Bandièra01 1180x150: Comuna de Tolosa

Actualitats

EnvironamentSciéncia

Se barra lo grand trauc dins lo jaç d’ozòn del Pòl Nòrd

Dempuèi lo mes de març los scientifics èran inquiets a causa d’aquela anomalia qu’es tornada a la normalitat. La diminucion de la pollucion a causa dels confinaments n’i a pas agut res a veire

| Copernicus ECMWF
Lo mes de març passat, de scientifics avián detectat un trauc enòrme dins lo jaç d’ozòn sus l’ocean Arctic. Mas s’es ja barrat, çò a raportat lo Centre Europèu de Previsions Meteorologicas de Mejan Tèrme (ECMWF, segon sa sigla en anglés) del programa europèu de susvelhança de la Tèrra dich Copernicus.
 
Los scientifics avián observat d’indicis de la formacion d’un trauc estranh e o atribuiguèron a las bassas temperaturas del Pòl Nòrd. Al començament d’abril, l’Agéncia Espaciala Europèa comuniquèt que los nivèls d’ozòn tombavan rapidament, çò que provoquèt aquel traucàs dins lo jaç d’aquel gas que protegís la tèrra de las radiacions ultravioletas del Solelh.
 
Pasmens, dijòus passat, 23 d’abril, la còla de l’ECMWF anoncièt que lo trauc s’èra barrat. De scientifics avián ja previst aquel barrament qu’a pas res a veire amb la davalada de la pollucion deguda als confinaments de la crisi sanitària. S’estima, d’efièch, que s’es barrat a causa de l’èrsa de calor arribada dins l’ocean Artic amb de temperaturas fòrça pus nautas que çò abitual, çò rapòrta Euronews.
 
 
 



abonar los amics de Jornalet

 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

francesc Palma
1.

Los cientifics de Copernicus ECM... .podran dire lo que vulgan, mas cresi que si qu' es per la baissada de l'activitat industrrial contaminant, sustot en paisos molt contaminants coma la Xina e los EEUU.

  • 1
  • 0

Escriu un comentari sus aqueste article