Actualitats
L’ADN a confirmat qu’Enric de Borbon e Loís XVI èran emparentats
Una còla de scientifics es arribada a aquela conclusion après analisar lo cap d’Enric de Navarra e de rèstas del sang de Loís XVI
Una còla de cercaires parisencs e catalans a confirmat que las rèstas trobadas del cap momificat del rei Enric III de Navarra (Enric IV de França) e las trobadas dins lo sang sec del sieu descendent, Loís XVI, rei de França e de Navarra e coprince d’Andòrra, partejan un meteis perfil genetic. Los resultats, publicats dins la revista Forensic Science International, demòstran que los dos reis tenon “lo meteis patrimòni genetic a travèrs dels emparentats”, segon çò que diguèt a l’AFP lo mètge legista de l’espital Raymond Pincaré de París, lo Dr. Charlier, expèrt en enigmas istoricas.
Segon Charlier, aqueles resultats fan que confirmar “la veracitat de l’arbre genealogic entre Enric IV e Loís XVI”.
Lo cap d’Enric de Borbon foguèt trobat en 2008 e autentificat en 2010 per una còla de vint especialistas, dirigida pel quite Charlier, e mai s’alavetz se’n poguèt pas extraire l’ADN.
Del sieu costat, lo sang atribuit a Loís XVI s’obtenguèt d’un mocador que portava lo rei al moment d’èsser guilhotinat en 1793.
Los dos reis, separats per sèt generacions, son emparentats per la linha pairala.
Aqueles resultats càmbian pas res a l’istòria mas son interessants per aqueles istorians que defendián que Loís XIV èra filh del Cardinal Jules Mazarin.
Ara, sonque se cal demandar çò que se seriá passat se París aguèsse pas ben valgut una messa.
Segon Charlier, aqueles resultats fan que confirmar “la veracitat de l’arbre genealogic entre Enric IV e Loís XVI”.
Lo cap d’Enric de Borbon foguèt trobat en 2008 e autentificat en 2010 per una còla de vint especialistas, dirigida pel quite Charlier, e mai s’alavetz se’n poguèt pas extraire l’ADN.
Del sieu costat, lo sang atribuit a Loís XVI s’obtenguèt d’un mocador que portava lo rei al moment d’èsser guilhotinat en 1793.
Los dos reis, separats per sèt generacions, son emparentats per la linha pairala.
Aqueles resultats càmbian pas res a l’istòria mas son interessants per aqueles istorians que defendián que Loís XIV èra filh del Cardinal Jules Mazarin.
Ara, sonque se cal demandar çò que se seriá passat se París aguèsse pas ben valgut una messa.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
E dire que son pas fotuts de nos dire qui es lo papà del nenet de Rachida Dati!
Èra donc lo descendent de son ajòu ! Mercés Captain Obvious !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari