Bandièra01 capçalera 1180x150: Botiga

Actualitats

InternacionalPoliticaSocietat

Trump prepausa de calfar lo còrs uman e d’i injectar de desinfectant per combatre la Covid-19

Dins la conferéncia de premsa, lo jornalista del Washington Post interpellèt lo president e se faguèt acusar de difusar d’informacions falsas

| Jonathan Ernst / Reuters
Donald Trump a passat l’òsca. Lo president dels Estats Units prepausa ara de garir los malauts de la Covid-19 amb d’irradiacions de calor e d’injeccions de desinfectant. Atal jonh l’idèa que calfar lo còrs uman poiriá desactivar lo virus.
 
De cercaires del govèrn estatsunidenc an raportat l’ipotèsi que lo virus se tròba melhor dins de condicions secas e que pèrd sa poténcia quand aumentan las temperaturas e l’umiditat, sustot s’es expausat a la lutz solara.
 
Es a preapaus d’aquò que Trump a dich:
 
“Supausem qu’expausem lo còrs a una lutz grandassa, ultravioleta o  simplament fòrça potenta, e qu’introdugam la lutz dins lo còrs, e que se pòsca far a travèrs de la pèl o de qualque autre biais. E ben, i a puèi lo desinfectant, fonciona en una minuta, una minuta, e s’i a una manièra que poscam far quicòm coma l’injectar dedins o far un netejatge, per qu’arribe als palmons. Aital serà tanben interessant d’o ensajar e aquò o deuretz far los mètges. Mas me sembla interessant, veirem ben”
 
Dins la conferéncia de premsa, lo jornalista del WashingtonPost interpelèt lo president e se faguèt acusar de difusar d’informacions falsas:
 
— “Respectuosament, Sénher, vos sètz lo president e lo mond que se connèctan a las informacions televisadas vòlon obténer d’informacions e de conselhs e vòlon saber qué far. Eles cèrcan pas de rumors”, çò diguèt lo jornalista Philip Rucker.
 
Trump li respondèt: —”Òu, Phil. Ieu soi lo president e vodautres sètz de falsas nòvas (fakenews)”.
 
Mentretant, lo Congrès dels Estats Units a aprovat un plan de salvament de 500 miliards de dolars per afrontar una crisi economica sens precedent.


Mai d'una centena de cases d'intoxicacion per desinfectant

Après las paraulas de Trump, ABC News a raportat mai d'una centena de cases d'intoxicacion per desinfectant als Estats Units.





   


 
abonar los amics de Jornalet

 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Mèfi! 31
3.

Trump es pas bauch e es en campanha electorala, e d'aitant ditz çò que se pensa entre les sèus fisèls, que les fondamentalistas crestians i son nombroses...seleccion divina...

  • 4
  • 0
Franc Bardòu
2.

Trump prepausa de calfar lo còrs uman e d’i injectar de desinfectant per combatre la Covid-19 ! Plan notat ! Que venga a contractar lo virus e saurem cossí lo sonhar, aqueste…

  • 5
  • 1
francesc palma
1.

S'el realment vol ajudar a son poble. Lo qu' a de far es posar una sanitat publica e gratuita per tota la poblacion. Segur que çò que diu li an dit los metges e investigadors dels Estat Units. Mas sabent la pauca simpatia que li ten la premsa, podria ser una informacion no del tot fiable o dubtosa. Mas va dirigida a la poblacion: calors, umitat, desinfeccion, lutz solar, per debilitar lo virus. Non passar fret, un umificador a la cambra, fer se netas las mans, duchar se, e prende lo solel per tot lo cos. Au que amb aissò s'en surt. Mas se non s'en surt ?

  • 4
  • 3

Escriu un comentari sus aqueste article