demorar a l’ostal. De fach, Aymar Navarro precisa que la darrièra setmana es estada plan positiva e que se vòl que las causas seguiscan aquela draia en plaça de degalhar l’enòrme prètzfach dels professionals qu’i an trabalhat.
Aran es un país que viu mai que mai del torisme e, per tant, sos abitants desiran de tornar veire lo país plen de toristas, mas pas ara. “Ara es pas lo moment”, çò precisa l’esquiaire que quitament qualifica d’“egoïstas” los qu’obsèrvan pas aquelas recomandacions e interdiccions.
L’estat espanhòl es lo país del Mond amb lo percentatge pus naut de mòrts de la Covid-19 e ont la pandemia es pus proporcionalament a la populacion pus grèva amb gaireben 16 000 victimas. La region de Madrid es l’endrech pus afectat. Mas Aran es un endrech tanben fòrça tocat per la pandemia amb 79 cases (segon de donadas d’aqueste divendres de matin).
Nascut a Les (Quate Lòcs) en 1989, Aymar Navarro ten lo títol del melhor esquiaire europèu de l’an en 2017, après una tièra de reüssidas de Navarro dont podèm soslinhar sa tresena posicion al campionat mondial d’esquí fòrapista d’Andòrra d’aquela meteissa annada. E mai foguèt lo primièr ciutadan de l’estat espanhòl a participar al Freeride World Tour.
Navarro recòrda que lo pòble aranés a totjorn fòrt plan aculhit totes los toristas, que sián de “Madrid, de Barcelona, del Bascoat, de França...” e ramenta qu’en Aran son plan contents de veire la val tota plena de gents de pertot dins l’ivèrn e l’estiu. “Açò non va a cambiar”, çò precisa. Totun, l’esportiu remembra que dempuèi mai d’un mes los araneses son a luchar contra la pandemia del coronavirus e que cal protegir los abitants d’Aran, majoritàriament de gent d’edat avançada: “Les vam a protegir coma eri ac heren en son temps”, çò apond.
Dins aquel sens, demanda que se faga lo grand esfòrç de demorar a l’ostal. De fach, Aymar Navarro precisa que la darrièra setmana es estada plan positiva e que se vòl que las causas seguiscan aquela draia en plaça de degalhar l’enòrme prètzfach dels professionals qu’i an trabalhat.
Aran es un país que viu mai que mai del torisme e, per tant, sos abitants desiran de tornar veire lo país plen de toristas, mas pas ara. “Ara es pas lo moment”, çò precisa l’esquiaire que quitament qualifica d’“egoïstas” los qu’obsèrvan pas aquelas recomandacions e interdiccions.
L’estat espanhòl es lo país del Mond amb lo percentatge pus naut de mòrts de la Covid-19 e ont la pandemia es pus proporcionalament a la populacion pus grèva amb gaireben 16 000 victimas. La region de Madrid es l’endrech pus afectat. Mas Aran es un endrech tanben fòrça tocat per la pandemia amb 79 cases (segon de donadas d’aqueste divendres de matin).
Nascut a Les (Quate Lòcs) en 1989, Aymar Navarro ten lo títol del melhor esquiaire europèu de l’an en 2017, après una tièra de reüssidas de Navarro dont podèm soslinhar sa tresena posicion al campionat mondial d’esquí fòrapista d’Andòrra d’aquela meteissa annada. E mai foguèt lo primièr ciutadan de l’estat espanhòl a participar al Freeride World Tour.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Se s'aguesse fait un confinament coma en Alemanha que la gent pot sortir a far exercici fisic, las causas anarian molt millor.
Atencion, le supermercat Boya, a Les, que tot le sud de Nauta Garòna i va en nombre... que la frontièira es barrada... que son a perdre quicòm de bauch...
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari