Actualitats
Montpelhièr: contraròtle de polícia violent envèrs un benevòl del Socors Popular
Segon la Liga dels Dreches de l’Òme, lo benevòl foguèt insultat e malmenat fisicament pels policièrs, que li aurián “getat sos papièrs d’identitat per sòl, en li reprochant de rompre lo confinament”
Contunhan de se multiplicar las agressions e los abuses policièrs durant lo confinament. O raportàvem sus Jornalet fa qualques jorns. Ara France Bleu ven de raportar un contraròtle de polícia violent a Montpelhièr envèrs un benevòl del Socors Popular; l’incident aguèt luòc diluns passat, 20 d’abril.
Lo benevòl patiguèt un contraròtle musclat davant la gara de Sant Ròc e foguèt quitament verbalizat e mai son atestacion foguèsse en règla. Segon la Liga dels Dreches de l’Òme, lo benevòl, qu’aviá tota la documentacion que caliá per èsser ont èra, foguèt insultat e malmenat fisicament pels policièrs, que li aurián “getat sos papièrs d’identitat per sòl, en li reprochant de rompre lo confinament”.
La Liga dels Dreches de l’Òme rapòrta qu’un primièr policièr l’agarriguèt “verbalament, en li cridant e escopissent dessús”, e li getèt sos papièrs d’identitat per sòl en l’acusant de “rompre lo confinament”. Puèi, un de sos collègas lo butèt “tan violentament que tombèt endarrièr contra la ponhada d’una de las pòrtas d’intrada de la gara, ont se donèt un còp que li faguèt fòrça mal”. A mai, li notifiquèron una multa sens li donar ges de recebut. Segon France Bleu, èran d’agents de la Polícia de las Frontièras.
L’òme a fach sa denóncia a l’Inspeccion Generala de la Polícia Nacionala, a la Gendarmariá e al Procuraire de la Republica amb un certificat medical que demostrava una incapacitat de trabalhar de cinc jorns. A mai, demanda que se consulte los imatges de las camèras de susvelhança per refortir sa denóncia.
Lo benevòl patiguèt un contraròtle musclat davant la gara de Sant Ròc e foguèt quitament verbalizat e mai son atestacion foguèsse en règla. Segon la Liga dels Dreches de l’Òme, lo benevòl, qu’aviá tota la documentacion que caliá per èsser ont èra, foguèt insultat e malmenat fisicament pels policièrs, que li aurián “getat sos papièrs d’identitat per sòl, en li reprochant de rompre lo confinament”.
La Liga dels Dreches de l’Òme rapòrta qu’un primièr policièr l’agarriguèt “verbalament, en li cridant e escopissent dessús”, e li getèt sos papièrs d’identitat per sòl en l’acusant de “rompre lo confinament”. Puèi, un de sos collègas lo butèt “tan violentament que tombèt endarrièr contra la ponhada d’una de las pòrtas d’intrada de la gara, ont se donèt un còp que li faguèt fòrça mal”. A mai, li notifiquèron una multa sens li donar ges de recebut. Segon France Bleu, èran d’agents de la Polícia de las Frontièras.
L’òme a fach sa denóncia a l’Inspeccion Generala de la Polícia Nacionala, a la Gendarmariá e al Procuraire de la Republica amb un certificat medical que demostrava una incapacitat de trabalhar de cinc jorns. A mai, demanda que se consulte los imatges de las camèras de susvelhança per refortir sa denóncia.
Confinement : un contrôle de police violent envers un bénévole du Secours Populaire à Montpellier ? via @bleuheraulthttps://t.co/0rgKVnFcDB
— France Bleu Hérault (@bleuherault) April 20, 2020
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Sempre i a los que non se saben comportar, a La Bisbal dos monicipardals , en Rambo e En Bufalo Bill, un dels pegà una potada de karate a un nin negre, que lo podia aver matat o daissat paralitic per sempre. Mas l'Ajuntament pusleu los suspenguet de sou e de trebalhar. Aquí i a la diferencia que las forças policials tenguen un govern progresista o facha.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari