Bandièra01 capçalera  1180x150: Botiga

Actualitats

Las protèstas son tornadas per carrièras

Mentre que los sindicats cridan a manifestar sul ret o de las fenèstras estant, dins fòrça païses del Mond ont i aviá de protèstas, lo mond an tornat prene las carrièras

Una centena de manifestants s’acampèron dins un centre comercial de l’illa d’Hong Kong, l’International Financial Centre, e defisèron l'interdiccion de far de concentracions impausada per las autoritats a causa de la crisi sanitària de la Covid-19
Una centena de manifestants s’acampèron dins un centre comercial de l’illa d’Hong Kong, l’International Financial Centre, e defisèron l'interdiccion de far de concentracions impausada per las autoritats a causa de la crisi sanitària de la Covid-19

Primièr de mai a las fenèstras e balcons
 
Aqueste primièr de mai es diferent. Ja que se passarà en confinament, plusors sindicats an cridat a las manifestacions en linha e dempuèi las fenèstras e los balcons. "Quitament confinats, manifestem totes lo 1r de mai amb de pancartas, bandeiròlas o en envasissent los rets socials, donem a aquesta jornada una vertadièra fòrça collectiva", segon un comunicat comun dels principals sindicats obrièrs e d'estudiants de l'estat francés, çò rapòrta La Provence.
 
Ça que la, en mai d'un endrech de la planeta ont i aviá de protèstas socialas, lo mond an tornat aquesta setmana prene las carrièras, segon Vilaweb.


Hong Kong: tornarmai de manifestants per carrièras en despièch del confinament
 
Diluns passat, una centena de manifestants s’acampèron dins un centre comercial de l’illa d’Hong Kong, l’International Financial Centre, e defisèron l'interdiccion de far de concentracions impausada per las autoritats a causa de la crisi sanitària de la Covid-19.
 
Los manifestants portavan de bandièras de la vila e d'afichas amb lo lèma "Liberatz Hong Kong", e cantèron l’imne non oficial abans que la polícia los dispersèsse. Qualques manifestants foguèron detenguts e mai deuràn pagar de multas de 250 èuros per "aver mancat a las mesuras de distància fisica".
 
La velha, dimenge, un grop de personas avián ja manifestat dins un quartièr residencial de l'èst de l'illa e tanben i aguèt d'acamps en centre vila ont los manifestants portavan de bandeiròlas en favor de la democracia e de la libertat d'Hong Kong.


 
Liban: un mòrt dins la represa de la "Susmauta de la fam"
 
Las protèstas son tanben tornadas aquesta setmana en Liban, un autre epicentre de las revòltas que viu la planeta. Los manifestants assautèron qualques burèus de banca en los incendiant e i aguèt d'afrontaments violents amb la polícia. A Trípol foguèron talament violents que i auriá almens un manifestant mòrt, un jove de 26 ans sonat Fawaz As Samman. En aquela meteissa vila i aguèt mai d'una trentena de nafrats e fòrça arrestacions.
 
L'armada libanesa a demandat excusa publicament per la mòrt d'As Samman dins un gèst inedit. Totun, aquela mòrt a intensificat las protèstas.
 
Liban a recuperat las protèstas popularas après dos meses de cauma en seguida de las mesuras de confinament per combatre lo coronavirus e de la paur del pòble de manifestar durant la pandemia. Mas ara que las autoritats rapòrtan mens de 10 cases de Covid-19 per jorn, lo mond prenon tornarmai las carrièras en reviscolant la dicha Susmauta de la fam en causa de la casuda de la lira libanesa e de la creissença dels prèses dels bens basics. Es la seguida de las grandas mobilizacions contra lo govèrn libanés qu'arribèron de far demissionar lo primièr ministre, e aquò ten lo govèrn en chepic.
 
 
Las protèstas tornan tanben en Chile
 
Las protèstas en Chile contra lo govèrn e las inegalitats son estadas suspendudas qualques setmanas a causa de la pandemia, mas diluns passat i aguèt tornarmai de manifestacions dins maites endreches de la capitala. La polícia ataquèt aqueles acamps en causant la nafradura d’almens dètz personas e en n'arrestant mai d'una seissantena.
 
Demest los detenguts i a lo mètge Pablo Sepúlveda, felen de l’èx-president Salvador Allende, reversat e mòrt l'11 de setembre de 1973 per un còp d’estat dirigit pel general Augusto Pinochet.
 
