Bandièra01 capçalera  1180x150: Novestivada

Actualitats

Khabur: après lo chaple de l’Estat Islamic ara los assirians son a mand de desparéisser

Un rapòrt avertís de la destruccion de lor patrimòni material e immaterial e crida ajuda per que se crèe las condicions per qu’ i pòscan tornar

| Khlapieel Bnyameen / Assyrian Policy Institute
Cinc ans après lo chaple qu’i faguèt l’autoproclamat Estat Islamic, la preséncia d’assirians a Khabur es menaçada. Solament lo 6% dels membres d’aquel pòble son tornats dins aquela val del nòrd de l’estat sirian, çò rapòrta Nationalia que mençona un rapòrt de l’Assyrian Policy Institute qu’avertís de la destruccion de lor patrimòni material e immaterial e assegura que serà complicat de rebastir la comunautat se se crèa pas las condicions per qu’i pòscan tornar.
 
Los assirians s’installèron dins la val de Khabur dins los ans 1930. Èran de familhas expulsadas de la region de Hakkari, al Curdistan del Nòrd (Turquia). Abans la guèrra actuala, s’estimava que la populacion assiriana sul territòri de Khabur èra d’aperaquí 20 000 personas.
 
Lo rapòrt demanda que l’UNÈSCO entamene una enquista suls eveniments e sollicita dels govèrns de Siria, Iraq, Turquia e Iran que reconescan lo pòble assirian coma pòble autoctòn e ne protegiscan las lenga e cultura. En mai d’aquò, se demanda a l’ÒNU e la comunautat internacionala de fonzes per restaurar los edificis destruches e preservar la cultura dels pòbles atacats per l’Estat Islamic.
 
Los assirians, eiretièrs d’una de las civilizacions mai ancianas de l’umanitat, son majoritàriament crestians, e foguèron tanben de victimas del genocidi de 1915. Dins aquel chaple se calcula que los otomans tuèron 1,5 milions d’armènis e 300 000 assirians. La populacion assiriana actuala dins l’estat turc es fòrça reducha e concentrada dins las grandas vilas, majoritàriament a Istambol. Son tanben estats una de las butas de l’autoproclamat Estat Islamic.
 
D’autres territòris del Curdistan Occidental tenon tanben de populacions assirianas mai petitas, coma la vila de Qamishli. En 2014, las autoritats de Cizîre declarèron l’assirian lenga oficiala del canton, amb lo curd e l’arabi.
 
Al començament de 2017 tanben las autoritats de Turquia enreguèron una autra campanha de persecucion dels assirians.
 
 
 


  abonar los amics de Jornalet

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

francesc Palma
5.

L'Estat Islamic tuet molts de cristians amb la seva conquista de Siria pagats pels iancos e L'Union Europea. Afortunadament los Russos ajuderon al Govern de Siria e los an fotut fora. Colha de sangoneras !

  • 2
  • 0
Laurenç Gavotina
4.

#3 *neteament
u assirians
(aquel de corrector automatic...)

  • 3
  • 0
Laurenç Gavotina
3.

Ai rescontrat a Mentan una familha de refugiats assirians, originaris d'Irac, qu'una punhaia san installats aquí.
Ese coma damb u armènis, u païses faràn just de restauracion d'un o dos monumentes crestians per far venir d'esperats toristas occidentales. Genre Santa Sòfia. Mas per lo rèsta ese netament etnicoreligiós.
Mas per o rèsta pensan, u assirians, qu'es perdut. San refugiats politics e an minga espèr de retòrn. M'an dich: se tornema ailí, sèm condemnats de mòrt segura"! Neshun vorrà trabalhar damb elu, problèmas damb e banque, destruccion ocupacion d'e case (scenari de Cípria nòrd).
Fa ja de desenales d'annaie que i assirians partan a u EUA, tòrnan jamai.
Parier per u crestians Palestinians, mas en meno pèjor, per o moment.

  • 10
  • 0
Desorientat
2.

#1 Se los Assirian fasián partida dels "Orients d'Occitania", coma o ditz Alem Surre-Garcia, e ben aquí es tras que clar que Turquia fa integralament partida dels "Orients de França"…

  • 9
  • 1
Black Blòc Joe
1.

Bordèu, Lemòtges, Clarmont, Tolosa, Marselha, Niça : après lo chaple cultural e linguïstic de l’Estat Imperialista Francés ara los Occitans son a mand de desparéisser tanben. Cap besonh d'anar islamista per o chaplar tot davant se.

  • 8
  • 4

Escriu un comentari sus aqueste article