Bandièra01 capçalera 1180x150: Botiga

Actualitats

InternacionalPoliticaSocietat

Comença uèi dins l’estat espanhòl un desconfinament polemic

Plusors autoritats sanitàrias avertisson qu’aquò es irresponsable. Tanben o pensan Podèm e fòrça govèrns regionals. La Generalitat de Catalonha ditz que restarà pas “los braces crosats”

L’estat espanhòl comença uèi lo retirament del confinament dins de fòrtas polemica e contèsta. Lo president del govèrn, Pedro Sánchez, a ja sollicitat dels trabalhadors que tre uèi tornen a lors emplecs, e mai lor demande que se protegiscan durant los desplaçaments. Per Sánchez, contunha l’estat d’emergéncia mas es acabada l’ibernacion de las activitats non essencialas. E mai Sánchez a assegurat que seguís de critèris scientifics e non pas politics per sa decision.
 
Per contra, sos sòcis de govèrn de Podèm an assegurat qu’es pas lo moment de desfar los esfòrces atenches fins ara e que cal salvar de vidas. Segon Podèm, cal “téner un pauc mai los sacrificis”.
 
Tanben divèrsas autoritats sanitàrias an avertit Sánchez del perilh de sa mesura e demandan d’esperlongar lo confinament total.
 
De son latz, la Generalitat de Catalonha assegura que la decision es precipitada e qu’aquò pòt saturar lo sistèma de santat. Dins aquel sens, lo president de la Generalitat en foncions, Quim Torra, a assegurat que restariá “pas los braces crosats” se lo govèrn espanhòl rectifica pas.
 
 
 
 
 
 

abonar los amics de Jornalet

 


 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Adrian Moore
3.

#1 Un dandièr e l'autre son lo meteis : l'ubris, la possibilitat indefinida e illimitada de s'enriquir sempre mai subre l'esquina dels autres, segon la lei del mai fòrt, del mai apatic, del mai psicopatic. La finança deu èsser enrgada, contenguda per la volontat e l'interès collectiu, totalament collectiu. Sempre. Çò mai se ditz foliá. E i sèm ja.

  • 2
  • 0
francesc palma
2.

L'ipocresia es un mal de la dreta castelhana e tamben catalana, que s'enfoten del confinament e la maire qu' el parí. Aquesta colha d'ipocritas tenen sas casas de camp e sas carteras ben plenas de diners. Farisseus ! Ipocritas !!!!! Als de Poden son a part perquè los sindicats los deuen aver dit que o fessen aital, mas s' es veirai açò, no los an de far cas, perquè eles an de defensar los trabalhadors mai paures e desvalguts, pas solament a los trabalhadors funcionaris e mai privilegiats.

  • 2
  • 0
papioli
1.

Confinat, confinat, confina.nana...aat;
Lo pòple bastit la soa gabia e se fai geolier de se.
Anirem far la guerra en China que los chines son causa de la propagacion d'aquel virus.
Tornarem emben un cul de pè au darrier. Los chines nos diran
occupatz-vos de vòstre darrier.
Chau pas confondre la pandemia mediatica e la pandemia virala. Chau pas confondre la mòrt provocada per un virus e la mòrt provocada per de las antennas qu'utilisan las ondas electromagneticas 5G que son meurtrieras.

D'entre, d'un biais Philipe le Bel e lo pape, de l'autre biais l'eretic, jornalet chausit totjorn la pensada officiala sens p'una critica.

  • 4
  • 8

Escriu un comentari sus aqueste article