Chile se tròba jos l’estat d’excepcion, amb cobrifuòc a partir de 22h00, amb los corses suspenduts, amb las frontièras e las botigas barradas se son pas de primièr besonh e amb tot plen de quartièrs e de vilas en quarantena. Dempuèi que se detectèt lo primièr cas de Covid-19 dins lo país, s’es enregistrat 13 813 infeccions e 198 mòrts. Las reünions de mai de cinquanta personas son enebidas.
 
 
Eslovènia protèsta contra la corrupcion
 
Mentretant en Eslovènia, las protèstas son tanben arribadas. Aquí, l’oposicion acusa lo primièr ministre, Janez Janša, de corrupcion amb lo material sanitari arribat al país per combatre lo coronavirus. Un milièr de personas se son acampats a Ljubljana davant lo sèti del govèrn.
 
 
De manifestacions en Alemanha per defendre los dreches civils
 
En Alemanha, ont las manifestacions son tanben interdichas en seguida de la crisi sanitària, divèrses grops an ensajat de manifestar a Berlin per revendicar los dreches fondamentals que las mesuras de confinament son a i mancar. En Alemanha es enebit que mai de doas personas se reüniscan.
 
Totjorn en Alemanha, lo movement ecologista Fridays for Future a manifestat d’una manièra originala dins la vila d’Esslingen. Los manifestants an daissat lors sabatas e bandeiròlas sus la plaça, en tot i intrar e ne sortir en respectant las mesuras de seguretat.
 
 
Endacòm mai
 
Dins fòrça autres estats del Mond i a agut de protèstas esporadicas, tanben. Per exemple, en Grècia o dins fòrça païses de l’America Latina e d’Africa.
 
Veirem ben cossí se debana uèi la jornada del primièr de mai al país.




abonar los amics de Jornalet

 
Las protèstas son tanben tornadas aquesta setmana en Liban
Las protèstas son tanben tornadas aquesta setmana en Liban
En Liban, los manifestants assautèron qualques burèus de banca en los incendiant e i aguèt d'afrontaments violents amb la polícia
En Liban, los manifestants assautèron qualques burèus de banca en los incendiant e i aguèt d'afrontaments violents amb la polícia
A Trípol i auriá almens un manifestant mòrt, un jove de 26 ans sonat Fawaz As Samman
A Trípol i auriá almens un manifestant mòrt, un jove de 26 ans sonat Fawaz As Samman
Las protèstas en Chile contra lo govèrn e las inegalitats son estadas suspendudas qualques setmanas a causa de la pandemia, mas diluns passat i aguèt tornarmai de manifestacions dins maites endreches de la capitala
Las protèstas en Chile contra lo govèrn e las inegalitats son estadas suspendudas qualques setmanas a causa de la pandemia, mas diluns passat i aguèt tornarmai de manifestacions dins maites endreches de la capitala
En Eslovènia, l’oposicion acusa lo primièr ministre, Janez Janša, de corrupcion amb lo material sanitari arribat al país per combatre lo coronavirus
En Eslovènia, l’oposicion acusa lo primièr ministre, Janez Janša, de corrupcion amb lo material sanitari arribat al país per combatre lo coronavirus
A Berlin an revendicat los dreches fondamentals que las mesuras de confinament son a i mancar
A Berlin an revendicat los dreches fondamentals que las mesuras de confinament son a i mancar
Fridays for Future a manifestat d’una manièra originala dins la vila d’Esslingen. Los manifestants an daissat lors sabatas e bandeiròlas sus la plaça, en tot i intrar e ne sortir en respectant las mesuras de seguretat
Fridays for Future a manifestat d’una manièra originala dins la vila d’Esslingen. Los manifestants an daissat lors sabatas e bandeiròlas sus la plaça, en tot i intrar e ne sortir en respectant las mesuras de seguretat
En Grècia i a agut de protèstas esporadicas
En Grècia i a agut de protèstas esporadicas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Joan Bodon Al Batrach
2.

Se demòra res a pèrdre, jograrem lo darrièr jòc !

  • 3
  • 0
commaret ST jULIEN
1.

La plegarem pas l'esquina!

  • 9
  • 0

Escriu un comentari sus aqueste article