Actualitats
L’Anak Krakatau, tornarmai en erupcion, a revelhat sièis autres volcans
Aquesta nòva erupcion l’an pogut ausir a mai de 600 quilomètres de distància, mas sens causar de victimas
Lo volcan Anak Krakatau tenguèt lo 10 abril passat son erupcion mai violenta après la de decembre de 2018 mas sens causar cap de victima. Situat sus l’estrech de la Sonda, entre las illas de Java e Sumatra, aquel volcan provoquèt en 2018 la mòrt de mai de 400 personas a causa del tsunami que l’entraïnèt l’erupcion.
Aquesta nòva erupcion l’an pogut ausir a mai de 600 quilomètres de distància. A mai, en consequéncia, se son activats d’autres sièis volcans de la region. De soslinhar qu’Indonesia se tròba dins la Cencha de fuòc del Pacific.
Lo nom del volcan, Anak Krakatau, vòl dire “lo filh de Krakatoa” en memòria del volcan que lo precediguèt. L’Anak Krakatau emergiguèt de la destruccion del Krakatoa en 1927 en creant una nòva illa. Dempuèi alavetz quitava pas de créisser fins a sa darrièra erupcion lo 23 de decembre passat, quand l’illa se reduguèt a la mitat a causa de l’erupcion.
Aquesta nòva erupcion l’an pogut ausir a mai de 600 quilomètres de distància. A mai, en consequéncia, se son activats d’autres sièis volcans de la region. De soslinhar qu’Indonesia se tròba dins la Cencha de fuòc del Pacific.
Lo nom del volcan, Anak Krakatau, vòl dire “lo filh de Krakatoa” en memòria del volcan que lo precediguèt. L’Anak Krakatau emergiguèt de la destruccion del Krakatoa en 1927 en creant una nòva illa. Dempuèi alavetz quitava pas de créisser fins a sa darrièra erupcion lo 23 de decembre passat, quand l’illa se reduguèt a la mitat a causa de l’erupcion.
En loop. #Krakatoa#Krakataupic.twitter.com/J8WcI7bHsy
— Àlex Hinojo (@AlexHinojo) April 11, 2020
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari